ArabicEnglishFrenchSpanish

إعـــــــلان

تقليص
لا يوجد إعلان حتى الآن.

قصة بالدارجة من تأليفي بعنوان:جسد بلا روح..

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #11
    رد: قصة بالدارجة من تأليفي بعنوان:جسد بلا روح..

    المشاركة الأصلية بواسطة ام صفواان مشاهدة المشاركة
    هههه فكرتيني فاش كنت مازال تانقرا كنت معىوفة غير بالشلحة ههه المدرسة كلها تايقول لي الشلحة
    إوا لجا منك زين
    هذي هي الدنيا مرة ضحك مرة بكى مرة فرح مرة حزن
    الحمد لله على كل حال
    واشكون بحالك الشلحة الأصل والزين هههههههههه
    المشاركة الأصلية بواسطة scheimaa مشاهدة المشاركة

    المشاركة الأصلية بواسطة amirato bayty مشاهدة المشاركة
    ام اسومة عودة حميدة ننتضر التتمة
    ربي يحفظك حبيبتي
    المشاركة الأصلية بواسطة madrama مشاهدة المشاركة
    بعد السلام عليكم
    ياسلام عليك يا أم أسووومة روووووعة
    قصة باينة من أولها مزونة
    وعجبني كثر طريقة تنقلك من الحاضر للماضي وخليتيني نشوف أحداث بالألوان وأخرى أبيض وأسود
    بالفعل مبدععععععععة
    وعليكم السلام عزيزتي بارك الله فيك القصة غادي يكون عندها تنقلا مابين حقبات مختلفة نتمنى تعجبك
    المشاركة الأصلية بواسطة لاجئة الى الله مشاهدة المشاركة
    مقدمة أكثر من رائعة بدأت بالعودة ثم الفلاش باك إلى الرحيل و الليل و الهروب ، لماذا الليل الطويل هو بداية التغييرات الصعبة و لماذا البدايات تكون دائما صعبة كالمخاض ؟ في انتظار ما ترسمه لنا قريحتك حبيبتي.
    أنتي الأروع حبيبتي هاني كانحاول ماأمكن نطور أسلوبي الركيك ههههه
    المشاركة الأصلية بواسطة مغربية24 مشاهدة المشاركة
    تبارك الله عليك
    الله يبارك فيك أختي

    تعليق

      • WhatsApp

      #12
      رد: قصة بالدارجة من تأليفي بعنوان:جسد بلا روح..

      تبارك الله عليك اختي اسومة عودة ميمونة بقصصك الرائعة
      التعديل الأخير تم بواسطة لاجئة الى الله; الساعة 28-11-2015, 16:35.








      تعليق

        • WhatsApp

        #13
        رد: قصة بالدارجة من تأليفي بعنوان:جسد بلا روح..

        تبارك الله عليك اختي

        تفاءل فان التفاؤل طريق النجاح

        اللهم اني اسالك بكل اسماءك الحسنى ان تحفظلي ابنتي نور عيوني

        تعليق

          • WhatsApp

          #14
          رد: قصة بالدارجة من تأليفي بعنوان:جسد بلا روح..

          -الفصل 3-
          ست سنين..كان في عمري ست سنين ديك الوقيتة ولكن تقدرو تقولو عقلي كبر من عمري حيت أنا لي كنت نقابل خويا كريم فاش تخرج مي تخدم ممكن تجيكم غريبة أو غير معقولة ولكن ماشي مستحيلة ..خويا كان في عمرو عامين فاش كان أصغر مي كانت تاخدو معاها ونبقى بوحدي في الدار والعام الفايت ولات تخليه لي نقابلو وتخليلي ترموسة الحليب باش نعمر ليه بيبرونتو فاش يجوع ويغوت ..كبرت قبل وقتي أو الدنيا هي لي حكمات علي نعيش طفولة مختلفة على باقي الأطفال...
          بقيت نبكي والبز مجمعين علي قرب مني داك الدري لي كان سبابي وسد علي باب الدار كان كبير علي شوية جلس حدايا وسولني: علاش كاتبكي؟ فين هي ماماك؟
          أنا ماسكتش وكملت البكا وهو يشوف في.. شوية جبد حلوة من جيبو ومدها لي وقال: هاكي كولي هادي وسكتي..
          أنا مازال كانشهق شفت فيه ومديت يدي خديت الحلوة درتها في فمي وكملت البكا ههه.. الدري بقا حاير ماعرف مايدير وهو ينوض مشا دخل في الدار لي مقابلا معانا.. شوية خرج هو وواحد المرا ..هاديك المرا كانت هي خالتي لطيفة وهي مامات داك الدري لي غادي تعرفو عليه من بعد..
          خالتي لطيفة قربات هبطات لعندي وسولتني : فين هي ماماك آبنتي؟
          أنا مازال بحال الحجرة ماقدرتش نهدر وهو يهدر ولدها: كانت واقفة في باب خالتي الضاوية آمي
          خالتي لطيفة:واش نتوما الناس الجداد لي تحولو لهاد الدار؟
          أنا:...
          خالتي لطيفة: ماماك ماكايناش الداخل؟
          أنا هزيت براسي وحركة تعني لا...
          خالتي لطيفة:ياك قريبة وغاترجع دابا؟
          أنا هزيت كتافي
          الدري: راها زيزونة آمي من قبيلة وأنا نهدر معاها ماكاتردش
          خالتي لطيفة شافت فيه ورجعت هدرت معايا: آجي معايا للدار حتى تجي ماماك
          أنا خفت مانقدرش نمشي معاها مانعرفهاش وزايدون خويا لي بقا في الدار بوحدو..
          خالتي لطيفة: ماتخافيش شوفي أنا عندي بنوتة بحالك هاكدا صغيورة وغادي تعجبك آجي تلعبي معاها شوية حتى تجي ماماك حسن ماتبقاي في الزنقة..
          في ديك اللحظة حبست البكا كنت مازال مخلوعة وخايفة ماشي ساهلة تلقاي راسك في الزنقة ونتي طفلة مافاهمة والو والباب مسدود وماماك لي خاصك تكوني معاها ماكايناش..
          خالتي لطيفة زعماتني وشداتني من يدي بحركة هادئة ودخلاتني معاها للدار..دارهم كانت زوينة مع أنها كانت قديمة من على برا حتى هي ولكن كانت الداخل زوينة منضمة وعامرة أثاث وديكورات ..دخلاتني للصالون وجلساتني فوق السداري وهي تبتسم لي وبدات تعيط على بنتها
          خالتي لطيفة: اسمهان!! اسمهان!! آجي هاهي واحد البنوتة آجي تلعبي معاها
          خرجت اسمهان من واحد الغرفة كانت بنت زوينة بزاف دايرة قرينات معقودين بشرائط حريرية ولابسة كسوة منفوخة من الكتاف وقصيرة في اللون الأبيض وفيها وردة كبيرة في الخصر... قربت اسمهان من ماماها وهي توشوش لها في الودن.. خالتي لطيفة ضحكت واقالت: لا ماشي ختك أحبيبة بنت جيرانا الجداد ولكن ديريها بحال ختك ولعبي معاها
          اسمهان شافت في بخجل وابتسمت..وأنا بدوري رديت ليها الإبتسامة...
          خالتي لطيفة: نوضي جلسي حدا ختك أنا غانجيب ليكوم عصير ونجي
          ناضت خالتي لطيفة للكوزينة وخلاتني مع اسمهان جالسين وكانشوفو وكانبتسمو لبعضياتنا بدون كلام...
          شوية اسمهان قربت لي وهدرت: شنو سميتك؟
          أنا بصوت خافت: رجاء..

          اسمهان: أنا اسمهان وفي عمري six ans ونتي شحال في عمرك؟
          أنا بنفس الصوت الخافت:6 سنين ونص..
          اسمهان ضحكات:بحالييي ..آجي معايا لبيتي نوريك ألعابي
          حوار قصير بزاف مابين 2 طفلات بريئات في السادسة من عمرهم باقي كانتفكرو لحد الآن وعمري نساه وعمري نسا اسمهان لي كانت من أجمل الذكريات في حياتي....
          نضت هاد المرة مع اسمهان لبيتها وبدون تردد كانت بيتها رائعة الجدران مزينين بالدمى بشتى الأشكال.. سرير صغير في اللون الوردي والأرضية كانت زربية ناعمة في لون البيستاج واللعب مبعثرين في أنحاء الغرفة..وكأني دخلت لبلاد العجائب ..آه بيت اسمهان كانت تجيني بحال الحلم.....
          التعديل الأخير تم بواسطة لاجئة الى الله; الساعة 28-11-2015, 21:44.

          تعليق

            • WhatsApp

            #15
            رد: قصة بالدارجة من تأليفي بعنوان:جسد بلا روح..

            تبارك الله عليك




            fatimah




            اللهم ارحم والدي برحمتك الواسعة واسكنه فسيح جناتك يارب العالمين

            تعليق

              • WhatsApp

              #16
              رد: قصة بالدارجة من تأليفي بعنوان:جسد بلا روح..

              السلام عليكم. قصة روعةةةةة
              تعاود الجزء 2 مرات. أ أم أسومة
              sigpic

              تعليق

                • WhatsApp

                #17
                رد: قصة بالدارجة من تأليفي بعنوان:جسد بلا روح..

                تبارك الله عليك

                تعليق

                  • WhatsApp

                  #18
                  رد: قصة بالدارجة من تأليفي بعنوان:جسد بلا روح..

                  الله يبارك فيكم البنات
                  أم صفوان راه غلطت والمشرفة عدلت لي الله يجازيها بخير

                  تعليق

                    • WhatsApp

                    #19
                    رد: قصة بالدارجة من تأليفي بعنوان:جسد بلا روح..

                    كنتسناو نشوفو تعامل مامات رجاء معاها ملي ترجع باش نعرفو شخصيتها .

                    تعليق

                      • WhatsApp

                      #20
                      رد: قصة بالدارجة من تأليفي بعنوان:جسد بلا روح..

                      روعة كالعادة متابعة

                      تعليق

                      يعمل...
                      X