رد: كاينين شي عرايسات هنا دخلو نتعاونو باش مانساو والو

كيف قالت ليك الاخت متشريتش بزاف راه تمشي تما تلقاي ماحسن من عندنا بثمان رخيص مع التخفيضات لي كيديرو و الى قدرت تدي معاك فلوسك حتال تما وكملي شوراك
شري من هنا كيف قلتي غير الضروري فحال : ليزار و المخاد ديالو مطروزين و ناب ديال الطبلة و سرابتو هادو ضرورين و انتي غاديا لبلاد الغربة تدي معاك تقاليد المغرب تبغي تشمي ريحتو هههههه
المكياج شري كيف قالت ليك الاخت منفرد باش تقدي و صافي حتال تما و تعزلي مكايجهوم زوين و ماركة
و الصيكان راكي تخري لسوق و تشوفي على حساب للباسي لي شوية سبور شري لياه دوك لي بوشيط و لي كلاس خودي ساك شوية كبير وعاطي لعين و حاولي تاخديه اكون مناسب لجلابة و للبسة باش متكتري بزاف الكيلوات
الصبابط حتا هوما هاكاك خودي لي انفعل لجلابة وللبسة وخودي شي جوج او 3 بليغات

رد: كاينين شي عرايسات هنا دخلو نتعاونو باش مانساو والو

اختي لينة يعني المنطقة الحساسة ندير غير الشفرة و النشا صافي و شحال كيبقا باش ينود الشعر واش بزاف الوقت
و اينا ماركة اختي ناخد ديال الشفرة

رد: كاينين شي عرايسات هنا دخلو نتعاونو باش مانساو والو

الشعر على حسب كل واحدة انا كتشدي تقريبا اسبوع من بعد كيكون خفيف ممكن تولي تعاوديلو غير فدقيقة و هانتي ناضية انا كنستعمل venus

رد: كاينين شي عرايسات هنا دخلو نتعاونو باش مانساو والو

البنات انا تلفت مابقيت عارفة اشنو ندير للحلق
واش شفتو الرد لي حطيت على دوك الالات الحلق

رد: كاينين شي عرايسات هنا دخلو نتعاونو باش مانساو والو

السلام عليكم ختي وشكرا بزاف على هاد النصيحة بغيت نجربها ولكن مفهمتش واش النشا كديريه على الجلد ناشف ولا كتفزكيه بالما ؟

رد: كاينين شي عرايسات هنا دخلو نتعاونو باش مانساو والو


الله يجازيك بخير اختي هاد الطريقة كديريها غير المنطقة الحساسة و البلايص الاخرين اش كتديري ليهم و venus وش مكتنودش الشعر غليض

رد: كاينين شي عرايسات هنا دخلو نتعاونو باش مانساو والو

كتنضفي بالغاسول العادي او الما فقط تنشفي مزياااااااااااان متخليض اثر الما

تاخدي معلقة صغيرة ديال النشا و ترضيها على المنطقة بشوية و تاخدي شفرة الحلاقة و تبدا تحلقي في نفس نمو الشعر ماشي العكس

منين تسالي نضفي بشي فوطة ناشفة باش تحدي ما تبقى من النشا و دهني بزيت مرطب جونسون ولا زيت بلدية افضل

و بقاي ساعتين او ساعة على الاقل عاد قيسي المنطقة بالما يعني الى كنت ماشية للحمام ولا غادية دوشي ديري هاد العملية قبل عاد غسلي

نتمنة الشرح يكون واضح ها الشفرة اللي كنستعمل



كناخدها ب 100 درهم فيها 3 recharge

رد: كاينين شي عرايسات هنا دخلو نتعاونو باش مانساو والو

انا كنديرها للمنطقى الحساسة و شي مرات للابط الى ماكانش عندي وقت ندير لاسير مع العلم مافياش الشعر بزاف و الى ناض خفييييف

و ختي كديرها حتى لرجليها و عجباتها و هيا عندها الشعر

رد: كاينين شي عرايسات هنا دخلو نتعاونو باش مانساو والو


شكرا اختي على المعلومات

رد: كاينين شي عرايسات هنا دخلو نتعاونو باش مانساو والو

شكرا أختي لينا التازي و-miss fati الله يحفظكن ويفرحكن