إعـــــــلان

تقليص
لا يوجد إعلان حتى الآن.

للنقاش: لكل الامهات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • للنقاش: لكل الامهات

    السلام البنات كلكم شفتو الاخبار هاد الايام وقضية الطفل عمران مسكين الله يكون بيه و معاه وغيرو كتار انا تعقدت وليت شاكة فجنابي اي أُم تنضن غادي تكون بحالي زمان الدري تيكبر غي بين الجيران جارة تبدل توكل يقدر يبات كدلك العائلة كنا العطل ندوزهم مع الخالات او العمامات و الاعمام كنتي يبان ليك غي ولد دربكم تحس بالامان دبا اش وقع فالدنيا ولينا نسمعو إغيصابات لالاطفال كل نهار منكدبش عليكم ملي نسمع إغتصاب إمرأة تيتقبلها العقل وخا تا حاجة متتبررها لكن طفل صغير شنو هادشي وطفل دكر كتر من الإناث تنقول واحد الحاجة لي سخن عليه راسو ومتيخافش الله ياك كاينين بيوت الدعارة وعطا الله غي دوك الماركات استغفر الله انا ماشي مع الفساد لكن عقلي تبلوكا وليت نحلم بهادشي تنتخيل وليداتي قاسهم شي حد ولو لمسة نقتلو علاش بحال هادو يعطيوهم 5 سنين ملي السجون متتربيش على الاقل يتحبسو لداخل تا يتهدو منكدبش عليكم دخلني الوسواس بنتي تتكون جالسة مع باها تيبدا الشيطن يوسوس لي ومن جيهة كلشي مرضت و الله و المكيل وسائل الاعلام قالو ليك هادشي حيت مكايناش التربية الجنسية انا تنشوف انو ولا من نهار ولا هاد المصطلح تيقول مخصش كلمة حشومة وعيب هاد 2 كلمات باش كبرو جدادنا ووالدينا وكبرنا ومكانش هادشي سمحو لي لكني ملقيت لمن نشكي من غيركم للعلم انا ساكنة فاسبانيا وكاين الآمن لكن انا مقررة كيف يوصلو وليداتي سن التمدرس نستقر فالمغرب لاني الا دخلتهم هنا غانكون نحكم على راسي بالغربة للابد لكن هاد القضية ولات تخلعني بزاف نتمنى كل وحدة تشاركنا وتفيدنا كيفاش تترد البال لوليداتها وكيفاش نوعيو وليداتنا لهاد الامور
    sigpic

  • #2
    رد: للنقاش: لكل الامهات

    سلام لاحولا ولاقوة الا بالله والله اختي هدشي ولايخلاع

    تعليق


    • #3
      فعلا اختي هادشي ولا كيخلع، ربي يحفظ وليداتنا من كل شر، لاحول ولا قوة إلا بالله.

      تعليق


      • #4
        رد: للنقاش: لكل الامهات

        السلام عليكم و رحمة الله و بركاته
        لا حول و لا قوة ألا بالله العلي العظيم
        الله يدير لينا شي تاويل ديال الخير و يحفظ وليداتنا و وليدات المسلمين من كل سوء و شر و يصلحهم اللهم آمييين
        و الله ما عرفت مانكتب اقشعر بدني للحادتة

        غير نواظبو على الدعاااااء لأولادنا و نلح في الدعاء و ندعيو و حنا موقينين الاجابة و ما يكون غير أن شاء الله


        قال تعالى : ** مَن يَعْمَلْ سُوء اً يُجْزَ بِهِ ** النساء123

        تعليق


        • #5
          رد: للنقاش: لكل الامهات

          لا حول ولا قوة الا بالله العلي العظيم بسيف ليجيك الوسواس اختي راه ماسهلش هادشي ليولينا نسمعوة شبه يومي الله يرحمنا ويلطف بنا ويحفظ وليداتنا

          تفاءل فان التفاؤل طريق النجاح

          اللهم اني اسالك بكل اسماءك الحسنى ان تحفظلي ابنتي نور عيوني

          تعليق


          • #6
            رد: للنقاش: لكل الامهات

            السلام عليكم
            عندك الحق اختي الواحد ولى يشك في راسو ياربي تسترنا وصافي من جانبي دائما كنصح بناتي مايديروش الثقة في الاغراب وماياخدوش اي حاجة يعطيوها ليهم انا عندي 2 بنيتات الكبيرة عندها 12 عام والصغيرة عندها 6 سنوات كيقراو في نفس المدرسة وكيمشيو مع بعضياتهم واخا المدرسة قريبة بزاف ولكن الا تعطلو غا شوية روحي كتبغي تخرج ولكن في بعض الاحيان كنمشي لمدرسة ونوقف بعيد ونراقبهم باش نشوف ياك ماكيوقفو مع البنات في الشارع او كيلعبو في الطريق المهم ياربي تحفظهم وتحفظ وليدات المسلمين
            خاص المراقبة والصرامة دائما

            تعليق


            • #7
              رد: للنقاش: لكل الامهات

              وعليكم السلام ورحمة الله

              أختي الكريمة سمحي لي بمناقشة الموضوع معك ايضا
              مسالة التحرش الجنسي او اغتصاب الأطفال القاصرين مسالة ماشي جديدة علينا ولينا نسمعوها بكثرة حتى تقريبا الاذان ديالنا تعودو على هذ الكلمة
              والعيب ماشي في كلمة الثقافة الجنسية لي خاصنا نعلموها لاطفالنا و لكن انعدام الوازع الديني و التربية دينية في الاسرة ديالنا هو لي خلانا نوصلو لهذ الشي لي حنا فيه
              في ايام جدودنا وواليدينا كانت الحشمة و العيب كتلعب دور كبير وغير في الدار الا شفتي جدك اولا عمك داخل كتحشم وتخبى اولا البنت كترمي على راسها الدرة على اساس انه عيب يشوف شعرها عريان لانها كتحس براسها عريانة قدامه
              هذ الشي مابقاش دابا
              ولات البنت تعرى قدام باباها ,و تلبس القصير قدام خوها و ملي هذ العري تيكون في قلب الدار تيولي عادي تخرج بيه للزنقة الامر لي تيأدي لاشتعال الرغبة عند بعض مرضى النفوس وماتيشوف غير طفل صغير قدامه او طفلة صغيرة ذات 3 سنوات او 5 سنوات
              و هذ المشكل صبح في كل البلدان سواء الدول العربية او الاجنبية ماكاين فرق فغير مؤخرا بقال اغتصب طفل صغير في محل البقالة دياله ومرة اخرى خضار دخل عنده بنت صغيرة و نزل المحل حتى طوقاته الشرطة ملي وصلهم تبليغ بالامر
              المشكل المطروح هو فين هو الوعي الديني فين مشات التربية الحسنة لي رباونا بيها واليدينا باش حنا نربيو بيها ولادنا ؟؟؟
              لو كنا شادين الدين ومتبعين سنة الحبيب المصطفى ماكنا وصلنا لهذ الشي كامل ,لانه حتى لو جاو الغربيين او بعض المتحررين المزيفين ويتكلمو لينا على الحرية الشخصية و العري الذي يوافق التحضر وبان لي مغلفة بلباس اسود جاهلة ماكانو غاديين يلقاو اذان صاغية ليهم لانهم غادين يعرفو بان الدين على حق وبلي ما جاؤو به فهو باطل وحتى واحد ماغادي يشد الطريق معاهم
              العري و الفساد و الاغتصاب و القتل وكل ماتنعيشو في وقتنا الحاضر كله من قلة الوعي الديني ديالنا , فانت ربي ولادك تربية حسنة و عرفيهم اشنو هوالدين و انا و الاخرى كذلك والاخرى كذلك و غادية تشوفي الدنيا كيف غادية تصلح وكيف غاديين نعيشو بسلام اما هكذا فتنبقاو حنا ووليداتنا في خطر من لي قريب ومن بعيد علينا ومايتبقى لينا غير نطلبو الله يحفظنا من الآفات ومن شر الخلق ووسوسة الشيطان الرجيم

              تعليق


              • #8
                رد: للنقاش: لكل الامهات

                الصراحة الوقت ولات كتخلع وحتى الدولة مسؤولة حيت لا يعقل واحد اغتصب طفل بريء يسجن سنتين ولا أقل لا يقبله العقل خاص عقوبات صارمة جدا جدا


                تعليق


                • #9
                  رد: للنقاش: لكل الامهات

                  السلام عليكم ورحمة الله وبركاته

                  الله يا ربي الحبيب ضرني قلبي عاد شفت ثاني واحد عندو 20 عام إغتصب بنية عندها 10 أشهر
                  يا ربي هاد البنية كيفاش غادية تكبر وآش من حياة عندها، حياة مغتصبة من أولها
                  تجمع :) أتحداك أن تفكري في النوم بعد صلاة الصبح :)
                  https://www.anaqamaghribia.com/vb/node/17876456

                  تعليق


                  • #10
                    رد: للنقاش: لكل الامهات

                    هدا نتيجة حرية المرأة والعري في اي مكان لي جعل من الرجال مكبوتين مايقدوا غير على الدراري الصغار
                    وقلة الدين والتربية
                    و الافلام الاباحية التي اصبحت في متناول الجميع
                    والحرية الشخصية في الدين وفي الجنس
                    وتنتشار المخدرات
                    وقلة الحياء لي ولات عندنا في البيوت كلشي عريان الام والبنات والاولاد والزوج والاعمام والاخوال والمراة قدام لوسها ولد عم راجلها...........................
                    sigpic





                    تعليق

                    يعمل...
                    X