إعـــــــلان

تقليص
لا يوجد إعلان حتى الآن.

لي ولدها ٱو بنتها دخلت الشهر السادس تلتحق بنا تفيد وتستفيد

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لي ولدها ٱو بنتها دخلت الشهر السادس تلتحق بنا تفيد وتستفيد

    بغينا نبداو الماكلة لوليداتنا وبغينا لي عندها معلومات تعطينا برنامج أكل ملي يفيقو حتى ينعسو ولها جزيل الشكر٠

  • #2
    رد: لي ولدها ٱو بنتها دخلت الشهر السادس تلتحق بنا تفيد وتستفيد

    يمنع الكتابة بالعرنسية التزمي بالقانون اختي
    التعديل الأخير تم بواسطة *ليلى أم سارة*; الساعة 30-10-2014, 15:32.

    تعليق


    • #3
      رد: لي ولدها ٱو بنتها دخلت الشهر السادس تلتحق بنا تفيد وتستفيد

      فطور رضاعة ديال180 حليب مل
      الغداء جبانيا ديال خضار مطحونة + 180 مل حليب
      العصر فواكه +180 مل حليب
      العشاء 180ml حليب +3 معالق سيريلاك .

      تعليق


      • #4
        رد: لي ولدها ٱو بنتها دخلت الشهر السادس تلتحق بنا تفيد وتستفيد

        السلام عليكم اخواتي
        أنا ولدي 8 اشهر الا اسبوع و يالاه بديت ليه الماكلة بـصفة مستمرة الحمد لله
        حيت في الاول كانت تدير ليه القبض و تنضطر نوقف ليه الماكلة
        حكيت لكم قصة حياتي هههههه
        المهم حاليا تنعطيه غير الخضر في الغدا و العشا و بعد المرات ديسير بينهم
        و الحليب على حساب وقتاش جاه الجوع
        واخى تتجيني ماقلت ديالو ناقصة شوية

        هيا رددي معي أخيتي
        سبحان الله
        الحمد لله
        لا إله إلا الله
        الله أكبر


        تعليق


        • #5
          رد: لي ولدها ٱو بنتها دخلت الشهر السادس تلتحق بنا تفيد وتستفيد

          لسلام عليكم ورحمة الله وبركاته اختى نتمنى تكون مشراكتى معاكم في محالها انا بنتى عندها 3سنوات و عشرة اشهر قريب تقفل ان شاء الله 4 سنوات وهي الوحيدة عندى دعو معايا الله يهديها ويحفظها لى من كل سوء هي وجميع ابناء المسلمين .
          ندخل في صلب موضوع انا كنت كنعمل وحد الاكلة في ايام الى كتكون بطاطا حلوة متوفرة وعلى فكرة بطاطا حلوة مفيدة جدا الاطفال وللكبار احسن من بطاطا الاخرى .
          خدي بطاطا حلوة وحدة متوسطة حجم نقيها وقطعيها دوائر وعمليها في كسرونة عملى معها شوية ملحة وشوية خرقوم بلدى واوارق معدنوس وشوية بصلة وكبي عليهم الماء وشوية زيت الزيتون او زيت العادية وخليهم يطيبو حتى يتشرب الماء كلو ويبقي غير شوية خديها ومعسيها وعطيها لوليدك ولا بنتك وبصحة وراحة تاكدي انو لحلوة بطاطا غدي تخليهم يكلوها بعينيهم مغمضين


          ونجولعصيدة الى بغات تفك من لحليب بكثرة وتحافظ شوية على جيب من حليب لفرمسيان وهدشي الى كنكتبو اقسم بالله العظيم انو طبقتو على بنتى حيث انا مكنتش كنرضع وركم عرفين مزانية حليب فرمسيان.
          معلينا خدي تقريبا نصف كاس روز عادي ابيض غسليه وعمليه مع الماءوشوية الملح يتصلق حتى يطيب ولزم يبقا فيه غير شوية تاع الماء قليل جدا عملو حسابكم انو كلما كيبرد روز كلما كيشرب الماء ملى يبرد شوية طحنيه مزيان حتى يولى بحال طحين عصيدة تكونى موجد قرعة تاع كنفتير خاوية صبي فيها الخليط وخليه يبرد ولى تخدي لقياس الى بغيتى وخلطيه في كسرونة مع لحليب اما تاع سنطرال او فرمسيان مخلط مع ماء وصبيه في رضاعة يكون فمها وسسع شوية وخلى لولاد يشبعو كنى متاكدة انو الى خدها بالليل ميفيقش ليك حتى لصباح حيث شبع .

          هد العصيدة ممكن تعملى منها حتى 2 قرعات وتحتافضي بيهم في ثلاجة مكيفسدش ملى تحسي بيه قرب يسلى عملى وحد اخر هدا انا مكنش يخطانى حتى في سفر دار الى دخلت ليها نقل ليهم بغيت نصوب ماكلت بنتى هههههههههههههههه

          الى تفكرة شي حاجة نرجع نقلها دعو مع ختكم رها مهمومة ومضيومة

          تعليق


          • #6
            رد: لي ولدها ٱو بنتها دخلت الشهر السادس تلتحق بنا تفيد وتستفيد

            أنا ولدي 8 اشهر تنعطيه غير الخضر في الغدا و ديسير في العشا لحليب صباح و الليل

            تعليق


            • #7
              رد: لي ولدها ٱو بنتها دخلت الشهر السادس تلتحق بنا تفيد وتستفيد

              السلام عليكم انا ولدي بديت معاه الاكل تقريبا من اول الخامس كنعطيه شوية شوية و دابا راه فاول الشهر السابع كنعطيه ملي يفيق سيريلاك ديال القمح والتمر و من بعد بشي ساعه كنرضعو. الغدا ديما كنعطيه الخضرة كل مرة واش كندير ليه متلا اليوم غندير ليه البطاطا حلوة و الكوسة وجرز . بعدها شي ساعتين كنرضعو والمسا كعطيه فواكه ويقدر نعطيه دانون اخر الليل قبل مينعس هادشي اللي متبعه الا كان شي اضافة فيدونا بيها .

              تعليق

              يعمل...
              X