ArabicEnglishFrenchSpanish

إعـــــــلان

تقليص
لا يوجد إعلان حتى الآن.

جيت نخوي قلبي و نحكي قصة فشلي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    جيت نخوي قلبي و نحكي قصة فشلي

    السلام عليكم
    تنكتب وانا ربي اللي علم بيا ز تنتمنى تحسو بيا
    هد أسبوع دفعت سيفي لواحد المدرسة خاصة فيها مسجلين وليداتي باش ندرس فيها علما أن واحد الأستادة هي اللي علماتني بأن عند المدرسة خصاص في أساتدة الفيزياء و فعلا تقدمت للمدير عطيتو السيفي ديالي فرح بيا معرفش شنو يدير باش يرضيني قالي راه كاين أستاد لكن بغيتك نتي تشدي الأقسام حيت الأستاد اللي كاين متيشرحش مزيان في الصراحة أنا مبغيتش ناخد المكان ديال شي أستاد لكن ملي فكرت قلت نبدا بعدا و ديكالساعة نشوف تصورو بديت الإثنين قالي غدا التلاتاء تعطي درس مع العلم عمري مدرست وانا بالحماس ديالي وافقت موجدتش الدرس مزيان ومشيت باش نعطي درس للتلاميد في الحقيقة مكنتش مقنعة كان حاضر واحد الأستاد و داك الأستاد اللي متيشرحش مزيان شافو شنو درت و في الأخير تدخل الأستاد وقال بأن الشرح داز بسرعة

    ماعلينا هدر معايا المدير و قالي خاصك ديري فترة تدريبية
    قتلو واخا دب هد أسبوع باش بديت معاهوم و الصراحة لقييييييييت راسي تنشرح للتلاميد ملي تيخرج الأستاد و يكلفني بيهم و حسيت بواحد المتعة متصورش
    اليوم جات واحد الأستادة جديدة باش تدرس في مكان الأستاد اللي متيشرحش مزيان و بالتالي مشى فحالو اليوم وانا تقطعات أمالي لأن الأستادة جابها الأستاذ اللي كان حظر ليا و علق على الطريقة باش درست مشيت عند المدير وسولتو واش غد نستمر في السطاج قالي لا سيري حت نعيطولك مور العطلة باش نديرو ليكم سطاج معرفتش واش غير تيصدرني ولا بصح أنا دب تنحس بواحد الفرااااغ وولادي مشاو وحدهوم للمدرسة و تيسولوني علاش مغتمشيش أماما تدرسي و الله إلى تأزمت
    الله المعيييييييييييييين
    • WhatsApp

    #2
    رد: جيت نخوي قلبي و نحكي قصة فشلي

    ختي متقلقيش الخير فيما اختره الله و عسى ان تكره شيئ و هو خير لكم
    الا كنتي مهتمة بالتدريس سيري ديري دورة تكوينية باش تعلمي كيفاش تعاملي مع تلاميذ و تشرحي ليهم و ان شاء الله دفعي للبلاصة اخرة و يقبلوك
    الله يسر ليك

    تعليق

      • WhatsApp

      #3
      رد: جيت نخوي قلبي و نحكي قصة فشلي

      اختي اولا هاد مشي فشل هدي تجربة دزتي منها وكانت ايجابية بالنسبة لك علاش لانك تعلمتي منها وعرفتي راسك انك قديتي تواصلي مع التلاميذ منين خرج الاستاذ ومن طبيعة الحال راه ماشي ساهل لانك اول مرة غتمري من هادشي، ما عليك غير تشجعي والا ما عيطش ليك المدير وراء عطلة العيد سيري قلبي على مدارس اخرى فين تديري تداريب وتكتاسبي مهارات باش ما يجي العام يسالي حتى تكوني كفأ وقادة انكي تحملي مسؤولية القسم وزايدون تبارك الله عليك راكي تخصص فيزياء يعني لالة ومولاتي، وتذكري انه من سار على الدرب وصل واكيد غادة توصلي بجهد الله.. الله المعين









      تعليق

        • WhatsApp

        #4
        رد: جيت نخوي قلبي و نحكي قصة فشلي

        أختي الله يعوضك ماأحسن منها ماشي هادي هي نهاية الحياة كاين لي كايعانيو سنين و سنين باش يلقاو خدمةمحترمة وربي ماعطاهومش و عسى أن تكرهو شيئا وهو خير لكم أكثري من الدعاء والقرآن وربي يفرجها عليك

        تعليق

          • WhatsApp

          #5
          رد: جيت نخوي قلبي و نحكي قصة فشلي

          ماكانعتابرش انني ندير شيء عمر درتو وما توفقتش فيه للمرة الاولى فشل نقولك فاشلةة الى دربوك شهر اوااالو اما من اول وهلة لا يعقل الرزاق الله الى عيط ليك رجعي لتما وتبتي جدارتك والى ما عيطش ليك ما خسرتي والو بالعكس اكتاسبتي تجربة والتجربة عمر ما كاتكون فشل الله يوفقك اختي عاودي الكرة مرة وزوج وماية والا غادي تكوني فاشلة ديال بصح





          [CENTER]


          تعليق

            • WhatsApp

            #6
            رد: جيت نخوي قلبي و نحكي قصة فشلي

            هادي تجربة ماتعتابريهاش نهاية العالم ماعرفتي الخير فين مخبي




            دعواتكم حبيباتي لصغيري بالشفاء

            تعليق

              • WhatsApp

              #7
              رد: جيت نخوي قلبي و نحكي قصة فشلي

              اختي مدارس بريفي على افا من يشيل مالك على هاد الياس سيري ديري دورة تكوينية وبقاي دفعي والا كانت عندك الماهلات علاش مادفعي تال العمومي وكل عام وزهرك راه قالي كايت الخصاص فالتعليم وماتعرفي نتي والمكتاب ماتسميش هادشي فشل حيت ممكن تكون هاديك جابها حيت معرفة او او المهم ماتهتميش بالموضوع ونسايه وبداي من جديدوبالتوفيق اختي

              تعليق

                • WhatsApp

                #8
                رد: جيت نخوي قلبي و نحكي قصة فشلي

                نصيحتي ليك دفعي باش توجدي الاجازة المهنية التربوية في لينس اللي قريبة ليك او لا الكلية
                غاتقراي عام واجي تشوفي يبقاو يرغبو فيك باش تقبلي غير تحضري ليهم درس ماشي تقري كاع
                والى كان السن ديالك تحت اربعين سنة بهاديك الاجازة للتعليم العمومي

                تعليق

                  • WhatsApp

                  #9
                  رد: جيت نخوي قلبي و نحكي قصة فشلي

                  ريحتوني الله يجازيكم بخير كل وحدة بإسمها
                  أنا تنتظر يعيط ليا المدير من أجل دورة توكينية ويلا معيطش ليا إن شاء الله ندفع في مدرسة أخرى
                  الله المعيييييييييييييين

                  تعليق

                    • WhatsApp

                    #10
                    رد: جيت نخوي قلبي و نحكي قصة فشلي

                    الله سهل علك اخت والله فرحك ان شاء الله

                    تعليق

                    يعمل...
                    X