ArabicEnglishFrenchSpanish

إعـــــــلان

تقليص
لا يوجد إعلان حتى الآن.

المكياج ديالي اليومي ومعلومات اضافية ، ملف شامل بالصور تفضلن ..

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    المكياج ديالي اليومي ومعلومات اضافية ، ملف شامل بالصور تفضلن ..

    السلام عليكن ورحمة الله ..
    البنات نتمنى تكونوا فأحسن الأحوال .. بعد موضوعي الأول حول مستحضرات الاعتناء اليومي بالبشرة ديالي .. جيت نوريكم المكياج ديالي البسيط اليومي .. أول شيء غانبدا بجميع المستحضرات لي كنستعمل سواء يوميا او فالمناسبات.. عاد نقولكم الطرق لي كنستعمل حسب الفصل والجو واللباس ديالي ..
    على بركة الله ..
    المكياج ديالي كنحاول نخلط ما بين الماركات العالمية والاشياء العادية .. لأنه بصراحة أحيانا كنطيح فشي مستحضرات ولو انها مكتتجاوزش 50 درهم إلا أنها رووووووعة وكتصدق احسن من الغالي لي ب150 درهم او اكثر..

    أولا : كريم الأساس Fondation

    كنستخدم زوج دالأنواع من نفس الماركة لي هي maybelline ، السائل للبشرة الجافة سميتو fit me داير 100 درهم ، والثاني للبشرة الدهنية سميتوDream mat mousse وداير 90 درهم .. بما ان البشرة ديالي مخلطة فيها مناطق دهنية فحال الانف والمحيط ديالو وما تبقى جاف .. كانخلط شوية من الاول وشوية من الثاني.. كاناخد اللون ديال البشرة ديالي .. ولكن فالصيف كناخد اغمق شوية باش يعطي داك اللون ديال البرونزاج ..



    البودرة powder ..
    كنفضل ناخد هادي ديال جوردانا ، ولي عجبني فيها أنها كتاخد اللون ديال البشرة ديالك كيفما كان لونها .. وكاتتبت كريم الاساس مزيان ماكيبقاش داك اللمعان ديالو فالبشرة ديالك .. دايرة 80 درهم



    البروشات ديال المكياج لي كنستعمل .. غانبدا من الكبيرة للصغيرة

    الكبيرة ديال البودرة خديتها ب 40 درهم ، الثانية ديال البرونزر أو الفاراجو للي كايديروه أنا مكنديروش الا في المناسبات كاندير غير البرونزر .. الثالثة ديال كريم الاساس خديتها ب20 درهم .. ثم ديال الحجبان وضلال العيون واخيرا ديال الآي لاينر السائل ..



    أقلام العينين والفم Eyeliner * Lipliner
    كنديلر السوداء بزاف مكيعجبنيش ندير الكحل حيت متنعرفش نديرو بداك القطيب ديالو هههههه كنخاف نعمي عيني .. وهذا أكثر سوادا من الكحل وكيعطي واحد العمق زوين للعين .. كنستعمل ديال Avon داير 35 درهم ، وديال Bourjois داير 70 درهم .. مكايسيحوش وكتحيديهم بصعوبة هههه حيت من النوع لي waterproof يعني مضاد للماء راه كتلقايها مكتوبة فديال بورجوا ..


    وهاد لاخرين خديتهم غير من عند مول مكياج ب20 درهم للواحد .. البلون كاسي والقهوي ديال العين والغوز ديال الفم .. كنديرهم غي فالمناسبات حيت مكنبغيش نصبغ فمي فالزنقا .. كيجيني عيب شوية .. مع احترامي للبنات لي كيديرو مكياج تقيل ..


    محدد الحواجب Eybrows Liner

    حجباني عندي خفاف شوية وفيهم فراغات بين الشعيرات دكشي علاش كنحاول نملا الفراغات بيناتهم .. ماشي كانطراسيهم أبدااا .. كندير اللون القهوي حيت الشعيرات عندي فالاسود .. يلا درت الأسود غانولي خليجية ههه مع احترامي لهن طبعا ولكن كيجيوني الحجبان لي متقلين بالقلم الاسود عيانين .. هذا خديتو غير من عند مول مكياج ههههه 5 دراهم لا غلا على مسكين


    وكندير Liquid Eyliner معرفتش شنو سميتو بالعربية هه هذاك لي كيديرو بيه ديك لعيبة ديال عين القطة من الفوق .. ولكن غير فالمناسبات طبعا ويلا درتو كانحاول مانديرش الاسود فالجهة السفلية ديال العين باش ماتبانش العين صغيرة وانما كندير البلون كاسي باش يفتح العين اكثر .. خديتو من Maybelline ب80 درهم او 70 درهم مبقيتش عاقلة ..


    الماسكارا Mascara

    كنت شي عامين هاذي كندير دكشي السواقي ديال 20 و 30 درهم وخرجلي على شفاري ولاو قلااااااال بزاف ولكن الحمد لله عالجتهم بزيت الخروع حتى رجعو كيف كانو واكثف.. دابا كنحاول ندير ليهم غير شي حاجة مزيانة لي كتحافظ على صحة الرموش .. كندير Maybelline هذيك الصفرة .. دايرة 90 درهم ، ولي حداها Bourjois ب80 درهم .. والثالثة L'oreal تمسحات ليها الكتبة بقوة الاستعمال هههه حيت هي المفضلة عندي .. دايرة 130 درهم وهي الأروع وتستاهل تحطي فيها هاد الثمن حيت رموشك كيكونو طبيعيين وفنفس الوقت طوال .. مكيتلاسقوش نهائيا ..


    ضلال العيون Eyeshadow

    دائما فوق عيني كندير تدرج من القهوي فاتح الى القهوي غامق .. كيكون اللوك طبيعي وكيكبر العينين كيبانو رووووعة ..
    كندير هاد القهوي الصغير ديال nivea خديتو ب50 درهم .. ولاخرة غي من عند مول مكياج .. دايرة شي 20 درهم ولكن رائعة بزاف ..


    وهذا تا هو eyeshadow كنت خديتو شي 3 سنين هذا مزال مبغاش يسالي هههههههههههه خديتو من makeup forever صراحة من ارررررروع ما يكون .. شي حاجة لي كنقدرش نوصفها ليكم هههههههههههه يلا تقادا ليا نقدر نبكي حيت مشيت قلبت عليه هاد اليامات ملقيتوش نهائيا .. ولا اي حاجة قريبة ليه ههههههه هذا صراحة حبي الوحيد .. 3 سنين ومزال شاد معا خوتو الزحام ههههههههه خصوصا الالوان مشتقات القهوي .. كتحمقنييييييي


    وهاد الباليت حتى هيا ديال Eyeshadow .. خديتها ب120 درهم وندمت عليها أشد ندم .. الالوان فااااااااقعة بزاف واخة تديري شوييييية فراس الشيتة .. كندير غي الالوان الباردة فالجانب السفلي فحال القهوي والباج والبرتقالي فاتح .. معقلتش على لامارك حيت تمسحات ليا من اللور


    مرطب الشفاه Lip Balm

    المساند الرسمي للشفاه ديالي Labello .. هذا مكيخطاااش الصاك ديالي .. جربت الالوان الاخرى ولكن صراحة معجباتنيش ريحتهم .. هذا زوين وكيعطي للشفاه اللون ديالها فقط .. داير 25 درهم


    ..

    هدشي لي كاين هاذ الساعة .. ندوزو دابا للوك اليومي ديالي ..

    أول حاجة فاش كنكون خارجة ، قبل بشي نصف ساعة كنغسل وجهي بالمستحضرات لي كنت حطيت ليكم فالموضوع السابق .. وكنخلي وجهي يرتاح شوية .. عاد كنقاد عيني هوما الاولين باش حتا يلا طاحت شي حاجة على وجهي نقدر نمسخا بما انني مزال مادرتش كريم الاساس ..
    كاندير Eyeshadow بتدرج من الجهة الداخلية دالعين الى الجهة الخارجية بألوان القهوي البارد ثم غامق ثم أغمق .. وكاندير خد رفيييييع فوق عيني بقلم اسود غير باش يرسم العين .. مكانخرجوش علا العين يعني غي كياخد الشكل ديالها .. ثم كاندير ماسكارا .. كانملأ الفراغات فحجباني بقلم قهوي .. ثم كاندير كريم الاساس ونخليه واحد 5 دقايق عاد ندير البودرة باش مايتخلطوش .. كاندير برونز معرفتش فين جليتو حتى نلقاه ونصورو ليهم ههه .. هوا لون غامق على بشرتي شوية كنديرو فالجوانب ديال وجهي .. ثم كاندير مرطب الشفاه .. هذا يوووووميا ..
    بغيت نزيد نكتب على مكياج ديالي فالمناسبات ولكن قريب المغرب يودن وانا صايمة .. نمشي نوجد فطوري هههههههه
    يلاه البنات نخليكم ولي عودة ان شاء الله فموضوع جديد ..

    لي بغات شي استشارة فنوع كريم الاساس حسب نوع البشرة ديالها ولا فأي نوع من مستحضرات التجميل ولا حتى فالبشرة ديالها تقولها لي وانا في الخدمة مغاديش نبخل عليها
    غي تعطيني نوع البشرة واش دهنية ولا جافة او مخلطة وواش سمرة ولا بيضة ولا بين وبين..
    يلاه تهلاولي فراسكم.. وفي انتظار ردودكن ..



    • WhatsApp

    #2
    رد: المكياج ديالي اليومي ومعلومات اضافية ، ملف شامل بالصور تفضلن ..

    تبارك الله عليك اختي موضوع زوين بزاف وطريقه ماكياجك عجباتني نا بحالك كيعجبني المكياج ولكن كندير خفيف كاندير كريم الشمس من بعدو بيبي كريم ديال نيفيا روعههههه منبعد نرسم حجباني شويه بالرمادي المغلوق بحال حجباني وندير ماسكارا وندير شويه عكر حمر ونمسحو وكايبان الفم طبيعي والكحل كنديرها ولكن مره مره والايشادو وآآآآآلوووو ماكايجيش معايا ماعرفت علاش ههههه كنديروو كنبان كبيره على لاج ديالي

    تعليق

      • WhatsApp

      #3
      رد: المكياج ديالي اليومي ومعلومات اضافية ، ملف شامل بالصور تفضلن ..

      موضوع جميل وحلو ومكياجك ايضاً جميل تتهني فيهم حبيبتي
      ممكن لو بتحبي تجربي فاونديشن من استي لودر للبشره المختلطه بخلي البشره جميله وثابت وتغطيته عاليه وجربي كحل من ماك او كحل ريفلون او لوريال ثابت وا شديد السواد
      مشكوره علموضوع استفدت كتير

      تعليق

        • WhatsApp

        #4
        رد: المكياج ديالي اليومي ومعلومات اضافية ، ملف شامل بالصور تفضلن ..

        تبارك الله عليك شكرا على مجهوداتك
        sigpic

        تعليق

          • WhatsApp

          #5
          رد: المكياج ديالي اليومي ومعلومات اضافية ، ملف شامل بالصور تفضلن ..

          المشاركة الأصلية بواسطة mari_belle12 مشاهدة المشاركة
          تبارك الله عليك اختي موضوع زوين بزاف وطريقه ماكياجك عجباتني نا بحالك كيعجبني المكياج ولكن كندير خفيف كاندير كريم الشمس من بعدو بيبي كريم ديال نيفيا روعههههه منبعد نرسم حجباني شويه بالرمادي المغلوق بحال حجباني وندير ماسكارا وندير شويه عكر حمر ونمسحو وكايبان الفم طبيعي والكحل كنديرها ولكن مره مره والايشادو وآآآآآلوووو ماكايجيش معايا ماعرفت علاش ههههه كنديروو كنبان كبيره على لاج ديالي
          جميييل اختي .. حاولت ندير بي بي كريم ولكن موافقنيش .. جربت Nivea و Maybelline و Garnier ولكن دارولي الحساسية .. بالنسبة لل sun screen كنت تنديرو معرفتش علاش عجزت عليه مؤخرا .. بغيت البشرة ديالي تسمار شوية الصيف هذا ههه
          الآي شادو دخلي لليوتوب وديري simple eyeshadow tutorial غاتلقاي بزاااااف دالفيديوهات كيعطيوك طرق جميلة وبسيطة وكتجي مع جميع انواع الاعين ..
          شكرا نورتي موضوعي اختي

          تعليق

            • WhatsApp

            #6
            رد: المكياج ديالي اليومي ومعلومات اضافية ، ملف شامل بالصور تفضلن ..

            المشاركة الأصلية بواسطة جُلنار مشاهدة المشاركة
            موضوع جميل وحلو ومكياجك ايضاً جميل تتهني فيهم حبيبتي
            ممكن لو بتحبي تجربي فاونديشن من استي لودر للبشره المختلطه بخلي البشره جميله وثابت وتغطيته عاليه وجربي كحل من ماك او كحل ريفلون او لوريال ثابت وا شديد السواد
            مشكوره علموضوع استفدت كتير
            مرسي حبيبتي على تعليقك ..
            شكرا غانبحث على الفاونديشن اللي عطيتيني نتمنى نلقاه ونجربو .. مستحضرات ماك قليلة فالمنطقة الي ساكنة فيها .. كانلقا غير الباودر والبلاشر .. لكن غانبحث اون لاين اذا لقيت ..
            شكرا على مرورك الجمييل ومعلوماتك الرائعة

            تعليق

              • WhatsApp

              #7
              رد: المكياج ديالي اليومي ومعلومات اضافية ، ملف شامل بالصور تفضلن ..

              المشاركة الأصلية بواسطة الكلمة الطيبة صدقة مشاهدة المشاركة
              تبارك الله عليك شكرا على مجهوداتك
              مرحبااا اختي انا في الخدمة

              تعليق

                • WhatsApp

                #8
                رد: المكياج ديالي اليومي ومعلومات اضافية ، ملف شامل بالصور تفضلن ..

                تبارك الله عليك اختي و الله يخليك ديما غزالة
                داك الفوندوتان من ميبيلين غزاااال تيغطي العيوب
                احلى تقيييم

                اكثر الناس قدرة على اسعاد انفسهم
                هم من ينظرون الى مافي ايديهم :-)
                وليس الى مافي ايدي الاخرين



                تعليق

                  • WhatsApp

                  #9
                  رد: المكياج ديالي اليومي ومعلومات اضافية ، ملف شامل بالصور تفضلن ..

                  المشاركة الأصلية بواسطة لون الحياة مشاهدة المشاركة
                  تبارك الله عليك اختي و الله يخليك ديما غزالة
                  داك الفوندوتان من ميبيلين غزاااال تيغطي العيوب
                  احلى تقيييم
                  شكرا حبيبتي مرورك فرحنيييي <3

                  تعليق

                    • WhatsApp

                    #10
                    الله يعطيك الصحة* حبيبة نسولك واش Dreams moss غي للبشرة الدهنية ؟؟؟
                    انا بشرتي مخلطو وكنت ناويا نشريها
                    ولكغو ديال الشمس واش كدروه هو الاول وتزيدو عليه فونتودا؟؟؟
                    او لا انا مكانفهمش بزاف

                    تعليق

                    يعمل...
                    X