ArabicEnglishFrenchSpanish

إعـــــــلان

تقليص
لا يوجد إعلان حتى الآن.

قصة بالدارجة من تأليفي بعنوان:جسد بلا روح..

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #71
    رد: قصة بالدارجة من تأليفي بعنوان:جسد بلا روح..

    المشاركة الأصلية بواسطة أم أسووومة22 مشاهدة المشاركة
    -الفصل 9-
    أيام وشهور دازو وأنا من الدار للقرايا ومن القرايا للدار والمتنفس الوحيد لي كان عندي هو المدرسة مع كاع النكير ديال مي باش نخليها الحاج عبد الباقي كان ديما واقف ليها في الحلق..كانت تتقول قريتي ولا ماقريتيش غاتزوجي وتبركي في دار راجلك لاش هاد الضياعة ديال الفلوس وكان خدمتي تعاونيني أحسن..كلامها كان محبط ولكن مع ذلك كنت متمسكة بقرايتي ورفضت نخليها... كايقول المثل يعطي ربي الفول لي ماعندو ضراس أستغفر الله وكريم كاينطابق عليه هاد المثل مي دارت ما في جهدها باش تقريه ولكن هو خرج من المدرسة لأنه راسو ماكانش فيها... كبر.. وتفلس وبسبب الفشوش ديال مي ولا همو الوحيد الخرجات مع صحابو ولبس الماركات والبنات.. كانت تقريبا خدامة عليه ...من فترة خلات خدمة الميناج وبدات تخدم مع الطيابة ديال الأعراس ومن بعد مدة تعلمات وشرات الماتيريال ديالها ولات تخدم بوحدها..كانت تتدخل فلوس مزيانين ولكن كولشي كان يلهفو كريم أما أنا كنت قاريا على ظهر جيرانا.. ممكن تقولو علي كثيرة الشكوى وأنني زدت فيه ولكن كان هادا واقعي بلا زيادة أو نقصان..أحيانا كنت نكره كريم لدرجة كنت نتمنا توقع ليه شي حاجة باش حتى أنا نعيش ..مسمومة ولئيمة ..ممكن ولكن ظروفي وحياتي المزرية خلاني نفكر هاكدا...
    الحاجة الوحيدة لي كانت مصبراني على الوضع هي عائلة الحاج عبد الباقي ..ما بقيتش ندوز نهار كلو عندهم كيما سبق دكرتلكم ولكن هاد شي مايعنيش أنني لغيتهم من حياتي كيندير نلغيهم وهما لي كانو مسانديني في كل صغيرة وكبيرة
    بقاتلي 3 شهور ونسالي 18 سنة.. عندي الباكالوريا هاد العام أنا واسمهان العام الجاي حيت سقطت العام لي داز.. كنت ديما الأولى أو الثانية على قسمي ..الحاج كان ديما كايعاير اسمهان ومحسن بي أما اسماعيل فكان حتى هو ذكي بزاف وكايجيب أعلى المعدلات.. اسماعيل الشاب الهادئ لي مايعرفوش مايعطيهش سن 23... كانت تصرفاته وشخصيته أكبر من عمره.. كنا متشابهين أنا وياه وبزاف .. نفس الهدوء ونفس التفكير.. كنا نتفاهمو بزاف وكان هو لي كايعاونني في دروسي ...علاقتنا ماكانتش علاقة ضاسرة كيما ولاد الجيران لي مربيين مع بعضياتهم من الصغر.. ماكانش يهدر بزاف عكس محسن لي ماكانش يسكت ..بعض المرات كنت ندير السبة باسمهان نتسلف عليها شي حاجة باش نقدر نشوفو.. وأحيانا ناخد الدروس ونطلب منو يساعدني فيهم واخا ماكنتش محتاجة مساعدة..
    إعجابي بيه كان يكبر يوم على يوم ..هو تعاملو كان معايا جد عادي ديال أخ أو صديق .. ولكن أنا لي كنت فين ما نشوفو نزراق ونخضار ههه كان يكفيني نشوفو وماكنت منتظرة منو حتى حاجة مع أنه كان ديما البطل في أحلام اليقضة ديالي ولكن كنت ديما نفيق راسي من أحلامي لي كنت نقول عمرها غاتحقق..
    كيبان لي غادي يكون اسماعيل هو فارس احلامها ههههههه
    اللهم احفظ لي احبتي و عائلتي و لا تريني فيهم بأسا" يبكيني واشفهم و فرج عنهم و يسر لهم و اقض حوائجهم











    تعليق

      • WhatsApp

      #72
      رد: قصة بالدارجة من تأليفي بعنوان:جسد بلا روح..

      :83::83::83:
      :84::84::84:اللهم صل على سيدنا محمد عدد خلق الله ،وزينة عرشه، ومداد كلماته

      تعليق

        • WhatsApp

        #73
        رد: قصة بالدارجة من تأليفي بعنوان:جسد بلا روح..

        ::ريحة الحب والمحبة والاحبة والحبوب أح هادي زدتها من عندي هههههه بدات كتشم:83:

        تعليق

          • WhatsApp

          #74
          رد: قصة بالدارجة من تأليفي بعنوان:جسد بلا روح..

          المشاركة الأصلية بواسطة sousouyahya مشاهدة المشاركة
          تبترك الله عليك ام اسومة :82::82::82::82:
          المشاركة الأصلية بواسطة ام صفواان مشاهدة المشاركة
          لا حتى طيب أدجاج ههه
          باينة غادي نشارجي. عندي واحد الروشارج 10 دراهم غادي نمشي عند مول الحانوت نزيدو 10 خرا وندير 20 هنه
          حسابات هادي راني شلحة.
          المشاركة الأصلية بواسطة اميرة عبدالرحيم مشاهدة المشاركة
          براافو تم اسوومة كيف العادة الابداع والاتقان .عيشتينا الاحداث وقدرتي تخليني نتخيلها بصدق
          واااصلي
          المشاركة الأصلية بواسطة سلسبيل2014 مشاهدة المشاركة
          سناء حشومة عليك يا ختي أنا بديت معاك المشوار من أول قصة و طلعت معاك سلم النجاح درجة درجة غير وصلتي دخلتي و سديتي الباب و خليتيني نتسنا في الزنقة ههههه.علاش معلمتنيش ملي بديتي االقصة تبارك الله روعة و عظمة على عظمة يا ست هههههه.قصة من واقع المعاش المر.ماتقوليش ليا رجاء ماشي بنت ربيعة.الله ياربي غادة تبقا فيا الزغبية عليها غادة تهرب
          المشاركة الأصلية بواسطة شاكرة الوهاب مشاهدة المشاركة
          تبارك الله على الفنون
          وخا القصة محزنة و لكن هاد واقع معاش فعلا الله يسهل على بحال رجاء و امها
          المهم انا عاد لحقت عليكم من الصباح و انا نقرأ
          المشاركة الأصلية بواسطة حبيبة أولادي مشاهدة المشاركة
          يالله ازين اري لينا شي جزء خلينا نوضو لشغالنا راه تبلينا الله يعفو ههههههههههههه
          المشاركة الأصلية بواسطة amirato bayty مشاهدة المشاركة
          أشم قصة حب في الأفق هههه
          المشاركة الأصلية بواسطة حبيبة أولادي مشاهدة المشاركة
          كيبان لي غادي يكون اسماعيل هو فارس احلامها ههههههه
          المشاركة الأصلية بواسطة تفائلي...جنتي مشاهدة المشاركة
          :83::83::83:
          المشاركة الأصلية بواسطة جوجو الحلوة مشاهدة المشاركة
          ::ريحة الحب والمحبة والاحبة والحبوب أح هادي زدتها من عندي هههههه بدات كتشم:83:
          ربي يخليكم حبيباتي على المتابعة والتشجيع
          ضحكتوني كنتو تسناو غا الرومانسية ههههههههه

          تعليق

            • WhatsApp

            #75
            رد: قصة بالدارجة من تأليفي بعنوان:جسد بلا روح..

            السلام عليكم
            تبارك الله عليك أخت أم أسوومة قصصك رائعة نزلت عليهم كاملين عجبوني شكرا ليك ,,,
            قريت الأجزاء الأولى من القصة الحالية كايظهر غاتكون من أحسن القصص اللي كتبتيها و أحزنها على ما يبدو
            لا أدري هل ستحكي لنا جزءا على لسان أم بطلة قصتنا تشرح فيه سبب معاملتها لابنتها و الارهاصات النفسية التي تجعلها عدوانية معها ,,, لأنه طالما أثارني تصرف أمهات مع بناتهن و معاملتهن بقسوة و حرمان و كذلك التمييز بينها و بين أخيها ,,
            متابعة معك أختي في أمان الله ,,,






            تعليق

              • WhatsApp

              #76
              رد: قصة بالدارجة من تأليفي بعنوان:جسد بلا روح..

              تتمة الفصل التاسع :
              ممكن تقولو عليه حب من طرف واحد وأنا كان يكفيني نبغيه بلا مايعرف...
              يومين ماشفته..ماعرفتش فين كان غابر كنا عطلة يمكن مشا لشي بلاصة يفوج.. دابا شمن سبة غانمشي نشوفو بيها وحنا عطلة وماعندناش دروس... ومالها العطلة مع القرايا ماشي ضروري الإنسان يدوز عطلته بلا حفاظة بالعكس خاصو يستغلها في لي ينفعو..كان هادا حوار من الحوارات لي كانت ندير مع مخي باش نقنعو يخليني نمشي لدار اسماعيل ههه وفي الآخير قنعتو هزيت كتاب الفيزيك ومشيت دقيت وحلات لي اسمهان: أهلا رجوئتي لاباس عليك
              أنا: لاباس حمد لله ..وأنا كانقوليها لاباس وعيني داخلين للدا كايقلبو على اسماعيل
              اسمهان: هيي فين كاتشوفي وشنو هاد الكتاب لي جايبا في يدك
              أنا: آه؟ آآآه بغيت اسماعيل يشرحلي واحد الدرس مافهمتوش
              اسمهان:وايلي على درس في العطلة!
              أنا بارتباك:وأنا مالي في العطلة مالي بحالك ماتهزي الكتاب لا في عطلة ولا في غيرها
              اسمهان: قراي غانتي أنا آحبيبتي غانتزوج ونعيش أميرة مع حبيبي مصطفى ماكاين لاش نعدب راسي
              أنا: واش ييلا كنتي مخطوبة وغاديا تزوجي صافي ماعندك ماديري بالقرايا؟وليني مخك قد الحمصة
              اسمهان:سكتيني تانتي ماتزيديش علي باراكا غير ماما وبابا كل نهار يعايروني بيك وحتى اسماعيل زاد معاهم
              أنا فاش سمعت اسماعيل تلفت لي الشهادة
              أنا: آه ؟ اسماعيل؟ ش..ش نو كايقولك علي؟
              اسمهان:شغايقول علاش ماشبهتيش لالاك رجاء لي ديما داياها في قرايتها وعلاش وعلاش آجي ياختي خودي بلاصتي باش هوما يبقاو على خاطرهم
              أنا فاش قاتلي اسمهان هاد الهدرة سهيت و بديت نبتسم لا إراديا حتى قطعات علي داك الحلم الوردي القصير
              اسمهان: تي مالكي اليوم جيتيني في شكل
              أنا: مامالي والو
              اسمهان :واش نبقاو في الباب زيدي زيدي دخلي حتاجيتك
              أنا: لا لا مزروبة خاصني نمشي
              اسمهان: ياك يالله جيتي تقلبي على اسماعيل باش يشرحلك داك الهم ماكنتيش مزروبة..شي حاجة ماشي هي هاديك اليوم.
              أنا بتوتر دورتها ودفعتها:يالله زيدي يالطيف منك..
              اسمهان وهي تضحك: هههههه لا لا شي حاجة هادي وخاصني نعرفها أنا راه اسمهان وأجرك على الله
              أنا: زيدي الفهامات هوما لي فيك شي فايدة أخرى الله يجيب
              دخلنا للبيت وجلسنا نهدرو وأنا عين عند اسمهان وعقل مع اسماعيل لي مابانش..

              تعليق

                • WhatsApp

                #77
                رد: قصة بالدارجة من تأليفي بعنوان:جسد بلا روح..

                المشاركة الأصلية بواسطة ziout مشاهدة المشاركة
                السلام عليكم
                تبارك الله عليك أخت أم أسوومة قصصك رائعة نزلت عليهم كاملين عجبوني شكرا ليك ,,,
                قريت الأجزاء الأولى من القصة الحالية كايظهر غاتكون من أحسن القصص اللي كتبتيها و أحزنها على ما يبدو
                لا أدري هل ستحكي لنا جزءا على لسان أم بطلة قصتنا تشرح فيه سبب معاملتها لابنتها و الارهاصات النفسية التي تجعلها عدوانية معها ,,, لأنه طالما أثارني تصرف أمهات مع بناتهن و معاملتهن بقسوة و حرمان و كذلك التمييز بينها و بين أخيها ,,
                متابعة معك أختي في أمان الله ,,,
                وعليكم السلام عزيزتي شكرا بزاف على كلماتك التي أفرحت قلبي من بعد غادي نكتشفو سبب معاملة الأم لرجاء بقسوة لم يبقى الكثير ونعرفو
                فعلا كاينين أمهات قاسيات مع أولادهن غالبا كايكونا السبب ضغوط نفسية بسبب مشاكل أسرية أو مشاكل خارجية الله يهدي ماخلق وصافي

                تعليق

                  • WhatsApp

                  #78
                  رد: قصة بالدارجة من تأليفي بعنوان:جسد بلا روح..

                  جزاك الله خيرا اختي ام اسومة كل قصصك قريتهم انا كنت من ضمن المتابعين في صمت كلهم رائعيييييييييين جدا عجبوني ولكن هاد المرة قررت نجاوب ونقلك صدفة جبتي سميت وليداتy بجوج فروايا اسماعيل ومحسن عجبني الحال هههههههههههههه فإنتظار الجزء المقبل
                  • [*=center]اللهم احرص اولادي بعينك التي لا تنام

                    اللهم احفظهم ليلهم ونهارهم نومهم وقرارهم
                    اللهم نجهم من ظلمات البر والبحر ونجهم من كل كرب حصنتهم بالله الذي لااله الا هو واستدفعت عنهم الشر بلا حول ولا قوه إلا بالله

                  تعليق

                    • WhatsApp

                    #79
                    رد: قصة بالدارجة من تأليفي بعنوان:جسد بلا روح..

                    شكراااااااا بزاف على الاجزاء
                    حتى انا مبغاتش تفهم ليا علاااااااااااش مكتحملش ام رجاء بنتتها
                    لعجب شنو دنبها كاع هي فظروفهم
                    المهم في انتظار التتمة عنداك غير تصدمي رجاء فاسماعيل و تخليها معلقة قلبها فجهة و عقلها فجهة

                    تعليق

                      • WhatsApp

                      #80
                      رد: قصة بالدارجة من تأليفي بعنوان:جسد بلا روح..

                      تبارك الله عليك اختي عشت معك القصة كلها وبكتيني فعلا قصة رائعة قبل منكمل الله يعطيك الصحة بي توفيق
                      إن راقت لكن احدى مشاركاتي، فلا تحرمنِّي من دعوة بظهر الغيب

                      تعليق

                      يعمل...
                      X