ArabicEnglishFrenchSpanish

إعـــــــلان

تقليص
لا يوجد إعلان حتى الآن.

قناع وكوماج يخلي بشرتك مشرقة ورائعة وبدون تجاعيد

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    قناع وكوماج يخلي بشرتك مشرقة ورائعة وبدون تجاعيد





    الجزر وفوائده الغنية عن التعريف






    اولا تنعرفوا ان الجزر او خيزو او الجعدة، يحتوي على نسبة عالية من الفيتامينات والاملاح المعدنية ويعتبر غني بالبيتا كاروتين ومضادات للاكسدة علاوة على انه جد مفيد لوقاية العين ويصلح النظر يعتبر محارب للسرطان يحارب كذلك الكوليستيرول تيحمي الكبد من السموم
    تينقي الدم وفوق من هاذ الشي يحسن نضارة الجلد ويحارب الشيخوخة ويعمل كواقي من
    الاشعة الفوق بنفسجية وخاصة الى تشرب كعصير بلاما نطول عليكم نخليكم مع وصفة اليوم
    ان شاء الله تعطيكم نتيجة جد رائعة وخاصة لكل من اهملت العناية بالبشرة وحنا على ابواب

    فصل الشتاء والبرد خاص يكون الاستعداد باش ما تصابش البشرة بالجفاف وبالحساسية
    او غيرها من المشاكل





    ولهذا حبيباتي جبت لكم اليوم وصفة استعملتها شخصيا والنتيجة كانت جد رائعة بشرة صافية
    وفيها نضارة واشراقة ورطبة وناعمة، هاذ الوصفة فيها كوماج وقناع يعني جوج في واحد
    نخليكم معها بالتفصيل ان شاء الله


    الوصفة لجميع انواع البشرة





    نبدا بالمقشر اولا ملي تنحكوا خيزوة تنعصروها بادينا ونحتفظ بلي حكينا بما انه تيكون ناشف نضيف عليه معلقة كبيرة سنيدة وقطيرات من الليمون او الحامض

    ملاحظة:
    الى بشرتك دهنية يمكن لك تستعملي الحامض والى بشرتك جافة وحساسة يمكن لك تستعملي الليمون

    تعملي الكوماج ديالك هو الاول بحركات دائرية لمدة 5 دقائق ثم تغسلي وجهك بماء دافئ وتعاوديه بماء بارد




    من بعد تخلطي صفار بيضة مع عصارة خيزو وتعمليهم على البشرة وما تكلمي ما تعبري بقسمات وجهك وتخليه مدة 20 دقيقة ثم تغسلي بماء دافئ ومن بعد بماء بارد وطبعا النتيجة جد جد رائعة بشرة صافية ومشرقة وفيها حياة وشباب بالصحة والراحة

    نخليكم تكتشفوها بانفسكم ان شاء الله




    التعديل الأخير تم بواسطة ذاكرة; الساعة 17-02-2020, 21:44.






    • WhatsApp

    #2
    رد: قناع وكوماج يخلي بشرتك مشرقة ورائعة وبدون تجاعيد

    يالاه انيقاتي البرد دخل لازم العناية بالبشرة باش ترجعي لها النضارة والشباب الوصفة جد رائعة يالاه تطبيقات وحيدوا العكز والنعاس






    تعليق

      • WhatsApp

      #3
      رد: قناع وكوماج يخلي بشرتك مشرقة ورائعة وبدون تجاعيد

      مشكورة حبيبتي ذاكرة على الوصفة ان شاء الله نديرها و نكتشف النتيجة بنفسي
      ​​​​



      ​​​

      تعليق

        • WhatsApp

        #4
        رد: قناع وكوماج يخلي بشرتك مشرقة ورائعة وبدون تجاعيد

        بالصحة والراحة حبيبتي تفراوت اكيد غادي تكتشفيها وما تنسايش تجي تعطينا النتيجة ان شاء الله بالتوفيق






        تعليق

          • WhatsApp

          #5
          رد: قناع وكوماج يخلي بشرتك مشرقة ورائعة وبدون تجاعيد

          شكرا اختي ان شاء الله نجربها


          تعليق

            • WhatsApp

            #6
            رد: قناع وكوماج يخلي بشرتك مشرقة ورائعة وبدون تجاعيد

            بارك الله فيك اختي ذاكرة الجزر موجود و جميع المكونات و لكن مع 3 دراري كيف ندير ما نتكلم ما نعبر ههههه
            ان شاء الله غادي نجرب الوصفة مشكورة حبيبتي







            فهرس مواضيعي

            http://www.anaqamaghribia.com/vb/sho...d.php?t=454537

            تعليق

              • WhatsApp

              #7
              رد: قناع وكوماج يخلي بشرتك مشرقة ورائعة وبدون تجاعيد

              المشاركة الأصلية بواسطة عاشقة القراءة مشاهدة المشاركة
              شكرا اختي ان شاء الله نجربها

              العفو حبيبتي وبالصحة والراحة

              المشاركة الأصلية بواسطة امراة مسلمة مشاهدة المشاركة
              بارك الله فيك اختي ذاكرة الجزر موجود و جميع المكونات و لكن مع 3 دراري كيف ندير ما نتكلم ما نعبر ههههه
              ان شاء الله غادي نجرب الوصفة مشكورة حبيبتي
              ههههههه خليهم حتى ينعسوا وتهلاي في راسك هما راه على اي حال غادي يكبروا وانتي ما يحك لحمك غير ظفرك الله يسر امورك ويسهل لك في تربيتهم ويكون ربي لك عوين معاهم وان شاء الله ذرية صالحة تقر عينك بهم يارب






              تعليق

                • WhatsApp

                #8
                رد: قناع وكوماج يخلي بشرتك مشرقة ورائعة وبدون تجاعيد

                المشاركة الأصلية بواسطة ذاكرة مشاهدة المشاركة
                يالاه انيقاتي البرد دخل لازم العناية بالبشرة باش ترجعي لها النضارة والشباب الوصفة جد رائعة يالاه تطبيقات وحيدوا العكز والنعاس
                علم حبيبتي مريم وسينفذ بإذن الرحمن الرحيم ،،،الله ينورك أختي في الدنيا والاخرة،،،،








                تعليق

                  • WhatsApp

                  #9
                  رد: قناع وكوماج يخلي بشرتك مشرقة ورائعة وبدون تجاعيد

                  مشكورة اختي الله يجازيك بخير


                  Orlando , Florida

                  تعليق

                    • WhatsApp

                    #10
                    رد: قناع وكوماج يخلي بشرتك مشرقة ورائعة وبدون تجاعيد

                    بيض الله وجهك حبيبتي جات فوقتها مع هذا البرد أي بشرة محتاجة للعناية




                    تعليق

                    يعمل...
                    X