إعـــــــلان

تقليص
لا يوجد إعلان حتى الآن.

كيف اعتني باطفالي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيف اعتني باطفالي

    السلام عليكم ورحمة الله وبركاته


    بسم الله ابدا
    اخواتي عزيزاتي
    امهات الحنونات
    أمهات الغد
    حوامل ومنتظرات على احر من الجمر قدوم المولود وفرحة البيت انشاء الله
    امي الحبيبة هي مصدر الهامي امي اعتبرها اروع ام في هذا العالم
    امي, ام مناضلة شركت في كل الحروب( اقصد حروب الدنيا ومافيها )
    حاربت بكل طاقتها لكي تحفض علينا عانت بمعنى عانت
    ولكن كانت تستقبل تلك المعاناة بكل سرور وتقول في الاخيرالحمد لله على كل شئ
    قصة امي ونضالها قصة طويللله
    انا بغى نكون بحالها
    بغا وساف صعيب ندير دكشي ليدرتو معنا المهيم
    سوف ابدا الفكره
    من خلال تجربتي القصيره حيت انا ام جديده, ام لطفلين سنتين و3 اشهر وثاني11 شهر
    صراحه انا كنبغي نكون متوله وخا شي مرات كان نغلط وكيبقى فيا الحال حيت مادرت ديك الحاجه نشان خاصتا مع ولادي
    اول حمل كان صعيب شويا الوحام وداكشي الولاده تعدبت شويا ولكن عادي بنسبه لاول حمل
    الحمل الثاني كنت ماكنكره ماكنتقيا ماحتى حاجه
    وللللكن كنت عصبيييييه ومريت بأيام صعبة والولاده كانت اصعب الحمد لله كلشي داز ماكرهتش نزيد الثالث ههههه
    ,,,اول حاجه كنحرص عليها قبل ماندخل المستشفى هي حوايج كاملين والاوراق ديل تحاليل والحاله المدنية
    وكانوجد وحد ساك صغير كاندير فيه حوايج البيبي يعني لبسه وحده
    بش غير اقولو لراجلي فينهما الحوايج البيبي اعطي ليهم نيشان داك السك بلا مايبقى اقلب فالبليزا
    بيجما حيت كيكون مجموع فيها مزيان ولبودي وشابو وقفزات لليدين والجوارب وتريكو لي كيكونو مفتحيون من قدام
    وكانشري لي 100/100 قطن
    البليزا ديلي و البيبي
    كاندير فيه3 البيجامات, ملابس داخليه ,3 سوتيانات ديل الرضاعه,
    وسليبات جوتابل كانخود 2 باكيات كيكون فيهم كنضن 6 فكل وحدا,2 سراويل قصيره وتقشرات الاكان البرد
    الفولار وشي لابسه( عبايه) بش نستقبل الظيوف لي كيجيو عندي
    والسند له
    والفوطه كبيره
    وماكننساش البسه ملي نخرج من المستشفى بخير وسلام كانخود جلابه مع الفلار ديلها و كانبان بحال شي عروسه هههه
    واكيد اللوازم الحمام ,المشطه,,,الشمبو,جيل دوش,,,غزواغ,وصابون لنظافه المنطقه,,,والفواط الصحيه الحجم الكبييييير ههههه
    (والمكايج( كانديرو خفيف
    لوازم البيبي
    كنخود ليه 6 بيجامات
    او 10 ديل البودي
    ( 'والجوارب, شابو, قفزات( الاطباء كينصحو مانديروهمش حسن ولكن انا كندير الاحطياط ديلي
    البافوار
    وتريكو
    والغطا او بش كينعس ديك الخنشه هههه
    وحتى ليكوش ولينيمو ,,,وشي تخربيقات ومكاننساش اللهايه صراحه مع ولادي ماكنحتجهاش بزاف وانا ماكتعجبنيش كانعطيهلوم غير ملي ابغيو انعسو او ملي كيتكون دراهم شيحجا ومابغوش اسكتو ولدي لكبير حيتها ليه ف عام و3اشهر
    لبسه ديل لخروج, وكندي سروال والبودي اوتريكو,,,نلبسليه مزيان من البرد والمونطو وشابو,و الغطا
    بالنسبه للاكل
    (كنفضل الراضعة الطبيعية والماء ( المعلقه كل النهار
    حتى 4 اشهر كنبدا الاكل
    الاسبوع الاول
    كانعطيلو غير مره فنهار يعني فوقت الغدا ولمده اسبوع
    خيزو بوحدو كانطيبو مع الماء ونطحنو كيبقى جاري ونديرو فرضاعه 30 ويكولها سي بيبي وكل وحد وطبعو وحد دغيا اتقبل الاكل وحد خاص شويا دلوقت
    الاسبوع الثاني
    القرعه,,, وجيزو غير ظريف صغير يعني الكرعه تكون اكتر هكا بش الا البيبي عندو شي حساسيه من شي خضره نقدر نغرفها وحتى المذاق وكنحاول نعطيلو بالملعقه
    الاسبوع الثالث
    نفس الشئ كنغير فالخضرة تطحن مزيان مع شويا ديل زيت الزيتون و الخضرة ماشي كولها بحال البطاطه كنخليها حتى الشهر السادس
    الشهر الخامس
    الفواكه
    ,,,كانطيب فالدار كمبوت التفاح و الاجاص
    الا اد كونت غنمشي لشي بلاصه كانعطيلهم ديل المكزا
    اصلا ملي اكونو باقي مادروش ديك 5 اشهر مكنخرجهمش الا لضروره
    الشهر السادس و السابع والثامن
    الغدا ,شربة الخضره(الباطاطه,شويه ديل مطيشه,شويه ديل البصله,خيزو,الخس,,, كنضيف حتى شويه ديل اللحم ,او دجاج وطبعا السمك الابيض
    الروز,,,
    وفهد الشهر كنوجد ليه حتى العشا
    شيحاجا خفيفه
    مثلا, كندير شويا ديل سميده فالمقله ونحمرها ونزيد الماء حتي تغطى مزيان وشويا ديل البصله كانخليها كامله بش ملي طيب نزولها ,الملح,زيت الزيتون
    والماء طبعا والرضاعه بعد كل وجبه
    شهرالتاسع والعاشر والحادي عشر والسنه
    ذ كنوجد طاجين بالخضره ونحيد ليه شويه من الخضره ونمعص ليه بالفورشيط ونعطيلو يكول
    ولدي لكبير حتى هو



    من هد الشهر كينقص عليا الشغل خاصتا فالكوزينه لي كنوجد لولدي لكبير كانديرو حتى لصغير مثلا
    طاجين بالخضره 'كنقص من العطريه
    ليباط
    الروز بلصوص
    كسكس
    ,,,




    ولدي الحبيبه كنعلمو ياكول بوحدو

    من عام الفوق
    gratin de pomme de terre
    القطاني
    الكيش بالخضره او الطون
    المهيم اقدر يكول من كولشي
    اوملي اتعشا ونبدليه ونخليه شويا, وقت النعاس نحطو فالناموسيه ونعطيلو الرضاعة مع ليسيغيال
    لكوتي غالبا كانوجد ليهم شيحجا ديل الدار وايام اخرى حليب او اتاي مع كاطو



    ولاباغا نعطيلهم الحلوه ولا شيبس كانختروقت الكوتي
    كانعلم ليهم حتى خبز ديل الدار وحتى الا باقي لغدا ماوجد كانعطيليم الخبز حسن من كاطو
    النظافة

    ملي اكون باقين صغار الدوش مره كل 3 او 4 ايام,و الايام لي ماكندرلمش الدوش كانمسح ليهم بالفوطه كانفزقها ومع شويا ديل الصبون نديرو من وحد جيها وساف ونص لاخور نعود نمسح بيه ونبدليه حوايجو كاملين
    ويلا كان صيف دراروي ندوز ليهم شويا ديل الما
    وحد النهار فسيمنه كانبرعهم بشي تدويشا واعره





    ملي اكون عندهم الشهر كل النهار ملي افيق من النعاس نرضعو نبدليه والندرلو نيتواياج لوجه وسره
    ولدي لكبير كاندوش ليه تقريبا كل النهار وحد النهار فسيمنه كانحيد ليه الاضافر ونضف ليه الاذنين
    دبا البرد كندرليه نصف تدويشا او نوديه حيت حيدت ليه ليكوش وشي مرات كايوسخ حوايجوا شي مرات كانوديه 2 حتى 3 مرات فنهار
    صراحه تسرعت وحيدت ليه ليكوش كان باقي مادار عام ونص ولو مابغاش اتعلم انا كنت محتاره كل وحد اش كايقول
    شي كيقول مزيان علميه بكري وشي كيقول باقي صغير ,فعلا كان باقي صغير ودبا الحمد لله تعلم مزيان باقي ملي كنخرجو كاندرليه لكوش
    الاادا مشيت عند عكوزتي ماكندرلوش كانهز مغيا ساك كاندر فيه وحد تبديله وليكوش
    صيف انشاء الله نحيدله حتى برا
    كاننصح الامهات لي بغو احيدو ليكوش لولدهم اصبرو حتى اديرو العامين
    دغيا اتعلمو
    ولامرض كنفضل ماندوش ليهم كانخاف ازيدو امرضو
    اللعب والتعليم



    كنحاول نعطيليم شويا دلوقت ونلعب معهم خاصتا ولدي الكبير ولا محساد ولا شافني كنلعب مع خوه كيدير راسو بلي طاح ويجي عندي ويقولي ديدي ههههه
    ملي كانكون كنشقى كانحط ولدي صغيرفالبرك العب ويخترع كيدخل شي فشي كيكون في امان حيت ولدي لكبير كيجري بحال شي صروووووخ هههه



    ولدي كيحماق على الكوره مره مره كاندير فيها Rolando هههههه
    تقريبا فقما خرجت كانشري ليهم شي لعبه وكنختر لعب التعليمية
    ومن الناحية التعليم
    باقي ولدي مدخلش المدرسة بديت كنشريليه اقلام التلوين والكتب لي فيهوم الرسوم كنعطيلو الاوراق ونخليه ادير شخباط شخبيط
    وقت النعاس ضروري انعسو بكري ويفيقو بكري و فالعشيه اديرو لاسيست
    وقت الخروج من البيت
    الا كنت غنخرج فصبح كانوجد كلشي بليل

    لبسه ديل الخروج ,نكويهم وندير كل لبسه حد نامويسه ديل دراري
    وحتى انا و راجلي كانوجد كلشي بليل نكويهم ونحطهم فوق طبلة فين كانكوي الخوايج كانوجد كولشي حتى تقشرات وصباط واكيد الفولار ديلي
    ,,,وساك ندير فيه ليكوش لانجيت تبديله وحده مهيم على حسب فين غنجرج كاندير فداك ساك كلشي الماء ودنون اوكومبوت واكيد الرضاعه والحليب وكانخلي ديما وحد المصاصه فساك بش الانسيتها فدار كانلقها موجوده
    ونوجد حتى صينيه ديل الفطور كانود فصباح ونوجد القهوه وساف
    كنصلي
    ونجمع الدار دغيا دغيا ويلا درت لاماشين بليل ننشرها ياما فديك شبكه او فلاتيغاس
    شي مرات كنوجد حتى لغدا,طاجين,او شيحجا ديل القطاني او كنجبد كفته اصوصيص او اسكالوب ونخليه فشي بانويو ونخليه ملي نرجع ندرليه العطرية وشويه ديل البصلة وازير ونقليه وندير به سندويش وولدي صغير كاتكون عندي شربه دالخضرة فالتلاجه يكون عليا نسخنها والولد الكبير كايكول معنا
    اونبدليهم ونخلي راسي حتى لاخر
    كنشوف بزاف ديل الناس كيخرجو ولادهم بالبيجاما صراحه انا ماعمرني درتها كيعجبني نبدلهم ونمشط لهم شعر
    ونفكر مزيان بش ماننسا حتى حاجه خاصتا حوايج ديل دراري

    ونتوكل على الله ونخرجو


    لي بغات من الاخوات تشرك وتفيد نا باراء ديلها وكيف كتنغتني باولادها
    من ناحيه النظافه الصحة التعليم والاكل... فمرحبا بها والف مرحبا

  • #2
    تباركله عليك اختي

    تعليق


    • #3
      رد: كيف اعتني باطفالي

      تباركالله عليك اختي اله يعاونك زيدينا استفدنا انا ولدي عندو عام وخمسة اشهر

      تعليق


      • #4
        رد: كيف اعتني باطفالي

        تبارك الله عليك موضوع زوين ومفيد فدتين فموضوع لكوش حتى أنا حرت امتى نبدا نحيذهم وكانت ناوية غي إكمال عام ونص ميس دبى ردة نتسانا شوية كما نصحتي يا ريت تقلل طريقة لدرتي بش حيدت لكوش بتفصيل و شكراً بزاف على هاد موضوع

        تعليق


        • #5
          رد: كيف اعتني باطفالي

          تبارك الله عليك متولة ربي احفظ لك الوليدات




          fatimah




          اللهم ارحم والدي برحمتك الواسعة واسكنه فسيح جناتك يارب العالمين

          تعليق


          • #6
            رد: كيف اعتني باطفالي

            تباركالله عليك اختي

            تعليق


            • #7
              رد: كيف اعتني باطفالي

              تبارك الله على فرح موضوعك غاية فالروعة هههههه
              انا بديت المريم ملي كملت عام ولكن كنحطها فالكلاس و نرد ليها ليكوش حتى حيداتهوم لراسها فالصيف مسكينة كانت كتبكي الى غنلبسهوم ليها دبا الحمد لله
              ماشي مشكل اخواتي الا بديتو مع ولادكوم الكلاس من العام واخا غير تفاداو اخسرو لكم ليكوش و من بعد ردوهوم لهم و هكاك غادي اتعودو واخا كياخدو الوقت احى تقييم فرح




              تعليق


              • #8
                رد: كيف اعتني باطفالي

                المشاركة الأصلية بواسطة أم آدم و محمد مشاهدة المشاركة
                تباركله عليك اختي
                الله ابرك فيك

                تعليق


                • #9
                  رد: كيف اعتني باطفالي

                  المشاركة الأصلية بواسطة AdiSan مشاهدة المشاركة
                  تبارك الله عليك موضوع زوين ومفيد فدتين فموضوع لكوش حتى أنا حرت امتى نبدا نحيذهم وكانت ناوية غي إكمال عام ونص ميس دبى ردة نتسانا شوية كما نصحتي يا ريت تقلل طريقة لدرتي بش حيدت لكوش بتفصيل و شكراً بزاف على هاد موضوع
                  سلام اختي
                  اول حاجه بديت بها شريت الكلاس وخليتو العب به كان صحبلو كرسي هههه
                  حتى نتي اختي شريه لودك من دبا وخليه العب به دبا لبرد عندك تحيديلو خليه حتى لصيف
                  ولدي ماكنشي كيهدر مزيان عليها تعدبت
                  الا كان ولدك كيقول شي كليمات علميه اقول بيبي كاكا
                  ودخليه معك لتوليت اعزكم الله
                  وملي تبداي معاه وشي نهار وسخ ليك شي بلاصه اياك واياك دربه حيت كيزيد اصعب المشكيله
                  غير بشويا معاه وتخصمي عليه بحال تقولي لو بيخخخخك هههههه ولدي ملي كيشوف خوه صغير كانبدل ليه ليكوش كيقول بيخك تاتا زعما كاكا اعزك الله
                  جمعي الدار الا عندك طابي
                  بنيسبه وش تخليه بحوايجو كاملين ولا غير نص
                  الا كان ولدك كيعرف احيد حوايجو بوحدو جربي معاه وخليه غير بشورت او كيلوت
                  صراحه ولدي كانخليه هكاك حيت ماكنشي كيعرف اهبط سروال هههههه
                  وتبدي معه كلسيه ف الكلاس وبقي معاه لعبي معاه غني لو ههههه حتى اديرهم الا ولو خليه معليش وصبري شويا وكري نفس شئ وهدري معاه وقوليلو يالاه دير بيبي ولدي كبر دبا لكوش ديل ليبيبي وووو
                  وفين ما مشا هزيه معك لكلاس لصالا الكوزينه وكل شويا كلسيه فيه
                  ملي اتعلم شويا تبقى تقولي لو الابغيتي در بيبي مشي لكلاس عندك درهم فالارض وكل مره تقولي هليه
                  اكيد غيكوني حواديث لاتوحصى
                  وجدي ليك صطل وديري فيه جافيل واي منضف عندك واحد جفاف خليه غير لدك شي
                  وتبعي احساسك كام
                  الله اوفقك الامافهمتيش شيحجا انا رهن الاشارة

                  تعليق


                  • #10
                    رد: كيف اعتني باطفالي

                    تبارك الله عليك لهلا يخطي النظام والتاويل
                    انا تقريبا عندي نفس برنامجك. عندي بنيتة قريبة تكمل 7 اشهر. الله يخلي لينا لوليدات ويرزق كل من كتسنى.

                    تعليق

                    يعمل...
                    X