إعـــــــلان

تقليص
لا يوجد إعلان حتى الآن.

عفاكم طريقة ديال ترقاد الزيتون

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عفاكم طريقة ديال ترقاد الزيتون

    انيقاتي الغزالات راجلي جابلي الزيتون بزاف قالك نصاوبوه فالدار حسن من اللي كيشري واجد ونا مكنعرفشي نرقدو عمري عدلتو عتقوني بشي طريقة مجربينها ونجحتلكم عافاكم الله يجازيكم كل خير

  • #2
    رد: عفاكم طريقة ديال ترقاد الزيتون

    السلام واش جابو مزال خصر يعني يله تجنى من الشجره ولا من عند مول الزيتون وبغاك تنوعي في ترقاد وضحي اكتر

    تعليق


    • #3
      رد: عفاكم طريقة ديال ترقاد الزيتون

      ختي حتى أنا جابلي رجلي زيتون كتير وماعرفت كيف ندير ليه حتى سولت بنات في منتدى وقالوا ليا كاينين جوج طرق أول تشقيه بلاموس وتاني تفرشخيه بـحجرى و إلى كان كتير بزاف شقي غ لي غادة تستعلمي متل ديري جوج بيدوزات صغار وش اخر في شي لطة كبيرة ماتشقه متفرشخيه خليه هكاك صحيح وعمره بـلما وخليه حتى تحتاجه عاد شقيه أما اخر لي لي شقتي بدلي ليه ماء مرة مرة حتى ياحلى عاد ديري ليه الحامض والملحة

      تعليق


      • #4
        رد: عفاكم طريقة ديال ترقاد الزيتون

        الطريقة الحقيقية والصحية هي ترقاد الزيتون في الماء فقط بﻻ شق بﻻ تفرشيخ كما خلقه الله وبدلي الماء مرة مرة حتى يحلى بﻻ ملح وﻻ حامض وغدي يبقى عندك مدة سنة كاملة بﻻ ميخسر او يتفرتت وكولي الزيتون عاى مدار السنة
        sigpic

        تعليق


        • #5
          رد: عفاكم طريقة ديال ترقاد الزيتون

          اختي اولا عزلي الي احمر بزاف شقيه بالموس وديريه في بيدو وعمري عليه بالماء والاخضر
          فرشي فالارض بلاستيكا( باش ما توسخي الارض ومن الاحسن لبسي الصباعات راه تيدبغ اليدين (
          وديري الزيتون فوقها وضربيه بالحجرة هاد العملية تنقولو ليها فرشخيه ههههههه
          ومن بعد عمليه فشي بيدو وعمري عليه الماء وبدليه نهار 7ايام ديك الساع الي بغيتيه دغيا اطيب بداي تبدلي الماء يوميا
          واحد 6 ولا 7مرات من بعد زيديه الملح والحامض وورقة سيدنا موسي اتمني نكون افدتك اختي
          sigpic

          تعليق


          • #6
            رد: عفاكم طريقة ديال ترقاد الزيتون

            المشاركة الأصلية بواسطة غدير النهر مشاهدة المشاركة
            الطريقة الحقيقية والصحية هي ترقاد الزيتون في الماء فقط بﻻ شق بﻻ تفرشيخ كما خلقه الله وبدلي الماء مرة مرة حتى يحلى بﻻ ملح وﻻ حامض وغدي يبقى عندك مدة سنة كاملة بﻻ ميخسر او يتفرتت وكولي الزيتون عاى مدار السنة
            ختي هاد طريقة لي قلتي ره إلى كانت تخليه حتى يفوت العام أما إلى كانت بغى تاكلوا خاصه ضروري تشقو ولا تفرشخو

            تعليق


            • #7
              رد: عفاكم طريقة ديال ترقاد الزيتون

              ختي دعاء غفران راج جابو خضر
              كنشكركم اخواتي كلكم بزااااف والله يجازيكم كل الخير ويحقق ليكم مانويتو فخاطركم والله كنت حايرة شنو غنعملو بارك الله فيكن

              تعليق


              • #8
                رد: عفاكم طريقة ديال ترقاد الزيتون

                المشاركة الأصلية بواسطة miryam1 مشاهدة المشاركة
                انيقاتي الغزالات راجلي جابلي الزيتون بزاف قالك نصاوبوه فالدار حسن من اللي كيشري واجد ونا مكنعرفشي نرقدو عمري عدلتو عتقوني بشي طريقة مجربينها ونجحتلكم عافاكم الله يجازيكم كل خير
                بالصحة والراحة تاكليه بالهناء ان شاء الله
                ان كنعدل غير لمرقد الزيون المتمر اي الاسود ما عمرني عدلتو
                اول حاجة غادي تنقيه مزيان من الورق ديالو وحيدي الحبات غير صالحة للاكل الا شي حبة خامجة مثلا .وغسليه مزيان فشي بانيو واسع شلي وعاودي باش يحيد منو المبيدات المرشوشة عليه وكاع الشوائب حطيه في شبكة وتبقاي تعزلي الاخضر في حهة والحجري او اللي شوية موف في جهة .
                غادي تشدي هاداك الاخضر وتعمليه في بلاستيكة بيضاء غير كمية قليلة وتجيبي حجرة او يد المهراز وتبداي تفرشخيه باش تربحي الوقت وتكوني موجدة بدون مثلا ديال الماء باهية وتحطي ه فيها وتخلي الجهد ديال الماء . وهدا هو الزيتون مسلالة .
                الزيتون الموف او الحجري غادي تجيبي موس وتبقاي تفلحي 3تفليحات وحتى هي حطيها في بيدو ديال الماء باهية .
                انا كنبدل الماء للزيتون كل نهار متشوقة فوقاش يوجد هههههه .غادي تجيبي صفاية وتعرضيها لفم البيدو وتخوي كاع الماء طبعا للنوعين معا ما دريش الملح فقط الزيتون والماء وكل يوف بدلي الماء تقريبا 20يوم غادي يحلى مرة مرة دوقي كتلقايه حلى صافي ما تبقايش تبدلي الماء .انا كنشرمل غير الجهد اللي ناكو في سيمانة يعني كنهز من هداك البيدون شوية زيتون ونزيد عليه المنسمات الحامض ورقة موسى الحار خيزوية مقطعة والملح كنديرو في الثلاجة في علبة ديال الحلوة المهم التنسيمات اللي بغيتي ملي يكمل عاود نهز من البيدون ونفس الطريقة.
                هادوك البيدويات ديريهم في بلاكارات الكوزينة التحت يعني خاصهم الظلام .
                نتمنى نكون عاونتك شوية بينما يدخلو البنات ويزيدو يشرحولك.موفقة اختي الكريمة.
                اه واحد الرة كنت سمعت في برنامج اللقاء المفتوح الله يجازيهم بالخير

                تعليق


                • #9
                  رد: عفاكم طريقة ديال ترقاد الزيتون

                  قلتلك كنت سمعت في برنامج اللقاء المفتوح انه من الافضل ترقدي الزيتون في ماء البير اي الحاسي لانه طبيعي وخالي من الاضافات بحال لكلور الا كان قريبلك شي بير جيبو منو الما راه ما كيخماجش ويجي بنين بماء البير

                  تعليق

                  يعمل...
                  X