ArabicEnglishFrenchSpanish

إعـــــــلان

تقليص
لا يوجد إعلان حتى الآن.

قصة بالدارجة من تأليفي بعنوان:جسد بلا روح..

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #41
    رد: قصة بالدارجة من تأليفي بعنوان:جسد بلا روح..

    المشاركة الأصلية بواسطة جوجو الحلوة مشاهدة المشاركة
    كتجيبيها حتى لشي لقطة واعرة وتوقفي وتخليني الشياط طالع معايا حيث كنكون مكونسطرية مزيان. دابا اش ندير فمن نعض؟؟؟؟
    هه ياك بعدا ديما إديرو لينا التشويق وحنا نبقاو نطلو بحال قاطعين لينا الماكلة ههه
    عضي عضي أختى
    sigpic

    تعليق

      • WhatsApp

      #42
      رد: قصة بالدارجة من تأليفي بعنوان:جسد بلا روح..

      -الفصل 6-
      مانقدرش نوصفولكوم الخوف والرعب لي حسيت بيهم ملي شفت الرجل ديال خويا بداك الشكل وهو يغوت و ألي كنت خايفة منو كثر هو ردة فعل مي... مشات كاتجري بخويا وأنا بركت في باب الدار نبكي ..أكثر حاجة كنت نعرف نديرها...
      اسماعيل كان كيما العادة راجع في وقتو كنت ديما نطل على برا من الفتحات لي باب الزنقة وكان أغلب أيام الأسبوع يرجع في العشية قبل ماترجع مي غير يدخل يلوح محفظته ويهز كرته يلعب في الزنقة بعض المرات حدا الباب وبعض المرات كايبعد ... كانو دراري بزاف يتجمعو عليه ولكن هو لي كنت نراقبه بزاف حيت خو اسمهان ودارهم مقابلة معانا.. اسماعيل في ديك الوقيتة كان عمره 11 سنة كان دري ضريف وعمره دار صداع في الزنقة .. عمري نسا الشعر ديالو البني المائل للزعورية والناعم بزاف وكانت خالتي لطيفة تاتخليه ليه طويل شوية على حسب الموضة في ديك الوقيتة...
      داز من حدايا وأنا نبكي وقف هدر معايا: مالكي تاني تبكي ؟
      أنا شفت فيه وزدت تفكرعت بالبكا ههه.. شاف في مزيان ودخل خلاني شوية رجع لعندي ومعاه 2 حكاك يوغورت في ديك الساعة ماكنتش نعرفو ماعرفتش شنو هاداك وكنت عمري دقتو مدلي وحدة ومعلقة و شد وحدة عندو وجلس حدايا.. أنا حبست البكا وبديت نشوف في ديك العلبة العجيبة شنو ممكن يكون فيها بقيت كانشوف في اسماعيل وهو كايحلها دار لعندي لقاني مبحلقة فيه وقالي: هادا دانون ماكاتعرفيهش؟
      أنا هزيت براسي بمعنى لا.. مدلي العلبة ديالتو وعطاني معلقة و شد ديالي وحلها وبدا ياكل وأنا درت بحالو ..من لذة المذاق ديال داك اليوغورت نسيت كريم ومي وكولشي
      اسماعيل: ماماك ماكايناش الداخل
      أنا ولأول مرة زعمت نهدر معاه: لا دات خويا ومشات
      اسماعيل: واش بقيتي بوحدك؟
      أنا: آه..
      اسماعيل: آجي لعندنا حتى تجي ماماك
      أنا: لا نخاف ضربني
      اسماعيل: علاش ضربك مادرتي والو
      أنا مارديتش علي وبقيت ساكتة وهو بقا جالس معايا وماناضش يلعب بالكرة داك النهار حتى خرج خوه كايعيط عليه ..خوه كان سميتو محسن أصغر من اسماعيل بعامين وعلاقتهم كانت غزالة بزاف
      محسن: اسماعيل!! قاتلك ماما آجي راه وجدات آتاي
      اسماعيل: مابغيتش غير شربو!
      محسن: أوووف وا نوض يالله دابا تعاود ماما تصيفتني لعندك
      اسماعيل:قلتك مابغيتش سير دخل بعد مني!
      محسن: أوووف والله لا رجعت لعندك!!
      اسماعيل ماناضش وفعلا بقا جالس معايا حتى رجعت مي ووخويا في يديها ورجلو ملويا كلها بالكبص أنا ملي شفتها جاية من بعيد شديت في يد اسماعيل وزيرت عليها هو بغا ينوض وأنا نوض معاه ... مي قربات وهي كاتحلف تصفيهالي محيدا الصندالة من راس الدرب وأنا الله لي كان عالم بي بالزربة دخلات للدار حطات كريم ورجعت لعندي وسلختني في الزنقة والغوات قالب الدنيا ومافكني منها غير الحاج عبد الباقي ولي هو بابات اسماعيل محسن واسمهان
      الحاج وهو يجرني لموراه: ياهاد المرا الله يهديك واش باغيا تقتلي البنت راها باقا صغيرة!!
      مي ما حبستهاش ديك الهدرة حاولت تجبدني لعندها تما خرجات خالتي لطيفة وهي تلقا ديك الروينة راجلها شادني من يد و مي من يد و ولدها واقف مرعوب كايتفرج في الماتش..

      تعليق

        • WhatsApp

        #43
        رد: قصة بالدارجة من تأليفي بعنوان:جسد بلا روح..

        شفتو أسومة ثبتات أثرات عليها القصة عايشة الأحداث ، عنداك تذوبي فالشخصيات مع القصة تراجيديا سوداء غيجيك اكتئاب.

        تعليق

          • WhatsApp

          #44
          رد: قصة بالدارجة من تأليفي بعنوان:جسد بلا روح..

          المشاركة الأصلية بواسطة ام صفواان مشاهدة المشاركة
          السلام عليكم. روعة أم اسومة في إنتضارك معرفة المزيد على رجاء
          متابعين معاك للنإاية إنشاء الله
          (غير عفاك ماتعطليش علينا بزاف وطوليها ^__^)
          وعليكم السلام عزيزتي هانا معاكم وإنشاء الله مانتعطلش عليكم مواح عليك
          المشاركة الأصلية بواسطة مغربية24 مشاهدة المشاركة
          في انتظارك اختي تبارك الله عليك
          المشاركة الأصلية بواسطة تفائلي...جنتي مشاهدة المشاركة

          المشاركة الأصلية بواسطة جوجو الحلوة مشاهدة المشاركة
          كتجيبيها حتى لشي لقطة واعرة وتوقفي وتخليني الشياط طالع معايا حيث كنكون مكونسطرية مزيان. دابا اش ندير فمن نعض؟؟؟؟
          خخخخ لزوم السوسبينس ضروري هههههه
          المشاركة الأصلية بواسطة لاجئة الى الله مشاهدة المشاركة
          عرفتي أسومة توظفي شخصية الأم بإتقان لأن المرأة الي ما خداتش الحنان و منها راجل و امرأة و كتحاك مع الحياةكتولي شديدة و الحنان ديالها مكتقدرش تخرجو بالكلمة بل بالفعل فقط ، تبارك الله عليك ، فانتظار التتمة .
          الله يبارك فيك حبيبتي فعلا الأم غارقة في هموم ومشاغل الحياة في داخل البيت و خارجه وكاتنوب على الأب الحنان ديالها كايبدا يتبدد مع الوقت
          المشاركة الأصلية بواسطة ام صفواان مشاهدة المشاركة
          هه ياك بعدا ديما إديرو لينا التشويق وحنا نبقاو نطلو بحال قاطعين لينا الماكلة ههه
          عضي عضي أختى
          ههههههه قولي بحال لي كاياخد المخدرات وخاصو جرعة كل شوية

          تعليق

            • WhatsApp

            #45
            رد: قصة بالدارجة من تأليفي بعنوان:جسد بلا روح..

            المشاركة الأصلية بواسطة لاجئة الى الله مشاهدة المشاركة
            شفتو أسومة ثبتات أثرات عليها القصة عايشة الأحداث ، عنداك تذوبي فالشخصيات مع القصة تراجيديا سوداء غيجيك اكتئاب.
            ههههه عرفتي والله تا كانعيش مع القصة إذا كانت كوميدية تلقايني غير نفرنس ويلا العكس كاتجيبلي الإحباط

            تعليق

              • WhatsApp

              #46
              رد: قصة بالدارجة من تأليفي بعنوان:جسد بلا روح..

              المشاركة الأصلية بواسطة أم أسووومة22 مشاهدة المشاركة
              ههههه عرفتي والله تا كانعيش مع القصة إذا كانت كوميدية تلقايني غير نفرنس ويلا العكس كاتجيبلي الإحباط
              حسيت بيك حبيبتي
              التعديل الأخير تم بواسطة لاجئة الى الله; الساعة 29-11-2015, 20:11.

              تعليق

                • WhatsApp

                #47
                رد: قصة بالدارجة من تأليفي بعنوان:جسد بلا روح..

                إوا ياك بعدا عارفة
                اه تفكرت غدا مغاداش تكون عندي كونكسيون أف واقيلة نشارجي ههه حيت الويفي فالدار ههه
                وإدمان هدا
                sigpic

                تعليق

                  • WhatsApp

                  #48
                  رد: قصة بالدارجة من تأليفي بعنوان:جسد بلا روح..

                  راحنا عايشين مع رجاء بقات فيا
                  بصاح كل. قصة وحنا عايشين فيها وهدي هيا الدنيا.
                  sigpic

                  تعليق

                    • WhatsApp

                    #49
                    رد: قصة بالدارجة من تأليفي بعنوان:جسد بلا روح..

                    اسلوبك في الكتابة رائع ماشاء الله عليك




                    fatimah




                    اللهم ارحم والدي برحمتك الواسعة واسكنه فسيح جناتك يارب العالمين

                    تعليق

                      • WhatsApp

                      #50
                      رد: قصة بالدارجة من تأليفي بعنوان:جسد بلا روح..

                      ما شاء الله عندنا مواهب مدفونة كثيرة فالمنتدى الله اجازيكم بخير كتاخدو من وقتكم لتعطوا للاخرين من دون مقابل

                      تعليق

                      يعمل...
                      X