ArabicEnglishFrenchSpanish

إعـــــــلان

تقليص
لا يوجد إعلان حتى الآن.

السلام عليكم ورحمة الله تعالى وبركاته

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    السلام عليكم ورحمة الله تعالى وبركاته

    كيف حالك اختي ان شاء الله تكوني بالف خير
    اريد استشارتك في موضوع مند رمضان احس بالم في ركبتي من الخلف خاصة اثناء السجود
    بما تنصحينني وهل هذا مايعرف عند النساء ب هشاشة العظام
    الف شكر










    • WhatsApp

    #2
    رد: السلام عليكم ورحمة الله تعالى وبركاته

    واش عندك انتفاخ واحمورية ولا غير الم عند الثني فقط
    متمنياتي لك بالشفاء

    تعليق

      • WhatsApp

      #3
      رد: السلام عليكم ورحمة الله تعالى وبركاته

      بارك الله فيك اختي
      معنديش احمرار ولا نفوخية الم اثناء التني منقدرش نربع رجلي اليسرى










      تعليق

        • WhatsApp

        #4
        رد: السلام عليكم ورحمة الله تعالى وبركاته

        في هاته الحالة ما يمكنش ليا نشخص الحالة الى ما شفتهاش
        المهم غا انعطيك نصاءح تبعيها وان شاء الله خير
        بالنسبة ليكالمشكل يقدر يكون من الوزن
        ممكن تقوليلي شحال الوزن ديالك واشحال الطول
        وبالنسبة ليك ملي نا كاينش حمورية ولا انتفاخ
        وما ذكرتيش انه كاين حادث يعني ما طحتي اعليعا ما ضربتيها
        ممكن يكون من الوقوف الزاءد او الجلوس بوضعية سيءة
        بحال اللي تنردوا رجلينا للوراء بحال القرفصاء
        المهم اول حاجة نقصي الوزن الى كان زاءد
        وتحاولي تريحي ركبتك ما امكن
        يعتي تخليها بوضعية صحية ما تجهديهاش
        وتمارسي رياضة المشي على الاقل نصف ساعة باليوم
        وحاولي تاخدي مسكنات الى ما بغيتيش تاخديهم اقراص
        خدي في الاول غير على شكل مرهم حتى نشوفوا النتيجة
        ومن بعد نشوفوا اش نديروا اتمنى لك الشفاء .
        واسفة على التاخير.

        تعليق

          • WhatsApp

          #5
          رد: السلام عليكم ورحمة الله تعالى وبركاته

          خخخخخخخ الوزن 75 كيلو او الطول 1.63 عارفة راني مقفراها
          مكاين حثى حادث امكن بسبب الوقوف الكثير فرمضان واشغال الصباغة لي كانت عندي زيادة على الصلاة كان عندنا امام ماشاء الله عليه مقرئ رائع يتقن قواعد التجويد ويطبقها جيدا وبالتالي كان تيطول الوقوف عاد ختك تتجبد رجليها مزيان فالركوع حثى تنحس بيهم ضارينن
          ان شاء الله ناخد مرهم
          بارك الله فيك اختي وجزاك عندي خير الجزاء










          تعليق

            • WhatsApp

            #6
            رد: السلام عليكم ورحمة الله تعالى وبركاته

            اوا صافي احبيبة المشكل اللي عندك .
            الغزالة ديالي راه ضحكتي اعليه منك لراسك يعني
            ضروري تنقصي الوزن وخاصكي تمشاي شوية باش
            العضلات ديال الفخد يتقواو ومايكونوش مرخيين
            ويحطوا الثقل كلو على الركبة
            وما تثنيش الركبة ديالك في الجلوس حاولي تجلسي على كرسي
            يعني التربيعة لا وما ترديهاش الوراء وتجلسي اعليها
            يعني حاولي تفادايها اللهم في وقت الصلاة الى تقدري تصلي الى
            كان ما كيسببش ليك الم اما الى كنتي تتالمي فخدي الرخص الى اعطاهانا ربنا الكريم
            وملي تبراي صلي عادي.
            اتمنى ليك الشفاء حبيبتي والى كان اي تساؤل فمرحبابك.

            تعليق

              • WhatsApp

              #7
              رد: السلام عليكم ورحمة الله تعالى وبركاته

              بارك الله فيك اختي
              قلت نهبط الوزن ننقص من الخبز راه عزيز علي كون كان الخبز ادوز خبز كوراني درتها خخخخخخخخخخ
              المهم نقصت من و وليت ناكل 3 المرات فالنهار الخضرة بالزايد او نشرب الما حثى 3 لتر افواكه غالبا التفاح
              القطنيات بلا خبز الكسكسو تنكثرالخضرة
              حثى البارح اختي انت مولات الخير طيبت الخبز بانت لي الزبدة فوق الطابلة معرفت اش تدير ثما تتقولي عافكي مع شوية الخبز مبغيتش نخصر ليها الخاطر خديت شوية درت فيه زبدة كليت دغمة جات بنتي خداتو قلت نصوب شوية ... شوية معقت براسي قربت نكمل الخبزة
              كان عزا الوحيد انني اليوم غدي نصوم معلش خخخخ










              تعليق

                • WhatsApp

                #8
                رد: السلام عليكم ورحمة الله تعالى وبركاته

                هههههههههه الله يعطيك الخير قتلتيني بالضحك
                شوفي احبيبة ممكن تديري واحد الحاجة
                الفطور عادي خودي الخبز مثلا ربع خبزة ولكن عنداكي
                تكون قد ديال ماما ديال زمان ههههههه خبزة ديال الدار بصاح
                وتقسميها على 2 وحاولي تكرييها يعني ترديها بحال طوتست في البانيني
                وديري اعليها غير زويتة بلدية وخدي كاس شاي او كاس قهوة ونقصي السكر

                ممكن تاخدي طبسيل كبير وقت الغداء ديال اشلاضة ديري كل حاجة خضراء
                مثلا الخص مثلا الخيار مثلا البروكولي المهم الي لقيتيه ممكن تزيدي مطيشة
                الفجل المهم الا البطاطا وخيزو هههه
                وتديري فيه الخل الى كان خل التفاح من الاحسن ولكن الطبيعي الى لا ديري عصير حامض
                زيدي اعليه شوية الملح راه قلت شوية وزيت بلدية والاهم انك تزيدي زريعة الكتان حمريها في لحظتها
                وزيديها في الشلاضة وكلي غير بالفرشيطة يعني بلا خبز.
                وملي تشبعي الكريشة .
                اي حاجة طيبتيها لوليداتك مثلا طاجين غاتاخدي ربيع خبز حيدي ليه اللبابا وديري فيه اي لحم طيبتيه
                مثلا الدجاج حيدي ليه الجلدة اللحم حيدي ليه الشحمة وديريه في خبيز وكيه
                وممكن تاخدي فواكه الا البنان والافوكا ممكن تفاح ممكن برتقال في هذه الاثناء زوين

                وفي العشاء حاولي تديري حساء خضر وديريه خفيف وخديه ايضا بلا خبز

                وردي اعليا الخبار.

                تعليق

                يعمل...
                X