إعـــــــلان

تقليص
لا يوجد إعلان حتى الآن.

أمهات أطفال سنة لعمر 5 سنوات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أمهات أطفال سنة لعمر 5 سنوات

    السلام عليكم ورحمة الله الأمهات الجميلات أش خباركم بغيت هاد الموضوع إكون كمرجع لجميع الأمهات لي دخلات تحط لينا كيفاش كتعامل مع ولادها و الماكلة لي كدير ليهم وكيفاش كتربيهم و كتعلمهم و كذلك النصائح الخاصة بهم باش نستافدو من ذوات الخبرة و نصححو أخطاءنا لي كنديرهم ولكم جزيل الشكر والتقدير.

  • #2
    وعليكم السلام ورحمة الله وبركاته هانا معاكم اختي فكرة زوينة تانا عندي بنية 3 سنين ووليد عامين الله يحفظهم لي، ياريث نتبادلو الافكار فيما يخص لعبهم نومهم اكلهم فطور غدا وعشا انا ديما كنحير* فالعشا ديالهم. وكذلك ترك الحفاظات و كل شئ يخصهم.**

    تعليق


    • #3
      رد: أمهات أطفال سنة لعمر 5 سنوات

      السلام عليكم حتى انا عندي بناي 6 سنوات اذا هي خارج المسابقة هههه وعندي وليد عندو 5سنوات وحتى انا ملي ولدت بنتي كنت معارفة والو بحكم تزوجت وانا مزال منقرا وكنت حاملة ونمشي نقرا يعني من المعهد للكوش حاشاكم هههه اوا اخواتاتي اش نقول ليكم درنا الحماق انا وراجلي حتى خرجنا عليها جاتنا كتمرض بزاف بكثرة ماكنا مقابلينها غير هي بدرجة مكيخلي اللي يبوسها او يقيسها غير تعطس نوضو كنجريو والله الا كانت بحال فأرة تجارب عاقلة واحد النهار سافرنا عند عائلة زوجي وكانو اول مرة يشوفوها كانت عندها يمكن 5 شهور كيقول لماناه وخواتاتو عفاكم بشوية عليها عنداكو عنقها عنداكو....وهما يقولو ليه هاد لمرة كونجليها وديرها فثلاجة الزاج وحطها نتفرجو فيها هههه المهم دارت عام وجملت بولدي وهنا قررت نغير تربية ولدي خليناه يكبر بوحديتو نقيه نرضعو ونحطو في مكانو الا مرض منديهش للطبيب وحتى الا مشى كنديرو ليه غير كونترول والحمد لله صحيحتو مزيانة وحتى تربيتو كانت ساهلة الماكلة ولفتو ياكل كلشي






      اللهم تبث حملي واحفظ جنيني واطفالي من كل سوء

      تعليق


      • #4
        رد: أمهات أطفال سنة لعمر 5 سنوات

        الله يخليهم ليك ختي نجاة واه بغينا نتعلمو شحال من حاجة

        تعليق


        • #5
          رد: أمهات أطفال سنة لعمر 5 سنوات

          أم ندىو و ريان تبارك الله عليك حنا هنا باش نستافدو منكم و هدا مجرد عنوان و صافي مرحبا بك و بأفكارك حتى أنا عندي وليد عندو عام و 5 شهور تبارك الله ولكن باباهكيفما كلتي ميبوسو حد ميقيسو حد عنداك تهرسيه عنداك إطيح.... المهم إلى كاين فالدار كيصعب عليا تربيت الولد حنى هو دغيا كيمرض مجرد مكنخرج كيضربو البرد معندنا منديرو من غير الصبر الحمد لله

          تعليق


          • #6
            رد: أمهات أطفال سنة لعمر 5 سنوات

            هانا تبعاك ام ندى وريان بحالي حتا انا كنت كنقرا وحملت ولكن انا ماشي اللي خرجت عليه الفشوش د باباه وعاءلتي وقوت اليدين وهو الاول ورى يديك مع ديما مريض مكنقدش نوكلو انا راني مزيرا معاه لكن يد وحدة مكتسفقش الاكل مياكلش كلش مولف على السقاطة بزاف و اللعب بزايد غي يشري هههه اوا الله يهديهم ويصلحهم ويعاونا عليهم .وريت نستفدو من الاخوات

            تعليق


            • #7
              رد: أمهات أطفال سنة لعمر 5 سنوات

              أمييييين ختي Emomar ربي يخليه ليك

              تعليق


              • #8
                رد: أمهات أطفال سنة لعمر 5 سنوات

                عليكم السلام و رحمة الله و بركاته وهذه اول مشاركة ليا في هذا المنتدى الرائع وحبيت نستافد منكم ونفيدكم بتجربتي مع بناتي وحدة عندها 10 سنين و الصغيرة 4 سنين و نصف
                الحمد لله من خلال تجربتي مع الاولى نجحت و طبقتها مع التانية و هي النظام اليومي الا وهو وقت الاكل والنوم مثلا ماشي ينعسو مع الوقت ديالنا خاص يكون ليهم وقت مخصص
                بالنسبة للاكل انا محيدا ليهم السقاطة ماليها حتى شافادة غير كتسد الشهية و مضرة للصحة و ما لها من عواقب مثل الحركة الزائدة ونقص المناعة وتسوس الاسنان وغيره كثير...
                الى سمعت مني نشجعها بزاف والى قلقاتني نتقلق منها حتى تولي هي تطلب سماحة
                كين بزاف ما يتقال غير ما بغيتش نكون تقيلة في اول زيارة لي في المنتدى

                تعليق


                • #9
                  رد: أمهات أطفال سنة لعمر 5 سنوات

                  تبارك الله عليك يا أحلام هبة وعلى تربيتك لبناتك هادهي لي بغينا نسمعوه غير زيدي فيدينا الله ينورك

                  تعليق


                  • #10
                    رد: أمهات أطفال سنة لعمر 5 سنوات

                    السلام عليكم ورحمة الله وبركاته انا ام لطفلين نسيم 8سنوات وريان 4 سنوات لولاني كنا مفششينو فوت لقياس حتى عيت ومولف السقاطة وديما مريض وكترة الدويان الثاني لحمد لله تربيتو ساهلة ومتيمرضش بزاف ودابا ب 2 محيدا ليهم السقاطة نهائيا لمشكلة لي عندي ريان قرب اكمل 4 سنين ومزال متيهضر مزيان تيقول غير كلمات وتنلوم راسي حيت معطيتوش لوقت ومتنلعبش معاه كيف نسيم

                    تعليق

                    يعمل...
                    X