إعـــــــلان

**om anaas** · 21-10-2014, 08:31

رد: شنو يمكن ليا ندير باوراق الجيلاتين عندي بزاف وقرب التاريخ يسالي

السلام عليكم ورحمة الله وبركاته أشمن نوع عندك ديل الجيلاتين راح حرام دك الأوراق حيت مصنوعة من الخنزير غي رموهم أختي
الجيلاتين الوحيد ألي حلال هو agar agar غبرة معرفتش وش كين أوراق ديل agar agar

**دعا ء** · 21-10-2014, 10:17

رد: شنو يمكن ليا ندير باوراق الجيلاتين عندي بزاف وقرب التاريخ يسالي

المشاركة الأصلية بواسطة om anaas مشاهدة المشاركة

السلام عليكم ورحمة الله وبركاته أشمن نوع عندك ديل الجيلاتين راح حرام دك الأوراق حيت مصنوعة من الخنزير غي رموهم أختي
الجيلاتين الوحيد ألي حلال هو agar agar غبرة معرفتش وش كين أوراق ديل agar agar

راه كاينين اوراق الجيلاتين حلال انا ديما كانشريهم مكتوبة حلال كبيييرة ههههه التقليد عليهم

**دعا ء** · 21-10-2014, 10:18

رد: شنو يمكن ليا ندير باوراق الجيلاتين عندي بزاف وقرب التاريخ يسالي

المشاركة الأصلية بواسطة annissou مشاهدة المشاركة

السلام عليكم انيقاتي
كيف واضح فالعنوان بغيت شي وصفات ساااهلين كيستعملو فيهم اوراق الجيلاتين عندي بزاف والتاريخ قرب يسالي خفت غير يضيعو
بغيت شي وصفة ديال لاكلاص مثلا ولكن سااهل ماهل بمكونات سهلة ومتوفرة
يلاه وريوني حنة يديكم المبدعات
هانا فالانتظار وشكراااااا

اختي ايلا كانو عندك اوراق الجيلاتين حلال ديري بيهم تشيز كيك

**omomaya** · 21-10-2014, 10:23

رد: شنو يمكن ليا ندير باوراق الجيلاتين عندي بزاف وقرب التاريخ يسالي

السلام عليكم انا اسمعت الذكتور الفايد وكان تيحلف بالله بان اوراق الجيلاتين راهم حرام وقال بالحرف احرام على اصحاب الباتيسريات تيديروه للناس في الحلويات وخا مكتوبه فيه حلال راه مصنوع في اوروبا والله اعلم انا بعدا لا استعمله ومتنكولش الحلويات الي مصنوعه بيه خاصتا هادو جاتو كلاصي احدرو اخواتي
اما الجيلاتين الحلال هو اجار اجار لانو نباتي agar agar
اختي الا عندك تنفضل انك ترميه ومتبقايش تشريه يكون احسن اي حاجه فيها شبه من الاحسن اننا نتجنبوها

**fozfoz** · 21-10-2014, 10:43

رد: شنو يمكن ليا ندير باوراق الجيلاتين عندي بزاف وقرب التاريخ يسالي

المشاركة الأصلية بواسطة annissou مشاهدة المشاركة

السلام عليكم انيقاتي
كيف واضح فالعنوان بغيت شي وصفات ساااهلين كيستعملو فيهم اوراق الجيلاتين عندي بزاف والتاريخ قرب يسالي خفت غير يضيعو
بغيت شي وصفة ديال لاكلاص مثلا ولكن سااهل ماهل بمكونات سهلة ومتوفرة
يلاه وريوني حنة يديكم المبدعات
هانا فالانتظار وشكراااااا

سلام الله عليكم جميعا
أنا في موضعك أختي ارميهم ولا أسأل على ماذا أعمل بهم
من مدة كانت عندي عدة أوراق من الجيلتين وسمعت أنها تصنع من الخنزير ورميتها كلها بدون تعليق
والله المستعان زد على ذلك أن د محمد الفايد الله يجازيه عنا كل خير قال الكثير عن هذه الاوراق

**annissou** · 21-10-2014, 14:21

رد: شنو يمكن ليا ندير باوراق الجيلاتين عندي بزاف وقرب التاريخ يسالي

هدو اللي عندي مكتوب فيهم حلال
ايوا صافي نرميهم ايلا فيهم الشك
كنت خديت كرطونة فيها 10 د ساشيات وكل ساشي فيه 10 اوراق ب 200 درهم انا غير تصيدت شفت الثمن فمرجان فيه 20 درهم يحساب ليا الكرطونة ب 20 درهم ساعة راه غير ساشي واحد اللي ب 20 درهم والمشكل مشفتش الثمن فالفاكتورة حتا رجعنا للدار حيت تقدينا بزاف دالحوايج مجموعين داكشي علاش مرديتش البال
شكرا على الردود البنات

***smile*** · 21-10-2014, 14:52

رد: شنو يمكن ليا ندير باوراق الجيلاتين عندي بزاف وقرب التاريخ يسالي

المشاركة الأصلية بواسطة annissou مشاهدة المشاركة

هدو اللي عندي مكتوب فيهم حلال
ايوا صافي نرميهم ايلا فيهم الشك
كنت خديت كرطونة فيها 10 د ساشيات وكل ساشي فيه 10 اوراق ب 200 درهم انا غير تصيدت شفت الثمن فمرجان فيه 20 درهم يحساب ليا الكرطونة ب 20 درهم ساعة راه غير ساشي واحد اللي ب 20 درهم والمشكل مشفتش الثمن فالفاكتورة حتا رجعنا للدار حيت تقدينا بزاف دالحوايج مجموعين داكشي علاش مرديتش البال
شكرا على الردود البنات

يلا مزال عندك الفاتورة رجعيهم لمرجان

**binbouna** · 21-10-2014, 15:27

رد: شنو يمكن ليا ندير باوراق الجيلاتين عندي بزاف وقرب التاريخ يسالي

السلام عليكم انا غادي نعطيك وصفة و لكن ماشي للاكل.......................... للجمال :76:
هاد الوصفة كتحيد النقط السوداء و حتى الشعر الرقيق اللي فالوجه
غادي تدفي شي معلقة ولا 2 ديال الحليب و دوبي فيهم ورقة ديال الجيلاتين عل نار مهيلة حتي يدوب كليا و تديريه بحال ماسك و تخليه حتى ينشف
غادي تحسي بوجهك كارم و يحال شكل ديال بياض البيض ايوا من بعد تبداي تقلعي فيه باطراف الاصابع تيخلي الوجه رطب و تيدي معاه الشعر و les points noirs
وهانتي ماواكلاش الجيلاتي و ماليحاهش باش ماتبقاش فيك 200 درهم
في امان الله

**annissou** · 21-10-2014, 18:41

رد: شنو يمكن ليا ندير باوراق الجيلاتين عندي بزاف وقرب التاريخ يسالي

المشاركة الأصلية بواسطة *smile* مشاهدة المشاركة

يلا مزال عندك الفاتورة رجعيهم لمرجان

لا اختي مبقاتش عندي الفاتورة راه شي عام دابا كنت خديتها على ود واحد طارطة شكلاط صوبتها وفرقت الساشياات على العائلة ومزال الخير شاط هههه