ArabicEnglishFrenchSpanish

إعـــــــلان

تقليص
لا يوجد إعلان حتى الآن.

لكل مقبلة على الزواج دخلي تستفدي

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    لكل مقبلة على الزواج دخلي تستفدي



    صورة مخالفة

    السلام عليكم ورحمة الله وبركاته
    اخواتي الانيقات كيف حالكن وأحوالكن ان شاء الله في أحسن حال يارب
    وانا كنبحث وكنوجد لواحد الدورة تدريبية للمقبلين على الزواج
    لقيت هاد الاختبار زوين بزاااااااااف وجد مفيد للمقبلين على الحياة الزوجية هو عبارة على 7 اسئلة في الاصل ولكن انا زدت فيه اسئلة اخرى منها الدين والخلق وضفت بعض المعلومات من عندي ودرت تعديلات على حساب دورتي الي غادي نقدم فواحد المركز وقلت علاش لاء منحط هاد الجزء الصغير من الدورة للانيقات المقبلات على الزواج وحتى المتزوجات غادي يفيدكم الى عندكم وليدات او صديقات او اخوات باقي ممزوجينش
    وان شاء الله ياربي بالمنفعة

    أسئلة ستساعدك على الاختيار السليم لشريك حياتك
    الدين والخلق ؟
    اول سؤال خاصك تسأليه نفسك يا أختي المقبلة على الزواج هل هذا الشخص المتقدم لك هو متدين وعنده اخلاق لقول النبي عليه الصلاة والسلام " إذا جاءكم من ترضون دينه وخلقه فزوجوه، إلا تفعلوه تكن فتنة في الأرض وفساد كبير". رواه الترمذي . وللاسف الشديد هاد الحديث حرف تحريفا يدمي القلب بحيث اصبحت الفتاة ترى في زوج المستقبل نوع السيارة والبيت او الفيزا والعكس صحيح الشاب اصبح يحلم بفتاة جميلة حسناء فقط اما الباقي لا يهم
    على اي في هذا الجانب جانب الدين لا أقصد هنا بالدين ان يكون ملتحي ومقصر ثيابه فقط لانه حنا كنعرفو شحال من واحد ملتحي ومقصر يعني المضهر هو هذاك والباطن ربي بوحدو الي عالم به لذالك منعتمدش على شكله فقط بل خاص يكون السؤال عليه من اقرب الناس ليه بطبيعة الحال ماشي اقربائه لانه غادي يكون نوع من التحيز ولكن سؤال اصدقاء العمل والجيران وهكذا والاهم يكون كيصلي وكيأدي الفرائض الي فارضها علينا لله سبحانه وتعالى هادي اول نقطة وهي اهم نقطة لانه الي مكيأديش حق الله مغاديش يأدي حق زوجتو واولاده

    ماهي دوافعه للزواج ؟
    ثاني حاجة نسولها نفسي واش انا عارفة دوافع الزواج عند هاد الشخص اشنو الي دافعو باش يتزوج علاش خصني نعرف ؟؟؟ لانه هناك دراسة تقول التعرف على مقاصد الزواج ودوافعه قبل الإقدام على هذه الخطوة يساعد على تجنب المشكلات بنسبة 80%
    لذالك خاصك تعرفي اشنو هو دافعو للزواج واش كيتوافق مع الدافع عندك انتي مثلا :
    هناك عدة دوافع للزواج منها واهمها
    •1 دافع الدين : في دافع الدين تيكون الشاب باغي يكمل نص دينو كيف تنقولو وتيكون هذا دافع عنده انه كينفد امر الله سبحان وتعالى
    •2 الدافع الاجتماعي : كاين الي تيكون دافع ديالو اجتماعي بمعنى انه كيبغي الزيارات الكثيرة وباغي حلمو منين يتزوج يشد يد زوجته ويزور اهله واحبابه وهنا يكمن المشكل الى مكنتش الزوجة عارفة هادشي وتقدر تكون هي غير اجتماعية ومكتبغيش كثرة الزيارات ومنين تزوج هاد الشخص تلقى راسها حايرة ما بين تلبية رغبة زوجها ومابين انها هي ممرتحاش لكثرة الزيارات وهو تلقايه دافع الي دفعو يزوج ملقاهش فهاد المرأة وكتبدى الصراعات
    •3 الدافع الجنسي : كاين الي تيكون دافع ديالو الرغبة الجنسية فقط وهنا تيكون مشكل مخصش يكون الزواج مبني على شهوة فقط لانه كما يقول العلماء الشهوة عمرها قصير يعني ماان تشبعها وتلبيها حاجتك فيها حتى تملها لذالك الشهوة جانب ولكن يجب ان نبحث عن باقي الجوانب هل هي متوفرة ام لا ..
    •4 دافع الوالدية : هنا ايضا الى مكنتش الزوجة عارفة ان زوجها الي دفعو للزواج هما الاولاد تقدر تصدم من بعد خاصة الى كانت هي باقي مبغاش تولد واحيان تيوقع العكس المراة تيكون هدفها من الزواج الامومة والزوج مباغيش يولد حتى تدوز واحد 3 سنين ممكن اقل او اكثر وهنا تيوقع اصتدام لذالك خاصنا نعرفو دوافع بعضياتنا
    •5 الدافع النفسي {كاين الي كيتجه للزواج على ود محتاج لاستقرار نفسي ومحتاج للتقدير الاحترام الحب والحنان }
    •6 دوافع خاصة { المال أ الهجرة للخارج الخ ...وهادي ايضا خاصنا نعرفوها لانه تيكون الواحد باغي زواج المصلحة لاغير
    اذا هادي كانت نبذة بسيطة على دوافع الزواج وحطيت لكم تعريف مبسط عليها باش تعرفو مامدى اهمية اننا نعرفوها قبل منقدمو على الزواج

    عن الإعجاب والانجذاب :
    هل يتصف هذا الشخص بالمواصفات (الشكلية) التى طالما كنت تحلم بها فى فتى أو فتاة أحلامك ؟

    بمعنى نسول نفسي واش هاد الشخص فيه الصفات الي سبق كنت حاطاها في بالي {صورة ذهنية } مثلا كنت بغيت رجل قوي الشخصية او ملتحي او طويل او قصير او حنون او ايا كان من الصفات شكلية كانت او جوهرية

    وإن لم يكن به مواصفاتك الخاصة التى كنت تتمناها من قبل هل ترى شكل هذا الشخص يشعرك بالانجذاب نحوه والرغبة فى الاقتراب منه؟، أم أنك تراه عاديا مثله مثل غيره ؟
    في حالة مكنش فيه صفات الي كنتي حاطها في بالك وكتحلمي بها واش منين تتبركي معاه تتحسي بواحد الشعور خاص نوع من الانجذاب احساس مكتحسيهش مع باقي الرجال الي من حولك ؟
    عن الأمان والثقة:
    هل تثق فى هذا الشخص من حيث تعاملاته مع الجنس الآخر فى غيابك وبعيدا عن رقابتك ؟

    يعني هاد الانسان واش كتثيقي فيه منين متيكونش معاك بعنى كتنعسي على جنب الراحة في غيابه ولى كتبقاي تقولي ربما كيهدر مع بنات ربما مكيغضش بصره ربما سهران برا او ماشابه يعني مكينش ثقة
    هل تثق فى هذا الشخص من حيث أنه يعتمد عليه فيما سيوكل إليه من مهام كشريك للحياة ؟
    أيضا واش ان ا كنشوف هاد الشخص جدير انه يتحمل مسؤولية زوج واب في المستقبل واش غادي نأمن نفسي عليه واش هو مأهل لهادشي ولى لاء
    عن التوافق بينكما :
    هل يوجد بينك وبين هذا الشخص اهتمامات أو هوايات أو ميول مشتركة، حتى وإن كانت قليلة ؟

    .ايضا نشوف واش هاد السيد عندو افكار قريبة لافكاري واهتمامات وهوايات مشتركة ولى لاء
    لو كان هذا الشخص من نفس جنسك هل كنت ستحب صداقته؟، أم أنه لم يكن ليلفت انتباهك ولن يجعلك تفكر فى التعرف على مثله؟.
    وهادي حتى هي جوابي نعم او لاء

    السؤال الفيصل: 8) هل تعرف عيوب هذا الشخص وطباعه السيئة ؟
    وهذا سؤال مهم وهو واش نتي عارفة عيوب هاد الشخص ولى عارفة غير المزايا فقط خاصك تعرفي السلبيات الي عند هاد الخطيب ومنين تعرفيها سولي راسك واش نتي قادرة تحمليها وتصبري معاه بها واش قادرة تعايشي معاها نعطيك مثلا بعض النساء كتزوج رجل مدخن هي من قبل عارفاه مدخن ولكن كتقول لك انا محملاهش يكمي ولكن غير نتزوج بيه غاديا نبدلو ومنين كتزوج كتصدم منين كتشوف بانها ميمكنش تبدلو لانه اصلا مكينش شي حد يقدر يبدل حد اخر الى مكنش هداك الشخص بنفسو باغي يتبدل كما يقول الله عز وجل {لا يغير الله ما بقوم حتى يغيرو ما بأنفسهم }

    لذالك كل فتاة مقبلة على الزواج خاصها تعرف سلبيات هاد الرجل الي تقدم ليها وتسول نفسها واش انا قادرة نصبر معاه بهاد العيوب ولى لاء الى كانت قادرة تصبر تبارك الله توكل على الله مكنتش تقدر تعايش مع بعض الصفات السيئة تراجع قبل فوات الاوان متقولش غادي نبدلو احت احتمال انه يتبدل نسبة قليلة بزااااااف
    كاين بعض النساء ممكن تصبر على بعض السلبيات وكاين العكس مثلا كتلقاي بعض النساء تتقول لك انا عارفة خطيبي مكيغضش بصره ولكن معنديش مشكل ابدا انا المهم هو يتهلى فيها ويقد بالمسؤولية
    وكاين العكس تلقاي مرا تقول لك ابدا منقدرش نصبر عليه والى كيشوف النساء معناه مكيحترمنيش وميحبنيش الخ ونفس الشي بالنسبة للرجل المدخن كاينة الي تقدر تعايش مع رجل مدخن وكاين الي تقول لك انا في الزنقة كنشم ريحة الكارو كنتخنق عاد نعيش مع واحد مدخن وهكذا ومثال بالنسبة لباقي السلبيات خاص كل وحدة تعرف واش قادرة تعايش مع نوع السلبيات الي عند المتقدم لخطبتها او لاء
    مهم هادو كانو بعض الاسئلة المهمة الي كتفيد بزاااااااااااااف البنات المقبلات على الزواج والشباب ايضا
    وخاصك أختي تجاوبي على كل سؤال بنعم او لاء اكيد غادي يكونو بعض اللاءات لابد منهم ههههه ولكن مخصش يكونو الاءات أكثر من نعم وباش مكانو نعم اكثر من لاء معناه ان هاد الرشريك مناسب جدا للزواج والى كانو الااءات الي كثار معناه خاصك تجلسي مع راسك جلسة وتعيدي النظر في الموضوع قبل متاخدي اي قرار
    واخيرا غاليتي عليك بالاستخارة لانه نعياو مندرسو الي قدامنا كيبقى الله اعلم ما في الصدور المهم نكونو درنا الي علينا والكمال على الله ويارب نكون فدتكم حبيباتي الفتيات المقبلات على الزواج وسمحو لي كنكتب بالزربة الpc بورطابل سخن ليا بزااااااااااف خفتو يتبلونتا ليا خاصني نطفيه يبرد
    واي سؤال او استفسار انا في الخدمة
    ويارب يرزق كل عازبة بالزوج الصالح يارب

    اختكم نجية الدكالي
    التعديل الأخير تم بواسطة بشرى أحمد; الساعة 09-09-2015, 20:29.
    ربي لا تدرني فردا وانت خير الوارثين

    *
    إِجْعَل لِرَبِّكَ كُلَّ عِزِّكَ يَسْتَقِرُّ وَيَثْبُتُ
    ...
    فَإِذَا اعْتَزَزْتَ بِمَنْ يَمُوتُ فَإِنَّ عِزَّكَ مَيِّتُ
    *





    • WhatsApp

    #2
    رد: لكل مقبلة على الزواج دخلي تستفدي


    ربما الي دخلت لموضوعي تقدر تقول مع راسها والحب فين هو متكلمتيش لينا عليه ؟؟؟؟
    بكل بساطة مكينش شي حاجة سميتها حب قبل الزواج ابدا
    غادي تقول واشنو هو داك الاحساس الي تيكون في فترة التعارف
    انا غادي نقول لك اشنو هو هذا وهادشي على فكرة قالوه ناس غربييين مكيعرفوش اشنو هو اسلام او حلال او حرام
    عملو دراسات وكان الجواب انه لا يوجد حب قبل الزواج وان الحب الحقيقي لا ينشأ الا بعد 6 شهور زواج حتى لسنة زواج
    اذا اشنو هاد الاحاسيس الي كتكون وكنحسوها وبها تغنى الشعراء والمطربين و وو و و الخ
    •عند اطلاق النظرات بين البنت والشاب تحصل اشياء للجسم هذه الاشياء هي هرمونات كيميائية تفرز
    عند اول لقاء يفرز هرمون الرغبة اسمه التستسترون وهو الذي يخلق الرغبة في الطرف الاخر بعدها ان تعدى الامر النظرات وكانت ايحاءات متبادلة من الطرفين يفرز هرمون الدوبامين الي معروف بهرمون السعادة وهنا كيولي الشخص تيحس بالسعادة مع هاد الشخص نتيجة تأثير هاد الهرمون و بعدها الى كانت تجاوزات اخرى يفرز هرمون الادرينالين متعلق باحساس التعلق او الاعجاب

    •بعدها ايضا الى كان كلام عاطفي بيناتهم يفرز هرمون السيروتونين الذي يبدأ يختل معدله في الجسم فيسبب اختلال القرارات العقلية الحكيمة فاي قرار يتخد تحت تأثير هذا الهرمون يكون قرار خاطء
    •بعدها اذا تطور الامر وكانت تجاوزات اكبر وكان كلام عاطفي اقوى يفرز هرمون اخر يسمى أوكسايتوسين هرمون ادمان يصبح الشخص مدمن للطرف الاخر وهنا كنشوفو بعض الشباب تبدى تيقول لك انا منقدرش نعيش بلى من فلانة او فلان لانه تيكون الشخص تحت تأثر هاد الهرمونات والمصيبة هي منين كنسمحو للوضع يوصل لهاد الحالة احت كيصعب تراجعي احت كتولي مدمنة على الشخص ومنين كتوقف العلاقة هنا كتحدث حالة خايبة للمتعلق لانه كترجع عندو اعراض ادمان بحال اعراض ادمان على المخدرات
    بطبيعة الحال حنا كمسلمين الحمد لله عندنا ضوابط شرعية كتحكمنا وميكمنش تكون تجاوزات لهاد الحد احت عندنا خطوط حمراء مخصناش نتعدوها
    ومعندناش هادشي في دينا اننا نعيشو هادشي خارج اطار الزواج
    ولكن للاسف كاينة واحد الفئة معينة الله يهديهم كيفوتو هاد الحدود واكثر
    ومنين كيوصلو لحالة ادمان تيسحابلهم راه كيحبو والمصيبة الاكبر هي منين كيتبنى زواج على هاد الشعور المؤقت فعلا مؤقت لانه هناك دراسات اخرى تقول انه الزواج التقليدي اكثر دواما واكثر نجاح وفيه حب حقيقي على الزواج الي تيقولو على حب ربما دام سنين وسنين
    والسؤال علاش التقليدي ناجح اضعاف الي على حب
    الجواب لان الواحد منين كيوصل لحالة العشق والادمان والتعلق مكيبقاش يشوف عيوب الخطيب او الخطيبة وكيقبل على الزواج بلى ميعرف الشخص مزيان احت العشق يعمي البصر والبصيرة
    وهنا يكمن الفرق بين الحب والعشق العشق يعمي البصر والبصيرة اما الحب ينبع من خلال حبنا لشخص بعيوبه ومزيااه في الشدة والرخاء في المحن وعكس ذالك
    لذالك انتبهن حبيباتي لانه لايوجد حب حقيقي الا بعد الزواج بشهور واحيانا سنة
    وفقكم الله لكل خير

    ربي لا تدرني فردا وانت خير الوارثين

    *
    إِجْعَل لِرَبِّكَ كُلَّ عِزِّكَ يَسْتَقِرُّ وَيَثْبُتُ
    ...
    فَإِذَا اعْتَزَزْتَ بِمَنْ يَمُوتُ فَإِنَّ عِزَّكَ مَيِّتُ
    *





    تعليق

      • WhatsApp

      #3
      رد: لكل مقبلة على الزواج دخلي تستفدي

      السلام عليكم
      موضوع مفييييييد جدااااا جزيت الجنة لي بغيت ننصحك فيه هو كلمة والكمال على الله لايااختي جزاك الله خيرا كنقولو
      الله تايصاوب من الاول حتى للاخر حنا كنديروا الاسباب فقط وعذرا







      sigpic





      تعليق

        • WhatsApp

        #4
        رد: لكل مقبلة على الزواج دخلي تستفدي

        شكراً جزيلاً لمرورك اختي الكريمة واستسمح على الخطأ الغير مقصود تحياتي واشكرك على التنبيه
        ربي لا تدرني فردا وانت خير الوارثين

        *
        إِجْعَل لِرَبِّكَ كُلَّ عِزِّكَ يَسْتَقِرُّ وَيَثْبُتُ
        ...
        فَإِذَا اعْتَزَزْتَ بِمَنْ يَمُوتُ فَإِنَّ عِزَّكَ مَيِّتُ
        *





        تعليق

          • WhatsApp

          #5
          رد: لكل مقبلة على الزواج دخلي تستفدي

          شكراا أختي على الافادات القيمة يا ريت نقدروا نظبطوا نفسنا بهاد نعرفو شنو خاصنا ونعرفو نتخدوا قرارات إيجابية خصوصا فموضوع كموضوع الزواج وكيف كيقول المثل المغربي( زواج ليلة تدبيروا عام) للأسف أختي أنا عن نفسي مبقيت عارفة اشنو ندير كناخد قرار بسرعة في مسألة الزواج بدون منفكر ولا ناخد بالاسباب الشرعية مجرد منشوف الشخص مكيعجبنيش كنرفض بدون منتردد أحيانا كثيرة كنقول علاش كنتصرف هاكا وكنبان صبيانية في قراراتي مع أني العكس لكن في موضوع الزواج كتوقعلي أمور غريبة كتجيني شي غمة وضيقة والبكا الله اللي كيكون عالم بحالي مكرتاح تا كيمشي ديك الشخص يمكن حيث تا واحد ملي تقدمولي لقيت فيه شي حاجة بغيتها أو بمعنى أصح مجانيش داكشي اللي كنتمنى أو أو معرفتش وكل مرة كنقول هاد المرة نتريت منتسرعش لكن نفس الشي كيتعاود كيبقى فيا الحال ما شي على الاشخاص بالعكس كنرتاح مين كيمشيو إنما كنقول حتى لاين العمر كيفوت ومع الفرص أكيد كيقلالو الله يدير اللي فيها خير الجميع وشكراا على طرح الموضوع

          تعليق

            • WhatsApp

            #6
            رد: لكل مقبلة على الزواج دخلي تستفدي

            المشاركة الأصلية بواسطة loubna biba مشاهدة المشاركة
            شكراا أختي على الافادات القيمة يا ريت نقدروا نظبطوا نفسنا بهاد نعرفو شنو خاصنا ونعرفو نتخدوا قرارات إيجابية خصوصا فموضوع كموضوع الزواج وكيف كيقول المثل المغربي( زواج ليلة تدبيروا عام) للأسف أختي أنا عن نفسي مبقيت عارفة اشنو ندير كناخد قرار بسرعة في مسألة الزواج بدون منفكر ولا ناخد بالاسباب الشرعية مجرد منشوف الشخص مكيعجبنيش كنرفض بدون منتردد أحيانا كثيرة كنقول علاش كنتصرف هاكا وكنبان صبيانية في قراراتي مع أني العكس لكن في موضوع الزواج كتوقعلي أمور غريبة كتجيني شي غمة وضيقة والبكا الله اللي كيكون عالم بحالي مكرتاح تا كيمشي ديك الشخص يمكن حيث تا واحد ملي تقدمولي لقيت فيه شي حاجة بغيتها أو بمعنى أصح مجانيش داكشي اللي كنتمنى أو أو معرفتش وكل مرة كنقول هاد المرة نتريت منتسرعش لكن نفس الشي كيتعاود كيبقى فيا الحال ما شي على الاشخاص بالعكس كنرتاح مين كيمشيو إنما كنقول حتى لاين العمر كيفوت ومع الفرص أكيد كيقلالو الله يدير اللي فيها خير الجميع وشكراا على طرح الموضوع
            شوفي حبيبتي
            نصيحة الي نصحك متبقايش تسرعي راه العجلة من الشيطان اشنو غادي تخسري الى منحتي راسك فرصة للتعارف اكثر بمعنى درتي لقاء شرعي ومرتاحتيش للمتقدم زيدي قولي ليه نديرو لقاء اخر لربما تبان لك فيها صفات زوينين الى مبانوش لك من نهار الاول
            مسألة الغمة وديقة الصدر متبقايش تكرري هاد الكلمات باش ميزيدوش يتمكنو منك اكثر راه غير الشيطان هذاك منين تحسي براسك انورمال رقي راسك بوحدك وقراي اذكار وديري ادعية وغادي تحسي بتحسن ان شاء الله
            المهم قبل متاخدي قرار انك ترفضي عطي وقيت لراسك واستخري الله عز وجل
            وان شاء الله ميكون غير الخير اختي
            والله يسهل عليك نتي وكل عازبة يارب
            ربي لا تدرني فردا وانت خير الوارثين

            *
            إِجْعَل لِرَبِّكَ كُلَّ عِزِّكَ يَسْتَقِرُّ وَيَثْبُتُ
            ...
            فَإِذَا اعْتَزَزْتَ بِمَنْ يَمُوتُ فَإِنَّ عِزَّكَ مَيِّتُ
            *





            تعليق

              • WhatsApp

              #7
              رد: لكل مقبلة على الزواج دخلي تستفدي

              صور تحمل روابط خارجية
              التعديل الأخير تم بواسطة بشرى أحمد; الساعة 09-09-2015, 20:29.
              ربي لا تدرني فردا وانت خير الوارثين

              *
              إِجْعَل لِرَبِّكَ كُلَّ عِزِّكَ يَسْتَقِرُّ وَيَثْبُتُ
              ...
              فَإِذَا اعْتَزَزْتَ بِمَنْ يَمُوتُ فَإِنَّ عِزَّكَ مَيِّتُ
              *





              تعليق

                • WhatsApp

                #8
                رد: لكل مقبلة على الزواج دخلي تستفدي

                المشاركة الأصلية بواسطة salafiya مشاهدة المشاركة
                شوفي حبيبتي
                نصيحة الي نصحك متبقايش تسرعي راه العجلة من الشيطان اشنو غادي تخسري الى منحتي راسك فرصة للتعارف اكثر بمعنى درتي لقاء شرعي ومرتاحتيش للمتقدم زيدي قولي ليه نديرو لقاء اخر لربما تبان لك فيها صفات زوينين الى مبانوش لك من نهار الاول
                مسألة الغمة وديقة الصدر متبقايش تكرري هاد الكلمات باش ميزيدوش يتمكنو منك اكثر راه غير الشيطان هذاك منين تحسي براسك انورمال رقي راسك بوحدك وقراي اذكار وديري ادعية وغادي تحسي بتحسن ان شاء الله
                المهم قبل متاخدي قرار انك ترفضي عطي وقيت لراسك واستخري الله عز وجل
                وان شاء الله ميكون غير الخير اختي
                والله يسهل عليك نتي وكل عازبة يارب
                إن شاء الله أختي salafiya الله يدير اللي فيها خير ليل ولبنات المسلمين كافة

                تعليق

                  • WhatsApp

                  #9
                  رد: لكل مقبلة على الزواج دخلي تستفدي

                  المشاركة الأصلية بواسطة loubna biba مشاهدة المشاركة
                  إن شاء الله أختي salafiya الله يدير اللي فيها خير ليل ولبنات المسلمين كافة
                  اللهم ااااااااامين يارب العالمين
                  ربي لا تدرني فردا وانت خير الوارثين

                  *
                  إِجْعَل لِرَبِّكَ كُلَّ عِزِّكَ يَسْتَقِرُّ وَيَثْبُتُ
                  ...
                  فَإِذَا اعْتَزَزْتَ بِمَنْ يَمُوتُ فَإِنَّ عِزَّكَ مَيِّتُ
                  *





                  تعليق

                    • WhatsApp

                    #10
                    رد: لكل مقبلة على الزواج دخلي تستفدي

                    up
                    ربي لا تدرني فردا وانت خير الوارثين

                    *
                    إِجْعَل لِرَبِّكَ كُلَّ عِزِّكَ يَسْتَقِرُّ وَيَثْبُتُ
                    ...
                    فَإِذَا اعْتَزَزْتَ بِمَنْ يَمُوتُ فَإِنَّ عِزَّكَ مَيِّتُ
                    *





                    تعليق

                    يعمل...
                    X