ArabicEnglishFrenchSpanish

إعـــــــلان

تقليص
لا يوجد إعلان حتى الآن.

المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

    ثبت في تاريخه من طرف : أمينة

    المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام




    طريقة الحفاظ على الاكل :
    بزاف ديال لبنات كايطرحو اسئلة تخص المجمد والثلاتجة وطريقة الحفاظ بالاكل لمدة اطول وخاصة بعض الفواكه والخضار اللي كاتكون غير في بعض المواسم او ملي كانلقاو شي فاكهة خضار لحم دجاج ربيع بثمن مناسب لابد باش نتبعو بعض النصائح


    1 - كيفية الحفاظ على الخضرة في الثلاجة


    كيفية الحفاظ على الخضرة في الثلاجة وقت طويل قبل ماتغسليها حطيها في اكياس ورقية ولا لفيها في الجورنال حتي لا يبقى كل مافتحتي الثلاجة يضربها الهواء السخون والى بغيتي تحطيها في اكياس من البلاستيك غسليها ونشفيها وديريها في زيف ولا فوطة نظيفة من بعد دخليها الكيس البلاستيكي وبهذ الطريقة غادي تبقى لمدة اسبوع حتى 10 ايام بالكثير.










    ونصيحة للموظفات
    باش يسهلو عليهم الشغل يمكن لهم يسلقو خضرة يومين او 4 وسلق خفيف دقيقة حتى دقيقتين بعد مايغلى الماء وتخليها في ماها وحطيها في علب مخصصة لثلاجة

    لخيار ومطيشة وخيزو والخس باش تسهلي عليك الشغل ويكونو موجودين لسلطة غسليهم نشفيهم حكي خيزو ديريه في باطة وغطيه وخليه في الثلاجة لخيار قطعيه بقشرتو وديريه في باط وغطيها والى الثلاجة والخس نشفيه وحطيه بشوية بدون ماتعفسيه وغطيه وحتى هو الى الثلاجة ومطيشة قطعيها دواير وبقشرتها وحطيها في باطة وسديها ولا في حاجة زاج وغطيها والى الثلاجة






    وهنا غادي نحاول نقتيس ونجمع بعض نصائح بنات اناقة مغربية

    المشاركة الأصلية بواسطة عزة الاسلام مشاهدة المشاركة
    شكرا أم علي على هذا الإقتراح الجميل .يمكننا أن نجمد الجلبانة و الجزر بنفس الطريقة أما البطاطيس و خاصة لأبنائها يحبونها مقلية فعليها أن تسلقها نصف سلقة و تقليها نصف قلية و تحتافظ بها في المجمد حيث لما تريد إستخدامها ما عليها إلا تكمل ليها القلية
    المشاركة الأصلية بواسطة oum amal مشاهدة المشاركة
    السلام عليكن
    لتجمبد النعناع-السالمية-الحبق...
    خدى اوراق النعناع بعد الغسل نشفيهم وضعيهم فى واحد الصينية ورقة قرب ورقة جمديهم مزيان من بعد جمعيهم فى بلاستيكة وديروهم فى المجمد
    المشاركة الأصلية بواسطة أم شيماء1 مشاهدة المشاركة
    السلام عليكم و رحمة الله و بركاته
    جزاك الله خيرا اختي الغتالية ام الحلوين
    و بارك الله في كال الأخوات
    بالنسبة لتجميد الفريز يغسل جيدا وتقط النبة ديالو و يعمل في شبكة حتى يتصفى ثم يوضع في المجمد في صينية او بلاطو فريزة بجنب فريزة ما شي فوقها حتى يجمد و يجمع في بلاستيك و يعمل في المجمد
    يكمن عمل نفس الشيء مع الخوخ و المشماش و كدلك السفرجل بعد سلقه او تبخيره
    تسلمو
    المشاركة الأصلية بواسطة farah_ch1 مشاهدة المشاركة
    تبارك الله عليك ام الحلوين على الموضوع المميز شكرا جزيلا

    بالنسبة للبطاطس انا كنقليها نصف قلية بلا منصلقها ونديرها في الفريكو و ملي تبغيها جبدبها واخة متلجة قليها في الزيت كتجي غزالة وحمرا ومكرملة
    المشاركة الأصلية بواسطة أم الحلوين مشاهدة المشاركة
    تبارك الله عليك فرح
    وانا بدوري كجمد الشباكية
    سلو وخصوصا للناس للي عايشين قرب البحر
    البروات
    الخبز تاع الدار
    الحمص الكريب
    البغرير
    المسمن
    الشيار
    ولي عودة ان شاء الله


    المشاركة الأصلية بواسطة zahra64 مشاهدة المشاركة
    شكرا لكن اخواتي و لي اضافة الفلفلة تشوى و تنقى و تقطع و تجمد لعمل التكتوكة مطيشة تغسل و تقطع على 4 نعمل معها قليل من الماء و التحميرة و الملح لما تصلق نخليها تبرد و نطحنها فالمولينكس و نصفيها ثم نعملها فالبلاستيكات لقدر الي نحتاج فعمل الحريرة او لصوص للبيتز او اي شيء يحتاج لصوص
    المشاركة الأصلية بواسطة ام شهودة مشاهدة المشاركة
    انا مرات تنجمد المانجا تنقطعها ونجمدها مباشرة القزبر ومعدنوس قطعيه وزيدي معاه شوية زيت زيتون وجمدي تيبقى زوين والخبيزة تنشدها تنبخرها وتنخليه تبرد وعاد تنجمدها هادشي لي تفكرت دابا
    المشاركة الأصلية بواسطة om nawaf مشاهدة المشاركة
    السلام عليكم و رحمة الله

    تحضير الطعام لشهر رمضان المبارك


    يفضل الكثيرون التحضير لرمضان قبل فترة من قدومه بشراء الأغذية وتحضيرها وحفظها بتفريزها حتى يمكن تحضير الطعام في أقل وقت ممكن في هذا الشهر الكريم والتفرغ للعبادة.

    عند
    التفريز
    يراعى الآتي:

    تفريز الكمية المناسبة ليوم واحد لأن إعادة التفريز يمكن أن تفسد الطعام.
    تفريز أعداد متساوية من الأشياء التي تعد بالحبة، مثلا تفريز 10 حباتفي الكيس ليسهل استخدام الكميات بحسب الحاجة.
    يجب وضع ورقة لاصقة على كل كيس فيه اسم الصنف المفرز وتاريخ تفريزه .
    عند تفريز المعجنات والفطائر والسمبوسك والكبة والقطائف والدوناتس ....ألخ، توضع على صينية واسعة مرشوشة دقيق في الفريزر حتى تجمد، بعد ذلك ترتبأكياس أو تبرويرات حسب الرغبة بحيث لا تلتصق عند التجميد ويصعب فكها.


    الخضار:

    البامية والفاصولياء، تقمع (تزال القمعة) وتقطع بالورب وتقلب كل على حدة في القليل جدا من زيت الزيتون وتترك لتبرد ثم توزع في أكياس وتستخدم لعمل صواني أو يخنات بالزيت أو باللحم.
    البصل، يفرم ويقلب في القليل من زيت الزيتون ويوضع في كيس في الفريزر، للاستعمال، يدق قليلا حتى يتفتت وتأخذ الكمية المرادة.
    الجزر يبشر ويفرز في أكياس صغيرة للاستخدام في الشوربات وسمبوسك اللحم أو الخضار.
    الطماطم، تقشر وتقطعأو تفرم وتفرز، أو تعصر وتصفى ثم تفرز. لتقشيرها، يوضع ماء في قدر عميق وتترك لتغلي، تشق قشرة الطماطم قليلا ثم توضع في الماء الساخن لدقيقتين فقط ثم ترفع وتترك لتبرد ثم تقشر.
    الفطر، يغسل ويصفى ثم يبشر ويقلب في القليل من زيت الزيتون على النار حتى يذبل ثم يوضع في أكياس ويفرز ويستخدم في الشوربات أو الفطائر.

    الشوربات:

    مرق الدجاج للشوربات المختلفة، تسلق كمية من عظم الدجاج وتبهر وتملح مع القليل من حصى البان، ثم توزع في علب وتفرز.
    العدس، بسلق ويترك ليبرد ثم يضرب بالخلاط ويوزع في أكياس ويفرز.
    يشترى لحم رأس العصفور (لحم مكعبات صغيرة)، وتوزع في أكياس وتفرز للاستخدام في الشوربات أو اليخنات.


    المعجنات:

    سمبوسك الجبن واللحم والخضار، تحشى السمبوسك ثم تدهن الحبات بزيت خفيف أو تلف بورق زبدة أو نايلون حتى لا تلصق وتفرز في أكياس محكمة الغلق، تخرج قبل ساعة من القلي أو الشي.
    فطائر الجبنة واللحمة تفرز بعد خبزها وبعد أن تبرد، تخرج من الفريزر قبل عدة ساعات من التقديم.
    البيتزا تعمل وتخبز حتى تستوي تقريبا من غير وضع الجبنة على الوجه ثم تترك لتبرد ثم تفرز، عند الحاجة إليها تخرج من الفريزر وترش بالجبنة وتوضع في الفرن قليلا ثم تحت الشواية حتى تبدأ الجبنة بالحمرار وتخرج وتقدم ساخنة.
    صلصة البيتزا تحضر وتترك لتبرد ثم توزع في أكياس وتفرز.
    لفائف السبرينغ رولز، تحشى بالخضار أو اللحم المفروم أو الجبن أو غيره وتدهن بزيت خفيف حتى لا تلصق، أو يوضع بين كل طبقة وأخرى ورق زبدة وتفرز. لاستخدامها، تخرج من الفريزر قبل ساعة من الاستخدام، ثم تقلى في زيت حامي وغزير.


    مقبلات ووجبات خفيفة أخرى:

    عجينة الفلافل.
    الكبة، تكبب وتوضع الحبات في صينية في الفريزر، بعد أن تجمد، تخرج من الفريزر وتوضع في أكياس بسرعة بحيث لا تسيح وتغلق الأكياس جيدا وتعاد للفريزر، بهذه الطريقة لا تلتصق الحبات عند تفريزها. لاستخدامها، تخرج من الفريزر بساعة قبل الاستخدام، ثم تقلى في زيت حامي وغزير.
    بطاطا كروكيت وكفتة البطاطس بالجبن، تعمل كما في الوصفة ولكن لا تقلى بل توضع في الفريزر، وعند الحاجة إليها تخرج من الفريزر لعدة دقائق ثم تقلى.
    يمكن الاحتفاظ بمواد جاهزة من السوق ومفرزة لوقت الحاجة مثل قطع الدجاج المتبلة للأطفال، السمبوسك الجاهز والمفرز وغيره، ولكن يراعى أن الطعام المحضر في البيت أفضل وأنظف وصحي أكثر.

    وجبات رئيسية:

    كفتة الدجاج واللحمة، تشكل وتوضع في صواني في الفريزر، وعندما تجمد توضع في أكياس من غير شوي أو طبخ لحين الاستخدام.
    الشوشبرك، تحشى قطع العجين الصغيرة باللحم المفروم المعصج، ثم تشوى في الفرن لعدة دقائق وتترك لتبرد ثم تفرز. لاستخدامها، تخرج من الفريزر بعد طبخ اللبن وتسقط في اللبن الساخن.
    المعكرونة بالباشميل، تعمل في صواني قصدير وتفرز قبل الشوي، عند الحاجة إليها تخرج من الفريزر وتوضع في الفرن رأسا حتى تستوي.
    العصاج (اللحم المفروم المقلب مع البصل والبهارات والقليل من الزيت والملح) للمحاشي، السمبوسك، فتة الباذنجان، المسقعة، المعكرونة بالباشميل، اللزانيا ... الخ.
    قطع الدجاج الفيليه،وقطع الدجاج المتبلة للقلي.
    شراء كمية من اللوز المقشور لقليه عند الحاجة لتزين الأرزاز.
    التأكد من وجود كميات كافية من البهارات المتنوعة والتي يكثر استخدامها في رمضان للشوربات وللأكلات المختلفة، مثل الدارسين، الهيل، البهارات، الفلفل الأسود، الكزبرة اليابسة، بهارات الكبسة وغيره.


    الحلويات:

    القطائف، تعمل العجينة أو تشترى جاهزة وتحشى بخلطة الجوز وتقفل وتدهن بالقليل من الزبدة وتفرد في صواني في الفريزر، عندما تجمد، تخرج من الفريزر وتوضع في أكياس بسرعة بحيث لا تسيح وتغلق الأكياس جيدا وتعاد للفريزر، بهذه الطريقة لا تلتصق الحبات عند تفريزها. لاستخدامها، تخرج من الفريزر قبل الاستخدام بساعة. تشوى أو تقلى بحسب الرغبة ثم تشرب بالقطر (الشراب السكري).
    الكنافة، تعمل الصينية من غير تحمير ولا تسقى بالقطر وتوضع في الفريزر، عند الحاجة إليها تخرج وتحمر في الفرن وتسقى بالقطر وتقدم.
    الدوناتس تعمل العجينة وتشكل وتفرز مع وضع طبقة ورق زبدة أو أكياس نايلون بينها حتى لا تلتصق، عند الاستعمال تخرج قبل القلي بساعة ثم تقلى.
    الفستق الأخضر واللوزواللوز المحمص يطحن ويوضع في مرتبانات زجاجية ويفرز للاستخدام في الحلويات وتزينها.


    استخدامات متعددة:

    جبنة المزرولا المبشورة لاستخدامها في البيتزا أو اللزانيا أو السمبوسك وغيره.
    النعنع والريحان يجفف، يغسل ويوضع على ورق مطبخ في صينية في الشمس حتى يجف، يحفظ في علب أو مرتبانات زجاجية محكمة الغلق، عند الستخدام، تاخذ الكمية المطلوبة وتفرك ونتخلص من الأعواد، يستخدم في السلطات والمحاشي وغيره.
    البقسماط أو الخبز الناشف المطحون، يشترى أو يجفف الخبز في الشمس ثم يطحن.

    اللهم بلغنا رمضان وتقبله منا واجعلنا ممن يصومونه ويقومونه وبارك لنا في شعبان واغفر لنا وارحمنا، كل عام وأنتم بخير وعافية ....

    منقوووووووووووووووووول
    المشاركة الأصلية بواسطة najat12 مشاهدة المشاركة
    أختي خودي الخرشوف ونقيه مزيان من الخويوط وغسليه
    بالماء والحامض وفوريه فيالكسكاس مدة قصيرة ونزليه
    يبرد وعمليه في أكياس قابلة لتجميد وحكمي إغلاقهم بحيت
    ميبقاش الهوى داخل الكيس باش ملي تجبديه ميكحالش ويطيب
    ميقصاحش أتمنى أن أكون أفدتك
    المشاركة الأصلية بواسطة Um mayssoune مشاهدة المشاركة
    اختي
    حتى انا كندير نفس طريقة لقالو عليها اخواتي الانيقات عر من تسلقيها ديره مباسرة في بانيو يكون فيه التلج وطراف الحامض والماء باش يبق واخد لون الاخضر الفاتح من بعد نشفيه مزيان ومن تم للاكياس تم لفريكو
    ومن تبغ طيبيه مدكنجلش من الفريكو لطجين باش يبق شد في راسو ومتكتريش المرقة حيت الخرشوف غد يطلق ماء التلج
    المشاركة الأصلية بواسطة KARIM'S LOVE مشاهدة المشاركة
    سلام أختي بنسبة لفريت سلقها بشوية ديال خل وملح على مطلع لغلية ودريها تقطر مزيان ودرها ف ميكات وإلى المجمد

    المشاركة الأصلية بواسطة نورة منة مشاهدة المشاركة
    السلام عليكم اختي اولا لتجميد الفريت قطعي البطاطس وصلقيها غير شوي في ماء مملح بعد ما يغلي ماء غير شي خمس دقائق على الاكثر وزوليها تقطر من الماء واقليها نصف قلية وضعيها فشي طبسيل وتكون متفرقة ودخليها كونجيلاتور لما تجمد جمعيها في بلاستيكات ولما تبغيها جبديها وديريها مباشرة في زيت ساخن كتجي مقرمشة ودغيا كتوجد لانها كتكون مقلية نصف قلي اما على البريوات صايبيها وزعيها فشي طبسيل مغلف بالبلاستيك او بلاطو ودخليها تجمد ثم جمعيها في بلاستيكات وملي تبغي تقليها غير جبديها واقليها وها هي واجدة وكدلك نفس الطريقة بالنسبة لشوصون ملي تبغيهوم جبديهوم وديريهوم في الللاطة وخليهوم يطلقو وعاد طيبيهوم اما على الملاوي طيبيهوم نصف طيبة ما يتحمروش وملي تبغيهوم جبديهوم يطلقو وكملي تحمار كيجيو ابحال الى عاد صايبتيهوم وكدلك صايبي البيتزا وعمريها وديريها فوق بلاستيك تجمد وعمليها في بلاستيك وملي تبغيها دخليها للفرن مباشرة كتجي غزالة كنتمنى نكون افدتك وكنطلب منك الدعاء بالدرية الصالحة اختي

    المشاركة الأصلية بواسطة أم أمين ووليد مشاهدة المشاركة
    السلام أختي

    هذي طريقتي في تجميد الخوخ وماطيشة











    كانعرفكم تبارك الله عليكم كلكم حادكات وكل وحدة وطريقتها فالاحتفاظ بمطيشة لكن مافيها باس نوريكم طريقتي:
    ماطيشة الكمية اللي عندك أنادرت تقريبا كيلو ونص +ملعقة كبيرة ماطيشة لحك+ شوية الملح


    نسغسلو ماطيشة ونقسموها على 4 ونزيدو ليها شوية لملح ونسدو عليها فالكوكوت لمدة 15 حتى ل20 دقيقة على عافية مهيلة




    a.com/pic/][/URL]



    من بعد نطحنوها فالطحانة اليدوية ونضيفوليها ماطيشة لحك ونحركوها مزيان نخليوها تبرد ونديروها فساشيات أو بواطات أنا درتها فقوالب الثلج باش ناخذ غير الكمية اللي بغيت نقدرو نستعملوها فأي حاجة فطاجين بتزا فلپات حريرة ...

    aghribia.com/pic/][/URL]

    .
    ibia.com/pic/][/URL]

    hribia.com/pic/][/URL]

    ibia.com/pic/][/URL]

    ribia.com/pic/][/URL]

    ribia.com/pic/][/URL]



    نتمنى تعجبكم هذ الطريقة


    دمتم في حفظ الله ورعايته


    وهذا رابط فيه طريقة البريوات[/QUOTE]


    المشاركة الأصلية بواسطة ام ادم 2012 مشاهدة المشاركة
    بالنسبة للمعجنات يمكن لك تحتافضي بيهم عادي سواء المسمن بغرير وحتا الكيكة والبسبوسة الى درتيها وبقات لك حتافضي بيها عادي والبيتزا انا كنديرها ونطيبها وملي تبرد نغطيها بالسولوفان وندخلها للمجمد وملي نحتاجها نجبدها قبل وندخلها لفران تسخن وكتجي غزالة بحال يلاه طيبتيهاوعواشركوم مبروكة الله يدخل علينا الشهر الفضيل بالصحة والسلامةتحياتي
    المشاركة الأصلية بواسطة om azzahraa مشاهدة المشاركة
    خودي البرتقال وعصريه وعمليه في المكعبات الثلج ودخليه المجمد ومن بعد مايجمدو ديريهم في بلاستيك أما القشور حكيها وعمليها كدلك في امكعبات مثل العصير وحتى الحامض دري ليه نفس طريقة والخوخ يغسل ويعمل في المجمد .
    المشاركة الأصلية بواسطة مدام الغميري مشاهدة المشاركة
    اختي نقولك انا الطريقة الي كنعمل الحامض كتحكيلو القشرةوتعصريه والقياس الي عندك الحامض ديرو نصو ديال سنيدة وكتحطي عصير الحامض والقشرة وسنيدة وتحركيه وتخليه يبات ليلة كاملة ومغطي وفي الصباح صفيه في الصفاية الغليطة واعملي كل كاس في ميكة واحتفضي بيه في الفريكو وكل مابغيتي تشربي العصير وضعي ديك الميكة في لتر ماء وهاهو العصير واجد وليكن في علمك راهتيدوب دغية فاش كتوضعيه في الماء اما الحامض الى بغيتيه الحوت او السلطات اوغير دلك كتعصريه وتوضعيه في الميكة ومنين تحتاجيه تجبديه من الفريكو هدا بالنسبة الحامض حتى تنقلي هادشي وتردي عليا واش عجبك ونقولك ديال البرتقال والخوخ والفريز
    المشاركة الأصلية بواسطة nadoria2010 مشاهدة المشاركة
    تم التثبيت ام الحلوين في 03-29-2011



    اليوم اخواتي غادي نوريكم طريقتي باش كا نحفظ الجلبانة وكتبقى لي المدة لي بغيت والاهم انها كتبقى

    محافظة على مذاقها وحلاوتها ولونها ونهار كا تجبدوها بحال يلاه شريتوها ما فيها لا ريحة لا والو

    وانا متاكدة الى جربتو هاد الطريقة غادي تعتمدوها وتدعيو لي هههههه اما الطريقة غادي توظحها الصور

    ولاي استفسار انا هنا رهن الاشارة

    اولا كنقيو الجلبانة ديالنا ونغسلوها

    نديرو الما فطنجرة ونخليوه يطيب حتى يوصل للغليان ونرميو فيه الجلبانة ديالنا




    فاش كنرميوها كنلاحضو الما بحال برد نخليوها حتى تغلى وبمجرد ما دوز عليها الغلية الاولى نحيدوها


    حيت ما خصهاش طيب

    كنخليوها فشبكة حتى تبرد مزيااان وهنا كناكد خاصها تبرد مزيان



    من بعد ما بردات

    كنعمرو الجلبانة ديالنا فميكات وكنسدوهم بهاد الطريقة الى كانت هاد الالة متوفرة الى ما كانتش نكتفيو اننا نسدو الميكة مزيان وما نخليوش فيها الهواء






    وها النتيجة النهائية



    وندخلوها للمجمد

    نتمنى تجربوها وتردو عليا الخبار ان شاء اللة المرة الجاية نوريكم الطريقة ديال الفول


    في انتظار ردوردكن اخواتي
    المشاركة الأصلية بواسطة أم القمرين مشاهدة المشاركة
    شكرا أختي على المعلومة الجلبانة
    أنا غير كنقيها ونديرها فالميكة ونخزنها فالفريكو
    كتبقى مزيانة ، ومني كنبغي نستعملها كنخرج القياس للي بغيت
    كنغسلها تحت الماء البارد ونرميها مباشرة فالكوكوت كتجي مزيانة
    هاد المرة إن شاء نجرب طريقتك
    المشاركة الأصلية بواسطة fatiha2009 مشاهدة المشاركة
    السلام عليكم ورحمة الله وبركاته



    03/09/2012

    اليوم قلت علاش منشارك الغزلات المنتدى كيفية تجميد البنان واخا عارفكم تبارك الله حادكات
    ولكن قلت نشارك

    اول الحاجة كنحتاجو البنان والسولفان باش نديرو فيه البنان





    كنقشروا البنان ونديره فسولفان بلا حامض راه مغاديش يتأكسد ونسدو مزيان ميبقاش الهوا فداخل


    حتى نكملو الكمية لعندنا



    ونجمعوهم فشي بواطة نتاع البلاستيك


    ونديروهم فالمجمد وبهاد الطريقة نكون حتفظنا بالبنان وميبقاش يخسر لينا وبالأخص الا كانت كمية كبيييرة




    نتمنى تعجبكم الفكرة ونقدرو نديروها الأجاص الخوخ الفريز كيوي

    نتمنى متبخلوش عليا برودودكم المشجعة

    دمتم في رعاية الله وحفظه


    المشاركة الأصلية بواسطة لا تنسى الصلاة في وقتها مشاهدة المشاركة
    جزاك الله خيرا احبيبة دابا نجربها إن شاء الله.

    بالنسبة للتفاح والخوخ كنتدرت لهم الحامض وجمدتهم في الكونجيلاتور ,لكن ملي جبدتهم لقيتهم طابو بزاف. ياريت تصلاح لهم الطريقة ديالك.

    البرقوق كنت جمدتو بلا حامض لكن ملي كنجبدو ويذوب كيولي حالتو.

    تبارك الله عليك احبيبة .

    أحلى تقييم ليك أزين.
    المشاركة الأصلية بواسطة أم عمر وسلمى مشاهدة المشاركة
    السلام عليكم ورحمة الله وبركاته


    شكرا لك أختي على الفكرة الجميلة


    أنا ملي كنجمد الفواكه وكنحتاجها غير كنخرجها كنعملها مباشرة فالخلاط مع السوائل باش نعمل العصير، إيلا بقات حتى طلقات راها ما كيبقى فيها ما يتستعمل

    الفريز كنغسلو ونقيه ونعملو فالمجمد، والخوخ يتنظف ويتقطع (كنخليه بقشورو) ويتعمل فالمجمد أيضا


    كيجي العصير بارد ومنعش وكتبقى الفاكهة ولا أروع
    المشاركة الأصلية بواسطة لا تنسى الصلاة في وقتها مشاهدة المشاركة
    جزاكي الله خيرا على الإفادة مشرفتنا الغالية أم عمر وسلمى.

    القضية دلحامض كنت شفتها في النت كينصحوبيها للتجميد لكن صراحة لم تنفع معي.يعني تمسحي الخوخ والتفاح بالحامض وتجمديه لكن لقيتهم طااااااااابو بزاف مفيهم ميتكال.

    قمت بعمل عصير الخوخ بالليمون وجمدته وجا مزياااااااااان . كنبغي نعمل عصائر ونجمدهم لربح الوقت. ووقت الي بغيت نلقاه واجد.

    جزاكي الله خير الجزاء احبيبة.
    المشاركة الأصلية بواسطة ouidiano_lkhayr مشاهدة المشاركة
    شكرا أختي
    أنا سبقلي جمدته غير اليوم النيت جبدته درته فالعصير
    ولكن كندير طريقة أخرى للبنان

    كنشلله بالماء ونخليه بقشوره ونخبعه فالمجمد
    ملي كنجبده كنشلله ونقيه بالموس بحال التفاح ونستعمله مباشرة

    اخواتي الانيقات كيفما كتعرفو العديد من النساء كيكرهو يصايبو القوق لانه اولا كيكحل اليدين و ثانيا كيتاكسد دغيا خصك نتي كتقشر فيه و في نفس الوقت كتديرلو الحامض يعني عملية متعبة
    اليوم جبتلكم طريقتي الي كنحتفض بها بالقوق ف المجمد وغا يدوز الموسم ديال القوق و كيبقا ابيض بلا منستعملو الحامض. .


    نبداو على بركة الله
    الخطوة الاولى خصك ديري الليكات les gants انا داك النهار مكانوش عندي من بعد كنخدو القوق كنزولو القشور اللي في الوجه و بلا منزول داك القلب اللي فيه فحال الشعيرات حيت ادا زالو هادوك كيتاكسد القوق



    كنبدا كنقشر فالقوق حتى نسلي الكمية اللي عندي انا كنت شاريا 3 كيلو ولكن مكنزولشي المنطقة الي فيها الشعيرات

    كنحصل على هاد الشكل



    كنكمل الكمية اللي عندي كلها

    من بعد كنغسلو مزيان

    كنديرو القوق فطنجرة و كنسلقو مع مليحة غير شوية بحيث يبقا اللون ديالو اخضر


    من بعد كنصفيه و نخليه حتى يبرد

    و الخطوة الموالية كنبدا نكمل التقشار ديالو غير بالمهال و دك الطبقة ديال الشعيرات كتزول بسهولة و بلا منستعملو الليكات فهاد المرحلة


    و فالاخير كنحصل على قوق ابيض بلا منستعمل الحامض


    في النهاية كندير الكمية الي كنحتاجها ف البلاستيكات و نديرها ف المجمد حتى نبغي نصايب شلادة ولا مريقة ولا كرتان………على حسب الشهوة و ادا خليناه يقطر من الماء مزيان مكيلصاقش فبعضو فالمجمد و ممكن نديرو بزاف فبلاستكة وحدة

    التعديل الأخير تم بواسطة أمينة هديل; الساعة 26-05-2015, 20:13.
    اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




    برانمجي للتنظيف البيت
    http://www.anaqamaghribia.com/vb/sho...d.php?t=413075


    خلطتي السرية للحم والحوت(تعطي بنة رائعة)

    http://www.anaqamaghribia.com/vb/sho...d.php?t=404956

    ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!
    • WhatsApp

    #2
    رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

    المشاركة الأصلية بواسطة سكينة ام آدم مشاهدة المشاركة
    ثبت بتاريخه
    امونة 1982

    السلام عليكم اخواتي ،هاد الموضوع شحال وانا ندور بيه ماعرفت فين نحطو هههههههه،جبتو هنا حتا تحطوه في بلاصتوو هههههههههههههه
    جبت ليكم طريقة ماما في الاحتفاض بمطيشة وحتا انا وليت معتمداها،ساهلة بزاف ومطيشة كتبقا في لونها والبنة ديالها هي هي
    ماشي بحال فاش كنطحنها وعاد نجمدها ،كتولي بيضا ومافيها مداق


    المهم كناخدو مطيشة كنغسلوها مزيان وكنحيدو ليها هادــيك النباتة الفوق ونقصموها على 4 ونديروها في بلاستيك ونديروها في المجمد حتا نبغيوها
    نهار نبغيو مطيشة نجبدوها نديروها في كاسرول ونخليوها حتا تطيح ونطحنوها ونصفيوها او نخليوها هكاك ،كتبقا مزيانة بزآآآآآآاف والبنة هي هي ووكتبقا حمرآآآآا بحال الا يلا جبتيها وطحنتيها



    وبالنسبة لعصيــر البرتقــال طريقة ساهلة بزاف ههههه
    نعصرو ليمون ونديروه في قراعي البلاستيك او بلاستيكات ونديروه في مجمد نهار نبغيوه نجبدوه ونخليو حتا يدوب و ها عصير واجد وبارد هههه




    في امان الله و دعيو مع آلام ديــالي بالصحة وراحة البال


    المشاركة الأصلية بواسطة زهرة 84 مشاهدة المشاركة
    السلام عليكم كيدايرة لاباس عليك حتى انا كنت شفتو
    بحت فى كوكل ولقيت لك هدا ربما يعجبك

    طريقة تجميد وحفظ الـذرة



    كـــــل يوم هـــــقدم لكم طريقه من طرق حفظ الـــــخضار والـــفاكهه
    لان فى اوقات انواع خضار او فاكهه
    مش موجوده طول السنه ..
    ودى طرق هتنفعنا جدا اكيد




    اولا ...

    طريقة تجميد وحفظ الـذرة











    تقشر و تغسل

    ثم
    تسلق ....











    لما تبرد استخدمي سكين
    و اكشطي الذرة ....








    ثم
    ضعيها في اكياس الفريزر ....











    ويمكن
    تجميدها بدون كشط ...








    المشاركة الأصلية بواسطة الخالة نجاة مشاهدة المشاركة


    انيقاتي الغاليات.هادي فكرة للاحتفاظ بالحلويات .كندير كل شكل بوحدو في علي شفافة .ومابين كل طبقة وطبقة كنفرش بلاستيك غذائي وبهذا ماكتخسرش وممكن نديرها فالمجمد .الاالحلوى اللي فيها السكر كلاص .ان شاء الله نجرب تجميدها.ونرد عليكم لخبار هههه.نتمنى يعجبكم الموضوع رغم انه ممكن تكون بعض الاخوات عندهم نفس الفكرة وشكرا





    المشاركة الأصلية بواسطة الخالة نجاة مشاهدة المشاركة


    عزيزاتي كانت عندي كمية لاباس بها من الباذنجان.كان عجبني جديييد يالاه مقطعينو من الجردة وخديت اكثر من القياس اللي غاديا نحتاج.المهم خليت اللي بغيت والباقي نظرا لضيق الوقت مابخرتوش سلقتو من بعد ما غسلتو وحيدت منو الشوائب وخليتو بالقشرة ديالو لانها تحتوي على عناصر مفيدة للجسم.درتو يتقطر من بعد السلق مع شوية ديال الملح .ودرتو فلبلاستيك ديال المجمد.وقلت متنزلوش حتى نجربو.وفعلا كنت غاديا ندير السمك للغداء وجبدتو من المجمد وملي طلق درتو زعلوك جا راائع حقااا.وماخداش ليا الوقت وجد دغيااا وجا لذييذ.عاد قلت نحط ليكم التجربة للاستفادة.وعذرا على الاطالة.
























    اتمنى ان تستفدن من التجربة وراه فيها حتى ربح للوقت .ان شاء الله نحط طريقة تجميد السفرجل.

    المشاركة الأصلية بواسطة رحــــيق الورد مشاهدة المشاركة
    ههههههه انا انهار كامل وانا مع الدنجال تنشويه باش انديرو في الكونجلتور لي اللي تيبغي ديك الريحه ديال اشوي راه تيصدق مشوي ومجمد وفاش تتجبديه خليه يتلق وعاد قشريه وديري زعلوكه عادي
    المشاركة الأصلية بواسطة لا تنسى الصلاة في وقتها مشاهدة المشاركة



    بغيت نشارككم تجربتي في شي الفلفل في الفرن ثم التجميد ثم تقطيع اللوبيا الخضراء مع التجميد ثم الحريرة ديال القوام ثم طريقتي في تجميد الخوخ والعصير .

    هادي أول مرة كنشوي الفلفل في الفرن .كنت كنشويه غير فوق البوطة. والصراحة عجباتني بزاف .

    هنادرتو الوسط




    هنا قلت نزلو لتحت أحسن



    هنا ملي تشوا



    شوفو القشرة كيف محيدا بسهولة



    نقيت الفلفل و قطعتو



    هنا درتو في بلاستيكة باش تكونجليه



    هنا طريقة ديال تقطيع اللوبيا سريعة



    درتها في ماء سخون خليتها شي 5 دقايق غلات ودرتها في ماء بارد وصفيتها ودرتها في الميكة باش تكونجلا



    هنا صورة جماعية للفريق الوطني هه "الفلفل واللوبيا " قبل مندرهوم في الكونجيلاتو



    ( تابع)
    المشاركة الأصلية بواسطة لا تنسى الصلاة في وقتها مشاهدة المشاركة
    هادي حريرة ديال القوام كنت درتها وصورتها وعاد كتاب نزلها . شهاتني فيها حبيبتي أم عمروسلمى نهار دارتها ونا نديرها .أنا كنديرها بالزيت البلدية .



    نقصت منها باش تشوفو كيف جات



    وملي بردات فرقتها في ميكات ودرتها في الكونجيلاتور .سمحولي مصورتش هاد المرحلة .

    طريقتي في تجميد الخوخ : كنغسلو ونقطرو ونقطعو طراف ونفرقو في بلاستيكات وإلى الكونجيلاتور. وقتما بغيتيه للعصير سواء بوحدو أو مع البنان أو حاجة أخرى غير جبدي وخليه يطلق وطحنيه سواء بالماء أو الليمون أو ...

    اليوم درتو عصير بوحدو بالماء .

    هادا راني كنت مجمداه شحال هادي وجبدتو



    قطعتو على زوج ودرتو هنا باش يطلق وزدت ليه شوية دالماء



    وطحنتو بالطحان الكهربائي اليدوي

    هاواحد الكويس للي بغات تبرد



    عصير منزلي طبيعي أحسن مليون مرة من العصائر التي تباع جاهزة .

    كيعجبني بزاف ملي منخلطو بالبنان لكن اليوم قلت نبدل .

    لبارح درت ديال الكرموس أسود جا روعة .

    اللهم أدمها نعمة واحفظها من الزوال .
    يتبـــــــع
    اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




    برانمجي للتنظيف البيت
    http://www.anaqamaghribia.com/vb/sho...d.php?t=413075


    خلطتي السرية للحم والحوت(تعطي بنة رائعة)

    http://www.anaqamaghribia.com/vb/sho...d.php?t=404956

    ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!

    تعليق

      • WhatsApp

      #3
      رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

      المشاركة الأصلية بواسطة **تفاؤل** مشاهدة المشاركة
      السلام عليكم،، حياك الله أختي

      طريقتي أنا كناخذ لوبيا مكنغسلها ما والو كنقطعها ونديرها في بلاستيك غذائي وإلى المجمد،، كنستعمل بلاستيكات صغاار.
      ملي كنبغي نطيبها كنجبدها مع لحم من المجمد كنخيها تطلق راسها كنغسلها بالمااء وكتبقى بحال إلا عاد شريتها،ن فالأول كنت كنسلقها لكن ملي سمعت الدكتور الفايد قال أن السليق تيخلي الخضر يفقدو الفيتامينات وتتبقى فيها مادة واحدة في الألياف الخشبية وهي غير ضرورية للجسم بحال المواد الأخرى اعتمدت هاد الطريقة.




      وبالنسبة لطريقة السليق ها هي بالصور:



      تجميد الفاصولياء

      اولا تغسل وتقطع اطرافها ثم تقطع اجزاء



















      تغلى قليلا في ماء وملح




      توضع في ماء مثلج




      تصفى ثم توضع في اكياس





      وتوضع في الفريزر








      أو





      تغسل جيدا جدا وتقطع بهذا الشكل




      ونضع ماء فى حله وملعقه ملح ونتركها تغلى ونسقط الفاصوليا فى الماء المغلى ونتركها فيه حوالى عشر دقائق

      وبعدها نصفيها جيدا فى مصفاه



      ونضعها فى طبق واسع ونضع عليها ماء مثلج وقطع ثلج ونعصر عليها ليمونه لتحافظ على اخضرارها



      تصفى الفاصوليا وتعبأ فى اكياس
      ويراعى تفريغ الكيس من الهواء جيدا وتخزن







      وهذا فيديو لطريقة تجميد الفاصوليا:

      How To Freeze Green Beans




      Read more: http://www.anaqamaghribia.com/vb/sho...#ixzz3bGE6q8aI
      المشاركة الأصلية بواسطة almardia1 مشاهدة المشاركة
      انا اختي غدي نقول ليك طريقة اللوبية تاع ماما كديرها منقية في لقرعات ديال زاج وكدير فيها لملح ونقطة زيت وكتسد لقرعة من بعد كديرها في الكطوط كادير فيها الماء وتسد عليها ملي تحس بيها طابت تطفي لكن عنداااااااااك تحلي لقرعة خليها مسدودة حتى وقت الاستعمال ياريت نكون فدتك
      المشاركة الأصلية بواسطة sophias مشاهدة المشاركة
      أختي اللوبية أنا كنغسلها هو الأول و كنشفها فالألة اليدوية اللي كنشفو فيها الربع و النعناع و الخس و... من بعد كنقيها و نوزعها على الخنيشات و نحطها فالكونجلتور ملي كنحتاجها كنخلي حتي كنبغي نستعملها عاد كنجبدها و مباشرة للطنجرة بلا ما نتسنى حتى ترخى و كتجي بحال الا طرية و نتمنى نكون فدتك
      المشاركة الأصلية بواسطة ماما شرف مشاهدة المشاركة
      السلام عليكم حبيبتي باش متلوالكش لوبية لخضرة ومتطلقش ريحة فطياب
      كاين 2 طرق
      1 ديريها فقدر تغلى غي تطلع ديك لغلية الأولى زوليها من النار وديريها فماء بارد وقطريها وديريها فبلاستيكات وإلى المجمد
      2 ديري بانيو فيه ماء سخوووووووون وبانيو فيه ماء بااااااااااارد غتجيبي لوبيا توضعيها فلبانو السخوووون 5 دقايق ومباشرة توضعيها فلبانو البارد 5 دقايق وتقطريها وديريها فبلاستيكات وإلى المجمد
      اتمنى من الاخوات يجمعو كل شي يخص المجمد من المنتدى واللي عندها جديد تضيفو باش يكون موضوع واحد
      اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




      برانمجي للتنظيف البيت
      http://www.anaqamaghribia.com/vb/sho...d.php?t=413075


      خلطتي السرية للحم والحوت(تعطي بنة رائعة)

      http://www.anaqamaghribia.com/vb/sho...d.php?t=404956

      ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!

      تعليق

        • WhatsApp

        #4
        رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

        تجميد الكفته

        المشاركة الأصلية بواسطة مدام ميمي مشاهدة المشاركة
        السلام عليكم


        هادي طريقتي في تجميد الكفتة تتجي ساهلة ملي تنحتاجها دغيا تنجبدها بدون مانتسنها حتى اتدكونجلا

        اتمنى انها تروق ليكم


        اول شي تنكورها و نحطا في بلاطو و نديرها واحد ربع ساعة في المجمد حتى تشد راسها باش ماتلصق لينا



        من بعد نجمعهم في بلاستيك و هاهي وجدات كيف جاتكم الفكرة ساهلة ياك



        و المعروف ان مدة تجميد اللحم المفرووم اي الكفتة يجب ان لا تتعدى شهر واحد

        في امان الله
        اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




        برانمجي للتنظيف البيت
        http://www.anaqamaghribia.com/vb/sho...d.php?t=413075


        خلطتي السرية للحم والحوت(تعطي بنة رائعة)

        http://www.anaqamaghribia.com/vb/sho...d.php?t=404956

        ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!

        تعليق

          • WhatsApp

          #5
          رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

          السلام عليكم حبيباتي عدت لكم
          اليوم غادي نشارككم بترتيب المجمد ديالي
          طيبت اللوبية اللي تديني شهرين وفرقتها في باطات وهربل والدنجال والراس مع الحمص وشريت نصف بيبي وغسلتو وفرقتو في بلاستيكات وقطعت الهبرة وجمعتهم في باطة من بعد مادرت كل حاجة في بلاستيكة وهكا ولا المجمد ديالي مرتب وهذ الاسبوع الجاي ان شاءالله غادي نصاوب بيتزات صغار والبينيي وبسطيلات وهذو بعض اصور

          هذا هربل كان عندي بزاف وخفتو يخسر نقيتو وغسلتو وبيتو مرقد وفالصباح طيبتو وحطيتو في بلاستيكات






          الدنجال




          اللوبية







          الراس بالحمص









          يتبع



          Read more: http://www.anaqamaghribia.com/vb/sho...#ixzz3bGQJiJp4


          اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




          برانمجي للتنظيف البيت
          http://www.anaqamaghribia.com/vb/sho...d.php?t=413075


          خلطتي السرية للحم والحوت(تعطي بنة رائعة)

          http://www.anaqamaghribia.com/vb/sho...d.php?t=404956

          ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!

          تعليق

            • WhatsApp

            #6
            رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

            المشاركة الأصلية بواسطة بسمة 2 مشاهدة المشاركة
            فكرة زوينة اختي انا كنعجن الملوي بزايد شوية كنزله والباقي كيطيب نص طيبة ويدخل للكونجلاتور
            يلاه البارح عمرت واحد المجر درت الفريز غسلته وقطعته باش يكون واجد للعصير وحتى الحامض نفس الشي قطعته قطع صغار واحد علبة ديال غريبة داللوز والكوك وصلصة الطماطم وعجين البيتزا وعجينة كرواصة معجونة مابقاليش الوقت نشكلها بنتي فتناتني وانا نخبعها حتى يجي وقتها لان جربت يجي شي حد بلا مايعلمني ومايكون عندي والو كنبدا نطير غير وحدي فالكوزينة مع لي عندو التربية صغيرة خاص كل شي يكون واجد ومحيد
            مزال غادي نجرب كيكة لان شفت بزاف كيحتفظو بها انا لحد الان عمري جربتها قلت نجرب ونشوف
            لي عودة للموضوع
            المشاركة الأصلية بواسطة فراشة بالألوان مشاهدة المشاركة
            انا كانوجد عجينة البتزا ونحطها فالفريكو ونوجد حريشات صغار والمسمن فايتة وجدت كيكة لكن صراحة ماشي بحال الجديدة وكانوجد بز الدار وكانوجد بيزات معمرين بحال هاد الحويجات يفكوا الغفلة
            المشاركة الأصلية بواسطة ام أشرف مشاهدة المشاركة
            فكرة زوينة انا تندير المسمن او البطبوط تندير بزاف ونخبعو في الفريكو حيت ولادي وراجلي متيبغيوش يفطر بالخبز ديال الدار وتندير كرواصة العجينة ديال 10 دقائق والكيكة حتى هي تنديرها في الفريكو مرة نديرها صينة ومرة نقطعها ونخليها مجموعة ونديرها في الفريكو الى جا عندي شي حد نجبدها دغيا كتطلق الحلوة متنديهاش في الفريكو
            المشاركة الأصلية بواسطة سما دبي 2000 مشاهدة المشاركة
            فكرة غزالة اختي تبارك الله عليك
            كل مرة واشنوا كايكون عندي في المجمد مرة تلقايها كتعيط على الله مرة الحمدلله دايرة فيها توشيات وصافي المهم
            للطوارئ منين يكون الدجاج رخيص راني كناخد بزايد النص كنغسلوا كنخلي شوية صحيح شوية كنقطعوا طراف وشوية كنغسلوا ونعمروا بشرمولة والفرميسل وكبيدة والليمون مصير ونفوروا ومنين يبرد شوية كنديروا في الميكات هي يجي شي حد او النهار لميكون فيا منطيب كنجبدوا وندخلوا للفران يتحمر تحلفي عليه يلا عاد طيبتوا
            وكدلك بسطيلة صغيرة شوية كندير منها بزايد حتى هي للطوارء
            الحوت منين يكون رخيص نغسلوا ونغبعه
            عندك الدجاج كلك بالدغميرة كنطيبوا ونخليه يبرد الدغميرة في طاسة والدجاج نديرو في ساشية للطوارء منين يجي شي حد ندير في الطبسيل وندخل للفرن يكون درجة الحرارة ضعيفة
            عندك القراشل البتيبان حريشات صغار بغرير هدوا منين نجيب كمية ضروري نخبع منهم شوية
            عندك العصير ديال البرتقال الاقتصادي كندير منوا سطل او 2 ونخبعهم للصيف ورمضان ان شاء الله
            وخلاص الفول الجلبانة اللوبية مفزكها الحموص فازك الروز مصلوق
            المزاود الحمر الصغار في الميكا عندي شوية سلوا بعد النهار كيجي ضيف بالليل يعني العشا كندير الصوبا او الحريرة كندير معاهم بريوات لكنكون وجدتها في رمضان هي والحلوى الشبكية والتمر والكرموس او الشريحة هدا عشا خفيف عندي ملويات كنديرهم مرة بالشعرية الشنوا والكفتة او هي شوية الشحمة والبصلة مشلظة ديال زمانعندي القوق غاسلاه ومنقيه ومسحاه بالليمون الحامض باش يبقى مزيان
            لاريكواالخظرة كتفسد جربتها
            ايوة هدا ما اعطى الله نفكر ونقولك اختي كنتمنى نفيدك
            المشاركة الأصلية بواسطة بسمة 2 مشاهدة المشاركة
            عذابك راحة اختي ماكاين عذاب الحمد لله حنا هنا باش نستافدو من بعضياتنا بالنسبة للملوي كنطيبه نص طيبة ونخليه يبرد ونفرقه ونجمده كل وحدة بوحدها باش مايلصقش على بعضياته ملي يجمد ويعذبني ملي نبغي نجبد يعني كنقبط لاطة ونستفه فوقها حتى يجمد عاد نجمعه فبلاستيكة وحدة ملي نحتاجه نجبده يطلق راسه شوية ونرش المقلة بشوية زبدة ونخليه يكمل طيابه كيجي طري بحال يلاه صوبتيه
            العصير الحامض كنطحنه مع النعناع والماء والسكر كيجي منعش وبارد او مع الفريز غي كنحتاجو فالعصير كنخرجو ا مباشرة كنديرو فالطحانة بلا مايطلق راسه والفريز مع الحليب او مع البرتقال .....باش ماحبيتيه
            كرواصة يا اما كنعجن العجين ونحتفظ بيه يا اما كنعجنها ونشكلها ونجمدها فوق صينية حتى تجمد عاد نجمعها ملي نبغيها تجبد وتدهن بالبيض ومباشرة للفرن سخون ونفس الطريقة حتى للشوصون
            المشاركة الأصلية بواسطة سما دبي 2000 مشاهدة المشاركة
            بسطيلة كنعمرها ونستفها في البلاطويات ونخليها حتى تجمد شوية هي كتشد راسها ومن بعد نبقا نجمع في الميكات كتولي مطوبة
            بغرير كنفرقو بورق الزبدة سلفوريزي
            عقدة اللوز بالمسكة والقرفة والزبدة و
            عصير
            كيلو البرتقال
            نصف كيلو الليمون الحامض
            كيلوالاربع سنيدة
            4 برتقالت محكوكين
            2 حامضات محكوكين
            عصري الكل وديريه يغلي مزيان وبقاي تزيدي سنيدة ومن بعد تحسي بيه طاب صفيه وخليه يبرد وديري في علب او سطيل صغير وكيف يجيك الضيف متلا كاس كبير ديري في 2 معالق كبار وكملي الكاس باماء بارد ومنقولكش كيفاش كيجي
            يلا بغيتي شي حاجة انا معاك
            يتبع
            اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




            برانمجي للتنظيف البيت
            http://www.anaqamaghribia.com/vb/sho...d.php?t=413075


            خلطتي السرية للحم والحوت(تعطي بنة رائعة)

            http://www.anaqamaghribia.com/vb/sho...d.php?t=404956

            ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!

            تعليق

              • WhatsApp

              #7
              رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

              المشاركة الأصلية بواسطة بسمة 2 مشاهدة المشاركة
              بالنسبة للحوت كنخبعه مشرمل وحتى الدجاج كنشرمله وديما كنخبع واحد الدجاجة طايبة لدواير الزمان شي مرات يجي شي حد للغذا بلا مايخبرني ولا راجلي كيجيب شي حد على غفلة وكتصلح حتى لنهار التخمال او نهار نكون عيانة مافي لي يطيب والفريت حتى هي كنكون سالقها مع الماء والملحة والخل نهار نبغيها نجبدها ونقليها فزيت سخون المهم الا تفكرت شي حاجة او صوبت شي حاجة نجي نقولها لكم
              المشاركة الأصلية بواسطة سما دبي 2000 مشاهدة المشاركة
              نسيت نقولك الحامض منين يكون رخيص كنشقوا ونعمرو بسنيدة منين نبغيه نجبدها ونزيد عليها الماء ونخلطها في الخلاط ونصفيها

              المشاركة الأصلية بواسطة ايمان المالكى مشاهدة المشاركة
              انا كانعمل فيه كرواصة عجينة ما خامراش.كانحطها في بلاطو مفرقة باش تجمد كل واحدة بوحدها شي 5 دقائق عاد نحطها في ميكة في المجمد.نهار نبغيها نخرجهاتلات ساعات باش تطلق ونغطيها مزيييان تم تخمر حتى تخمر مزيان عاد تطيبيها كاتجي بحال الا عجنتيها فنهارها.الصراحة كاتجي احسن ملي كاتسحني اللي طابت من قبل عاد جمدتيها.كانحط فيه حتى عجينة البيتزا ما خامراش .حتى نخرجها .تطلق عاد نخمرها بينما نوجد العمارة هههه.باش تكون الحشوة طرية و طازجة ههههه.جربت نحط فالفريكو التوت جاني مداقو مبدل.
              المشاركة الأصلية بواسطة Royal مشاهدة المشاركة
              انا بصراحة منين تتكون الحاجة رخيصة تنشري بزايد بحال الفريز و تندير مركز الحامض في ميكات باش نوجد العصير في الصيف ان شاء الله و تندير البيتزات صغار و المسمن و باطة ديال الحلوى ..................... و حتى و احد الكاطو ديال التمر تيكون عندي في الالمجمد على طول العام دابا ان شاء الله نحط ليكم المقادير والطريقة بحا هاد الطبسيل

              يتبع
              اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




              برانمجي للتنظيف البيت
              http://www.anaqamaghribia.com/vb/sho...d.php?t=413075


              خلطتي السرية للحم والحوت(تعطي بنة رائعة)

              http://www.anaqamaghribia.com/vb/sho...d.php?t=404956

              ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!

              تعليق

                • WhatsApp

                #8
                رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

                المشاركة الأصلية بواسطة لمياء- أم عطاء مشاهدة المشاركة
                ما شاء الله عليكم اخواتي

                بالنسبة لي كنوجد ميني بيتزا لعجينة 10 دقائق و ندهنها لالصوص ونطيبها في الفرن وملي نبغيها نجبدها تطلق على مانوجد الحشوة و ندير الفرماج وندخلها للفرن باش يدوب الفرماج كتوجد في ربع ساعة .
                المسمن ايضا كنوجد بزايد ونخليه يبرد ونديرو في المجمد وملي نبغي نجبدو يطلق ونسخنو في مقلاة على عافية مهييييييلة
                الكرواصة الشوصون مرة نطيبهوم ونجمدهوم مرة نخليهم بلا طياب وملي نبغيهم عاد نطيبهم
                الفرماج ايضا ملي يجيب ر اجلي كرة كبيرة مانستهلكوها غير انا وهو كناخد نص ديالها ونحكو وفي المجمد يكون واجد محكوك
                البريوات نعمرهوم وندهنهوم بالزبدة و نستفهوم فيبلاطو وملي يجمدو نديرهوم في بواطة ملي نبغيهوم غير نجبد وندير في الفران
                الكيكة حتا هي نطيبها ونقطعها ملي نبغي نجبد القطع اللي بغيت
                البطبوط و الخبز ديال الأسبوع
                المشاركة الأصلية بواسطة سما دبي 2000 مشاهدة المشاركة
                كدلك الخبز منين يكون فيا التيسير كنعجن بزايد ونطيبوا ونخبعوا
                القزبور معدنوس الكرافس مقطعين الليمون معصر اخر محكوك
                المشاركة الأصلية بواسطة أم ريم 2 مشاهدة المشاركة
                موضوع مفيد بزاف إن شاء الله نستافدو به
                بالنسبة لي دايرة هد الساعة في كونجلاتور مركز الحامض والبنان مقشر والفريز مغسول ومنشف هدشي بالنسبة للعصير،دايرة بدزات معمرين وطايبين نصف طيبة وبصاطل صغار وهدي أول تجربة ليهم، دايرة بغرير وقوق وجلبانة وكفتة وصوصيص ولحم
                كنت جربت كيكة وصدقت زوينة وبغيت نجرب الحرشةنتمنى الٱخوات يفيدونا
                يتبع
                اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




                برانمجي للتنظيف البيت
                http://www.anaqamaghribia.com/vb/sho...d.php?t=413075


                خلطتي السرية للحم والحوت(تعطي بنة رائعة)

                http://www.anaqamaghribia.com/vb/sho...d.php?t=404956

                ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!

                تعليق

                  • WhatsApp

                  #9
                  رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

                  المشاركة الأصلية بواسطة nouour مشاهدة المشاركة
                  كنشكركم بزاف على المساعدة الله يجازيكم الجنة ونعيمها
                  واحد الفكرة نسيتها هههه فطنجرة كندير بصلة ومطشة وربيع مطحونين مع طريفات لحم أو دجاج وزيت وتوابل حتى يطيب ويبرد نقسمو ونديرو ف المجد لوقت لي بغيتو نجبدو و نزيد معاه شعرية أو لسان الطير أو دشيشة أو بركوكش
                  أيضا نقدر نوجد حتى صوص لحريرة مين نجبدها غ ندورها بالدقيق
                  المشاركة الأصلية بواسطة ورود الجوري مشاهدة المشاركة
                  انا شريت الفريكو كبير باش نعمرو باش بغيت فوقاش ما كان عندي الوقت كانعمل الملوي والمسمن ونطيبهم نصف طيبة منين يجي عندي شي حد كانخليه يطلق ونطيبو عادي وكانعمل الحلويات بشرط كل حلوة بوحدها في بواطة ونغلقها مزيان لان تخلاط الحلوى كايفسدها كانعمل فيه لكريب البغرير السفوف الشباكية الكيك منين يجيو عندي الضياف كاع مانحمل ليهم الهم اما الدجاج مابقيتش كانعملو فالفريكو لان مداقو ولونو كايتبدل كانعمل لحم الغنمي البقري لي عودة
                  موضوع رائع اختي تبارك الله علييك
                  المشاركة الأصلية بواسطة aswar مشاهدة المشاركة
                  السلام عليكم انا عندي فالفريكو الدجاج مقطع اللحم الصوصيص بقوله مبخره الفول مبخر الجلبانه القوق طالعه فيه الغليه مع الخل والطحين تم صوص البيتزا اللوبيا والحمص فازكين الحامض المعصر والمرقد الطون مصفي من الزيت ومفروق حسب الحاجه)الحك الكبير) السفرجل مصلوق مطيشه صوص للحريره الربيع الكرافس الفريز البطبوط الصغير انصاف الحامض معصر )للبرمه عند التفوار) هدا ماقسم الله دابا

                  المشاركة الأصلية بواسطة بسمة 2 مشاهدة المشاركة
                  المشاركة الأصلية كتبت بواسطة nadarabat
                  عفاكم واحد سؤال ، إلى بغيت نحضر البيزا او نحطها فالمجمد وش نطيب la pate او نخبها اولا نطيب كولشي اولا ندير نص طيب ل pate علا اش ندير عفاكم بغيت شرح تفصيلي الله يجزيكم بخير راه ضرني راسي


                  Read more: http://www.anaqamaghribia.com/vb/sho...#ixzz3bGW2SYf0

                  اختي ممكن تحضريها يعني تصوبي العجين تطلقيه وتصوبي الحشوة الصلصة والفرماج كيبقى غير الطياب كتدخليها فصينية للمجمد تجمد من بعد غلفيها ببلاستيك غذائي ملي تحتاجيها تجبديها وتدخليها مباشرة للفرن تطيب وممكن تصوبي العجين وتطيبيه نص طيبة وتحتفظي بيها تبقى لك الحشوة ملي تبغيها تصوبيها وتطيبيها وممكن تصوبيها وتطيبيها وعاد تجمديها ملي تبغيها تسخنيها ولكن صراحة انا ماكيعجبنيش نحتفظ بها طايبة ملي كتسخن مذاقها كيتبدل شوية ماكتجيش لذيذة كيف يلاه طيبتيها هذا بالنسبة لي ونخلي الاخوات الا عندهم شي زيادة يفيدوك
                  يتبع
                  اللهم جملني بقلب رحيم ، وعقل حكيم ونفس صبورة يارب اجعل بسمتي عادة وحديثي عبادة وحياتي سعادة وخاتمتي شهادة...




                  برانمجي للتنظيف البيت
                  http://www.anaqamaghribia.com/vb/sho...d.php?t=413075


                  خلطتي السرية للحم والحوت(تعطي بنة رائعة)

                  http://www.anaqamaghribia.com/vb/sho...d.php?t=404956

                  ‏قد يقضي أحدهم عمره وهو يعتقد بأنه يدافع عن أفكاره .. ثم يكتشف أنه في الحقيقة يدافع عن أفكار زرعها أخرون في عقله!

                  تعليق

                    • WhatsApp

                    #10
                    رد: المجمد والثلاجة هذ الموضوع غادي نجمعو فيه كل شيء يخص تجميد والحفاظ بالطعام

                    :82::82::82::82::82:

                    تعليق

                    يعمل...
                    X