ArabicEnglishFrenchSpanish

إعـــــــلان

تقليص
لا يوجد إعلان حتى الآن.

قصة بالدارجة من تأليفي بعنوان:جسد بلا روح..

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #21
    رد: قصة بالدارجة من تأليفي بعنوان:جسد بلا روح..

    تبارك الله عليك ازين
    :84::84::84:اللهم صل على سيدنا محمد عدد خلق الله ،وزينة عرشه، ومداد كلماته

    تعليق

      • WhatsApp

      #22
      رد: قصة بالدارجة من تأليفي بعنوان:جسد بلا روح..

      -الفصل 4-
      جلست مع اسمهان في غرفتها الساحرة ولعبت معاها ونسيت الوقت ونسيت خويا لي بقا بوحدو في الدار..
      شوية عيطات علينا خالتي لطيفة: آجيو البنات تاكلو!
      اسمهان:واخا آماما!..يالله آختي نمشي ناكلو ونرجعو نلعبو صافي؟
      أنا بإبتسامة مشرقة: واخا!
      خرجنا ولقينا خالتي لطيفة موجدا لينا العصير وحلويات شكلها كان جميل وطعمها كان أجمل .بقينا ناكلو وشوية دخل داك الدري من الزنقة كايجري
      خالتي لطيفة:آمالك آ اسماعيل داخل بحال العجاجة؟! غير بلاتي عليك
      اسماعيل دار لعندي وشاف في وقال:نوضي ماماك راها تقلب عليك!
      أنا فاش سمعت هاد الهدرة فشلو لي الركابي وبديت نبكي تاني ..كنت بكاية أي موقف نحس ر اسي في خطر دموعي يبداو يطيحو ههه
      خالتي لطيفة: ماتبكيش آبنتي ماماك هادي مالكي خايفة
      هدرتها ماهدنتنيش أنا لي عارفة مي كيف دايرة.. مشات خالتي لطيفة وهزات شي حليوات لواتهوملي لي في كاغيط ودارتهوم لي في يدي وخرجنا ..مي كانت في باب الدار هازا خويا لي كان مفقوس بكا على جنبها و معصبة وباين كاتحلف في ...خالتي لطيفة باستني ومشيت لعندها ورجلي ماهازينش وغير شافتني بقا تشوف في ديك النظرة لي كنت عارفة آش غايجي من موراها
      مي من بين سنانها :زيدي قدامي للدار ..
      خالتي لطيفة: سمحيلي آلالة راه لقيتها جالسة برا تتبكي وقلت ندخلها معايا
      مي بلا نفس: بارك الله فيك آختي..
      خالتي لطيفة: واش نتوما الكرايا الجداد في دار خالتي الضاوية ؟
      مي: لا ختي أنا الدار ديالي...
      خالتي لطيفة: إيييه ..والله يجلعها عتبة مبروكة أحبيبتي ..أنا سميتي لطيفة جارتكوم لا حتاجيتي شي حاجة مرحبا بيك
      مي: ربي يخليك..
      مي كانو حواراتها قصيرة مع الجارات و ماكانتش تبغي تتداخل معاهم..
      دخلت أنا للدار ومي زدحات الباب وجآت لعندي مباشرة وهي مازل هازا خويا جمعت معايا بتصرفيقة وشدتني من شعري..كان عندي شعر طويل وكانت ديما تتجمعولي على شكل ظفيرة..
      مي بالغوات: فين خرجتي يابنت الحرام و خليتي خوك روحو بغات تخرج بالبكا آه؟!!!!
      أنا كانبكي: عافاك آمي عافاك مانعاودش
      مي: لاواه غير عاودي يا بنت الحرام يا الكلبة!!!
      كانو هادو هومآ الألقاب ديالي في غالب الأحيان ..بنت حرام.. وكلبة.. وأحيانا حمارة... مي كانت قاسية بزاف بعض المرات لا تخاصمنا أنا وكريم على أتفه سبب ديما الدقة كانت تجي في ولكن هو ماكانش يتضرب علاش؟ يمكن حيت مازال صغير وأنا لي كبيرة...
      توسلت وبكيت ولكن بلا فايدة أن عارفة مي ماتطلق مني حتى تبرد غدايدها .كانت هادي هي أمي ...كنت نظن تعاملها معايا عادي بزاف بحال جميع الأمهات ولكن ملي غانبدا ندخل لعند دار اسمهان ونحتك بعائلتها غانبدا نفهم أنو مي تعاملها معايا كان قاسح ولكن بلا مانعرف السبب ...

      تعليق

        • WhatsApp

        #23
        رد: قصة بالدارجة من تأليفي بعنوان:جسد بلا روح..

        المشاركة الأصلية بواسطة لاجئة الى الله مشاهدة المشاركة
        كنتسناو نشوفو تعامل مامات رجاء معاها ملي ترجع باش نعرفو شخصيتها .
        اليوم تعرفنا على جزء من شخصية الأم
        المشاركة الأصلية بواسطة مستغفرة لربها مشاهدة المشاركة
        روعة كالعادة متابعة
        أهلا شيري ههههه كيف حالك وحال قندهار
        المشاركة الأصلية بواسطة تفائلي...جنتي مشاهدة المشاركة
        تبارك الله عليك ازين
        الله يبارك فيك حبيبة

        تعليق

          • WhatsApp

          #24
          رد: قصة بالدارجة من تأليفي بعنوان:جسد بلا روح..

          روعة كالعادة تبارك الله عليك أختي










          تعليق

            • WhatsApp

            #25
            رد: قصة بالدارجة من تأليفي بعنوان:جسد بلا روح..

            سنوؤتي القصة غزالة اكيد ستحمل احدات متيرة ومحزنة عجباتني الطريقة باش كتهدر رجاء
            انا غدا عاد نمشي لقندهار كنت مسافرة انا وكبوري

            تعليق

              • WhatsApp

              #26
              رد: قصة بالدارجة من تأليفي بعنوان:جسد بلا روح..

              تبارك الله مشاء الله افكارك روعة او هاد لقصة باية زهينة او حتا اسلوبك قصة ورا قصة كيولي رائع كملي هاحنا معاك هههههه
              اللهم احفظ لي احبتي و عائلتي و لا تريني فيهم بأسا" يبكيني واشفهم و فرج عنهم و يسر لهم و اقض حوائجهم











              تعليق

                • WhatsApp

                #27
                رد: قصة بالدارجة من تأليفي بعنوان:جسد بلا روح..

                المشاركة الأصلية بواسطة مستغفرة لربها مشاهدة المشاركة
                سنوؤتي القصة غزالة اكيد ستحمل احدات متيرة ومحزنة عجباتني الطريقة باش كتهدر رجاء
                انا غدا عاد نمشي لقندهار كنت مسافرة انا وكبوري
                آه باقي يالله البداية والتعريف بطفولة رجاء أما الأحداث القادمة ملي تكبر لي غادي تكون مؤثرة
                وابالصحة التسافيرة والله يعاونك الزين
                المشاركة الأصلية بواسطة حبيبة أولادي مشاهدة المشاركة
                تبارك الله مشاء الله افكارك روعة او هاد لقصة باية زهينة او حتا اسلوبك قصة ورا قصة كيولي رائع كملي هاحنا معاك هههههه
                بارك الله فيك الحبيبة وربي يخليك لي لي وتبعي خربشاتي ههههه

                تعليق

                  • WhatsApp

                  #28
                  رد: قصة بالدارجة من تأليفي بعنوان:جسد بلا روح..

                  المشاركة الأصلية بواسطة أميمة هبة مشاهدة المشاركة
                  روعة كالعادة تبارك الله عليك أختي
                  ربي يبارك فيك الزيونات

                  تعليق

                    • WhatsApp

                    #29
                    رد: قصة بالدارجة من تأليفي بعنوان:جسد بلا روح..

                    المشاركة الأصلية بواسطة أم أسووومة22 مشاهدة المشاركة
                    آه باقي يالله البداية والتعريف بطفولة رجاء أما الأحداث القادمة ملي تكبر لي غادي تكون مؤثرة
                    وابالصحة التسافيرة والله يعاونك الزين

                    بارك الله فيك الحبيبة وربي يخليك لي لي وتبعي خربشاتي ههههه
                    ههههههه اكيييييد متابعاك راني شحال او انا نتسنا في الجديد
                    اللهم احفظ لي احبتي و عائلتي و لا تريني فيهم بأسا" يبكيني واشفهم و فرج عنهم و يسر لهم و اقض حوائجهم











                    تعليق

                      • WhatsApp

                      #30
                      رد: قصة بالدارجة من تأليفي بعنوان:جسد بلا روح..

                      ايوا فينك سنوءة
                      اللهم احفظ لي احبتي و عائلتي و لا تريني فيهم بأسا" يبكيني واشفهم و فرج عنهم و يسر لهم و اقض حوائجهم











                      تعليق

                      يعمل...
                      X