ArabicEnglishFrenchSpanish

إعـــــــلان

تقليص
لا يوجد إعلان حتى الآن.

قصة بالدارجة من تأليفي بعنوان:جسد بلا روح..

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #81
    رد: قصة بالدارجة من تأليفي بعنوان:جسد بلا روح..

    وصلتي للحاجة اللي كتعجبني الرومانسية وداكشي هههه

    تعليق

      • WhatsApp

      #82
      رد: قصة بالدارجة من تأليفي بعنوان:جسد بلا روح..

      فينك سنوءة طلي علينا هههههه
      اللهم احفظ لي احبتي و عائلتي و لا تريني فيهم بأسا" يبكيني واشفهم و فرج عنهم و يسر لهم و اقض حوائجهم











      تعليق

        • WhatsApp

        #83
        رد: قصة بالدارجة من تأليفي بعنوان:جسد بلا روح..

        السلام عليكم
        كيف حالك أم أسومة هنا عاد دخلت جيت وطليت عليك
        إوا بانت ليا شي قصة حب تما بغيت غير تفرح رجاء شوية. أ أ أ
        sigpic

        تعليق

          • WhatsApp

          #84
          رد: قصة بالدارجة من تأليفي بعنوان:جسد بلا روح..

          -الفصل 10-
          اسماعيل لي كان البارح طفل كايعطيني حلوة باش نحبس البكا اليوم ولا راجل ولا يحرك مشاعر في عمري تخيلت راسي نحس بيهم..كان عندي احتكاك بالشباب في المدرسة ولكن في حدود القرايا كنت ديما داخلة سوق راسي وحتى هوما كانو يعرفوني حدودية ومايقربوش لي الوحيد لي كان واخد راحتو في التقشاب والهدرة معايا هو محسن حتى من شي بنات كايسولوني كيجيك أنا كنت ديما نقولهم خويا..
          عييت من تدوار العينين واسمهان تاتوريني في شي حوايج خداتهم وكا تعاود شي تعاويد وأنا النص كانسمعو والنص لا حتى مابقيتش قادرة نصبر وسولتها: اسماعيل فين مشا يومين مابان
          اسمهان شافت في واحد الشوفةوبتسمت ابتسامة معناها أنني فرشتك: وعلاش كاتسولي فيه هو بالظبط زعما ؟ تامحسن غابر مالكي ماسولتي فيه؟
          أنا بتوتر أكثر: لا غيرر.. دابا ...
          اسمهان وهي كاضحك: إييه هدري
          أنا عييت نشوف فيها هاكداك وأنا نجي واقفة : خاصني نمشي تكون مي تاتقلب علي
          ناضت اسمهان وهي تاضحك وبركاتني: آحياني عليك يالزغبية هادشي لي كان مرو ليك مخك هاد السيمانة طحتيييي في الشبكة
          أنا: آش تتخربقي واشمن شبكة حيدي خليني نوض
          اسمهان: هههههههه صافي صافي ماتعصبيش راه اسماعيل مشا هو ومحسن يدوزو يومين عند جدي في العروبية..بركي نمشي نجيب عصير وحلوة وراجعة
          أنا:داكشي فاش فالحة لسريط والمريط وشي مايشيط
          اسمهان: غاسكتي ولا نقول لاسماعيل بلي جيتي تقلبي عليه
          أنا خنزرت فيها وجيت نضربها ساعا هربات وهي تاضحك علي..آخيرا رتاح قلبي ملي عرفت اسماعيل فين مشا.. نضت باش نتبع اسمهان اللكوزينة وأنا ندوز حدا بيتو..كان مسدود ويدي كلاوني..آه كيما فكرتو شفت ورايا مالقيت حد وأنا نحل الباب غير بلاتي ... ماعرفت منين جاتني ديك الجرئة باش درت ديك الحركة يمكن قلبي رتاح حيت مسافر ماغايشدنيش خالتي لطيفة ماكايناش في الدار أما اسمهان كانعرفها ملي دخل الكوزينة تسكن فيها . زعما كنت ضاربة حسابي
          ..قلت نضرب غير طليلة بالزربة مافيها والو..طليت .. البيت كانت مرتبة وعامرة كتوبة ...مابقاتش الطليلة كافياني..
          دخلت نسيت راسي بديت ندوز يدي على الكتوبا ديالو.. جلست فوق ناموسيتو.. خديت راحتي وأنا كانتلمس المخدة ديالو...
          بانتلي قرعة ريحة فوق البيرو نضت حليتها ورشيت منها في يدي وبديت نشمها.. عارفة راسي غبية وغادي نتفضح ولكن لمن تقولوها ..لمجنونة اسماعيل لي كانت مغيبة في ديك اللحظة..
          وأنا هاكداك فيقني صوت اسمهان من مورايا : حصلكتك يالعفريتة آش تاديري هنا!!!
          غوات ديك الكركوبة خلعني وماحسيت براسي غير طلقت لديك الريحة وجات مفرشخة في الأرض..الما جمد لي في الركابي ماعرفت ماندير
          اسمهان وهي كاتضحك:ويلي ويلي المسخوطة هاد الريحة عزيزة على اسماعيل وخداها غالية
          فاش سمعت هاد الهدرة تزاد علي الحال ولقيت راسي كانتزنك ونطيح في الدموع
          اسمهان: هههههههههههه ويلي على البكايا ههههههه تي مالكي مسطية!!
          أنا كانشهق:والله مادرتها بالعاني والله غير بغيت..
          اسمهان وهي كادمع من الضحك :هههههههه الله ياربي على هاد المصيبة كيف دايرة راه غير ريحة أبنادمة
          دابا نقولو أنا لي هرستها كاع ماتخافيش
          اهدناتني شوية بديك الهدرة وجمعات داك الزج وهي راشقاليها وأنا كانحبس في دموعي بزز..جاب الله ماكاينش وماغايجيش حتى نكون مشيت لدارنا..أو هاكا كان يحسابلي..
          رجعنا لبيت اسمهان وريحة اسماعيل قالبة الدنيا جلسنا كاناكلو وأنا ماعرفت كاع شنو كنت ناكل ولا فين كانت تمشي ديك الماكلة.. شوية تحل الباب واقيلا خالتي لطيفة رجعات .. وأنا نسمع هدرة محسن في الباب مع اسماعيل... فرحت لي رجعو باش نشوفو قبل مانمشي وأنا نتفكر ديك الريحة..فضيحة. ..

          تعليق

            • WhatsApp

            #85
            رد: قصة بالدارجة من تأليفي بعنوان:جسد بلا روح..

            المشاركة الأصلية بواسطة لؤلؤة حيرانة مشاهدة المشاركة
            جزاك الله خيرا اختي ام اسومة كل قصصك قريتهم انا كنت من ضمن المتابعين في صمت كلهم رائعيييييييييين جدا عجبوني ولكن هاد المرة قررت نجاوب ونقلك صدفة جبتي سميت وليداتy بجوج فروايا اسماعيل ومحسن عجبني الحال هههههههههههههه فإنتظار الجزء المقبل
            ههههههههه سمية محسن واسماعيل عزيزة عنداك غاتكوني تانتي لطيفة هههههه ربي يخليك على الكلام الرائع حبيبة
            المشاركة الأصلية بواسطة شاكرة الوهاب مشاهدة المشاركة
            شكراااااااا بزاف على الاجزاء
            حتى انا مبغاتش تفهم ليا علاااااااااااش مكتحملش ام رجاء بنتتها
            لعجب شنو دنبها كاع هي فظروفهم
            المهم في انتظار التتمة عنداك غير تصدمي رجاء فاسماعيل و تخليها معلقة قلبها فجهة و عقلها فجهة
            العفو عزيزتي دابا تعرفي علاش وإذا عرف السبب بطل العجب هههههه
            المشاركة الأصلية بواسطة محبة الله... مشاهدة المشاركة
            تبارك الله عليك اختي عشت معك القصة كلها وبكتيني فعلا قصة رائعة قبل منكمل الله يعطيك الصحة بي توفيق
            الله يبارك فيك حبيبة وسمحيلي على الدموع
            المشاركة الأصلية بواسطة مستغفرة لربها مشاهدة المشاركة
            وصلتي للحاجة اللي كتعجبني الرومانسية وداكشي هههه
            ياودي كاع كانحماقو عليها غاسكتي
            المشاركة الأصلية بواسطة حبيبة أولادي مشاهدة المشاركة
            فينك سنوءة طلي علينا هههههه
            هاني جيت جونيمار ههههههه
            المشاركة الأصلية بواسطة ام صفواان مشاهدة المشاركة
            السلام عليكم
            كيف حالك أم أسومة هنا عاد دخلت جيت وطليت عليك
            إوا بانت ليا شي قصة حب تما بغيت غير تفرح رجاء شوية. أ أ أ
            وعليكم السلام الزيونات تي كوني تصبري ياخوفي غير نصدمكم تصدقو كارهيني هههههههه

            تعليق

              • WhatsApp

              #86
              رد: قصة بالدارجة من تأليفي بعنوان:جسد بلا روح..

              السماعات الي موجودين أسومتي.

              تعليق

                • WhatsApp

                #87
                رد: قصة بالدارجة من تأليفي بعنوان:جسد بلا روح..

                الذين يشاهدون الموضوع الآن: 6 (5 من الأعضاء و 1 زائر)



                Read more: http://www.anaqamaghribia.com/vb/sho...#ixzz3t0TWuP6Y
                راضية طولتي الغيبة توحشناك
                هناك من يجرحك بأخلاقه وهناك من يحرجك بأخلاقه الفرق النقطة والمعنى كبير

                تعليق

                  • WhatsApp

                  #88
                  رد: قصة بالدارجة من تأليفي بعنوان:جسد بلا روح..

                  السلام عليكم حبيباتي
                  اتوحشتكممممممممممممم بزاف بزاف
                  وتوحشت قصص ام اسومة ربي يحفضها
                  هههههههههه البارح بايتة نقرا في قصة الهام
                  واليوم راني نقرا في هذي القصة عجبتني بزافففففففففففف بزاف
                  ونشكر بزاف اختي /حبيبة اولادي /الي لاحضة غيابي الله لا يغيبلك احبيب





                  تعليق

                    • WhatsApp

                    #89
                    رد: قصة بالدارجة من تأليفي بعنوان:جسد بلا روح..

                    إوا هي بلا مانسبقو الاحداث صافي يا أختى نعيشو ونتسناو البقية مع القصة
                    ونتسناو فيك على أحر من الجمر
                    ولكن علاش تاتجيو حتى اللقطة الواعرة وتوقفو علاش علاش^_~_^
                    sigpic

                    تعليق

                      • WhatsApp

                      #90
                      رد: قصة بالدارجة من تأليفي بعنوان:جسد بلا روح..

                      :82::82::82:







                      .[/url]

                      تعليق

                      يعمل...
                      X