ArabicEnglishFrenchSpanish

إعـــــــلان

تقليص
لا يوجد إعلان حتى الآن.

التصويت على أحسن طبق باسطا بصلصة الطماطم

تقليص
هذا الموضوع مغلق.
X
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أم البنين3
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    الباسطة بصلصة الطماطم وقطع اللحم



    تحية طيبة لكل الأنيقات عاشقات الباسطة بكل انواعها
    هذي مشاركتي الرابعة في مسابقة أطباق المعكرونة بصلصة الطماطم نخليكم مع المقادير والطريقة قبلو علي

    الباسطة بصلصة الطماطم وقطع اللحم




    المقادير: 500g أنا درت ريكاطوني _200غ قطع لحم _عرش كرافس مقطع رقيق _2جزرات مقطعين رقاق_بصلة مشلظة_250غ صلصة الطماطم _زيت الزيتون _ملح إبزار .




    الطريقة:في مقلة ندير زيت الزيتون والكرافس وخيزو والبصلة نخليهم يتشحرو حتى يهبطو ونظيف قطع اللحم ونشحرو على نار مجهدة شوية ونظيف الصلصة وملح وإبزار وننقص النار ونخلي الكل 15دقيقة تقريبا في هاد الوقت نكون سلقت الباسطة في ماء مغلي مع رشة ملح غليظ وشوية زيت عادي
    نصفي الباسطة ونخلط معاها الصلصة ونقدمها مزينة بالجبن محكوك وبالصحة والراحة















    وها الطبق ديالنا وجد بالصحة والراحة








    في أمان الله غالياتي

    اترك تعليق:


  • أم البنين3
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    سباكيتي بجبن الريكوتا والبيسطو



    تحية طيبة لكل الأنيقات عاشقات الباسطة بكل انواعها
    هذي مشاركتي الثالثة في مسابقة أطباق المعكرونة بصلصة الطماطم نخليكم مع المقادير والطريقة قبلو علي


    سباكيتي بجبن الريكوتا والبيسطو




    المقادير: 500g سباكتي أو نوع آخر أنا درت البافيتي _صلصة الطماطم 250g_ ضرس ثوم_ 150gجبن ريكوتا _ 100gبيسطو _ زيت زيتون _ملح _إبزار.




    الطريقة:في مقلة ندير زيت الزيتون وضرس ثوم نخليه يتقلى صحيح ونزولو نظيف صلصة الطماطم وشوية ملح وإبزار ونخليها تطيب شي 10دقائق على نار متوسطة في إناء نخلط الريكوتا والبيسطو ونظيف ليهم شوية إبزار وملح في هاد الوقت نكون سلقت البافيتي في ماء مغلي مع رشة ملح غليظ وشوية زيت عادي نصفي البافيتي ونخلط معاها خليط الريكوتا والبيسطو وشوية زيت الزيتون في إناء التقديم نسرح نصف صلصة الطماطم ونحط البافيتي ونزين بماتبقى من صلصة الطماطم والبسطو ونقدمها مزينة بخيط زيت زيتون والجبن محكوك وبالصحة والراحة










    وها الطبق ديالنا وجد بالصحة والراحة









    في أمان الله غالياتي

    اترك تعليق:


  • خادمة الفرقان
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )




    الباسطا بالخضر والكروفيت
    هاد الوصفة ساهلة واقتصادية ولكن بنيييينة بزاف ، ممكن تعوضي الكروفيت بالطون بلا زيت ، ان شاء الله تجربوها وتعتامدوها مع وصافاتكم .
    المقادير


    غادي نحتاجو جوج خيزوات كرعة وحدة جوج فصوص الثوم .شوية الكرافس ، زيت العود ملح ابزار. صلصة الطماطم و النوع لي بغيتو تاع الباسطا انا هنا ختاريت الروسولات

    ناخدو مقيلة نديرو فيها الزيت والثوم قطعتو طويل نخليها تشحر طلق النكهة ديالها ونزولها

    من بعد نقطع الخيزو والكرعة مربعات صغار ونضيفهم نخليهم يتشحرو شوية

    وعاد نزيد صوص مطيشة والكرافس مكرد ملح بزار نخلي كولشي يزيد يتشحر

    وننضيف الكروفيت او الطون فالاخير ونخليه حتى يطيب عاد نزيد الباسطا لي سلقتوصفيت من قبل

    هاهو الطبق وجد بالصحة والراحة لديييد بمعنى الكلمة

    اترك تعليق:


  • الانيقة والرشيقة
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    السلام عليكم غالياتي
    اليوم جربت واحد الوصفة وقلت نصورها ليكم نتمنا تعجبكم كبوري عجباتو هههه
    نيوكي بالسبانخ والصلصة و القشدة
    المقادير
    700gبطاطا مسلوقة
    400gسبانخ طايبين مع مليحة حتا ينشفو من الما و نطحنوهم
    200gالطحين
    الملح
    الصلصة
    لاصوص ماطيشة
    القشدة الطرية بمداق السلمون المدخن
    اعشاب خاصة بالباط اختياري ممكن تعويضها بالهريسة
    زيتون اسود واخضر
    ضامة البنة ديال البصلة
    زيت البلديا
    البيسطو
    الطريقة
    كنطحنو البطاطا او نحكوها و نخلطوها مع الطحين و السبانخ غادي يكون كيلصق شوية عادي غادي تبقاو تحربلوها و ديما ترشوها بالطحين و تشكلوها اما بالطابع لي عندي فالصورة او فرشيطة او تخليوها كيف قطعتوها ملي نساليو ندوزو للصلصة
    كنحط كل المقادير و نخليها تشرب و عاد ندير الما مع الملح و شوية الزيت و نخليه حتا يغلي عاد نرمي فيه النيوكي بشوية بشوية ماشي كولشي دقة وحدة و متحركوهاش هي غادي تطلع الفوق راسها تخليها تغلي شي 2 دقايق ملي تطلع الفوق
    و نصفيوها و نخلطوها بالمهل مع لاصوص ونقدمها مع الفرماج محكوك و اختياري
    نتمنا تعجبكم

    ملاحظة
    الاعشاب كنشريهم و كنديرهم فالزيت البلديا و كنخليهم يطلقو وكنسب بيهم الباط يمكن ديري اليزير و الزعتر و التومة و هادي تقدري تنسمي بيها اي حاجة كضيف اللدة للاكل

    اترك تعليق:


  • أم البنين3
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    فوزيلي بالكروفيت والقرع الأخضر




    تحية طيبة لكل الأنيقات عاشقات الباسطة بكل انواعها
    هذي مشاركتي الثانية في مسابقة أطباق المعكرونة بصلصة الطماطم نخليكم مع المقادير والطريقة قبلو علي

    فوزيلي بالكروفيت والقرع الأخضر طبق سهل التحظير لكن لذييييد






    المقادير: 400غ باسطة فوزيلي-150 غ كرفيت-250غ قرع اخضر -بصلة -شوية زعفران حر -150غ صلصة طماطم -زيت زيتون -ملح -ابزار





    الطريقة:في مقلة ندير زيت الزيتون والبصلة مشلظة ملي تهبط نظيف القرع نخليها شي خمس دقائق نزيد الجمبري ونخليه يتشحر تقريبا خمس دقائق اخرى نظيف زعفران حر مطلوق في شوية ماء وصلصة الطماطم وشوية ملح وإبزار ونخلي الكل يطيب على نار متوسطة شي 10دقائق تقريبا في هاد الوقت نكون سلقت الفوزيلي في ماء مغلي مع رشة ملح غليظ وشوية زيت عادي نصفي الفوزيلي ونخلط معاها الصلصة ونزين بالجبن محكوك









    وها الطبق ديالنا وجد بالصحة والراحة








    في أمان الله غالياتي


    اترك تعليق:


  • نسمة عرائشية
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )



    تبارك الله على شهيوات الاخوات الحادكات
    طبق ينسيك فطبق

    الله يعطيكم الصحة و يقوي الرزق

    باط بمطيشة معسلة



    طبق من ابتكاري ولكن كيجي بنييين ههه
    شكون يشهد للعروسة



    حاجتنا لماطيشة خيزو وقرعة حمرا
    القرفة عواد
    ملح
    نقسم مطيشة على اربعة ونحك خيزووالقرعة وفوق نارمهيلة
    ملي تطيب نطحنوها مزيان
    ونضيف عليها صوص طوماط
    قليل من زيت العود
    قبيصة ابزار وشكين جبير وقرفة
    وجوج معالق عسل
    نرجعها فوق نارمتوسطة مع التحريك بملعقة خشبية حتى تعقاد مزيان


    بالنسبة ليباط اي نوع
    ماءغليان نحط فيه للتنسيم
    بصيلة صغيرة صحيحة
    ملح ابزارعود قرفة ورق سيدنا موسى وزبدة



    بالنسبة للتقديم








    اترك تعليق:


  • الانيقة والرشيقة
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    السلام عليكم و رحمة الله تعالى و بركاته اليوم انقدم ليكم وصفة اخرى بلاصوص نتمنا من الله تعجبكم


    باط بالكفتة و القشدة

    المقادير
    نحتج كمية من كفتة البكري ولاصوص ماطيشةو ضامة البنة و ضامة البصلة و شوية من الكرافس و خيزوة صغيرة و القشدة و الزيت البلديا و شوية الزعتر و الخرقوم البلدي و باط و شوية من البيسطو و الفرماج محكوك
    الطريقة
    انا مكنشحرش الكفتة كنديرها مباشرة مع لاصوص ماطيشة و ندير كل المقاديرو خيزو و الكرافس كنحكهم فالحكاكة لي اتخرجهم رقاق و ما عدا القشدة حتى يطيب كولشي عاد كنزيدها و نخليها طيب واحد 10 دقايق و نطفي عليها و نوجد لاباط ديالي انا ديما كندير هاد البنوع ديال الصدفة حيت كيدخل فيها لداخل لاصوص و الكفتة و ندير شوية من البيسطو ونخلط و عاد نزيد لاصوص و نخلط و فالتقديم كنرشو بالفرماج محكوك وبالصحة و الراحة

    اترك تعليق:


  • الانيقة والرشيقة
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    السلام عليكم حبيباتي نتمنا يعجبكم طبقي
    نيوكي بالصلصة و الاعشاب و الكريمة و البيسطو
    المقادير
    500g بطاطا مسلوقة و مقشرة و ممعوكة
    150g طحين
    نص بيضة
    ملح
    الصلصة
    نحتاجو للقشدة الطرية بالسلمون مدخن
    لاصوص مطيشة
    اعشاب خاصة بالباط كنشريها واجدة ممكن الاستغناء عليها او تعويضها بالهريسة
    صلصة البيسطوو شوية الزيت البلديا
    فرماج محكوك
    الطريقة
    كنسلقو البطاطا و نمعكوها او نطحنوها و نزيدو عليها الطحين و الملح و نص بيضة اوربع على حساب الطحين و نقطعوها و نحربلوها و نقطعوها طراف صغار و نشكلوها فالطابع الخاص الى مكانش نستعملو الفرشيطة او نخليوها هكاك و نخليوها ترتاح من بعد نوجدو الصلصة مدرتش الملح حيت القشدة مالحة و نديرو الما يغلي مع الملحة و نرميو النيوكي و نخليوها طيب شي ثلاتة الدقايق و نصفيوها و نزيدوها على الصلصة و نخلطها و نقدمها مع الفرماج محكوك و الزعتر محكوك

    اترك تعليق:


  • أم البنين3
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    سباغيتي ببوزروك



    تحية طيبة لكل الأنيقات عاشقات الباسطة
    هذي مشاركتي المتواضعة لأطباق المعكرونة بصلصة الطماطم نخليكم مع المقادير والطريقة قبلو علي






    المقادير:نصف كيلو سباكيتي _ كيلو بلح البحر _ زلافة صلصة الطماطم _ 2ضروس ثوم _ معدنوس مقطع _ زيت الزيتون إبزار _ملح







    الطريقة:أولا في طنجرة ندير شوية زيت زيتون وضرس ثو ملي يسخن نزيد بوزروك ونسد عليه باش يتحل ونبقى نخض الطنجرة وهي مسدودة حتى يتحل من بعد نصفية ونعاود نصفي السائل اللي طلق بوزروك في صفاي رقيق ثم ننقي بوزروك ونخلي شي وحيدات للديكور




    تحضير الصلصة :في مقلة ندير زيت العود ثم نضيف ضرس ثوم والمعدنوس مقطع يتشحر شوية نزيد حبات من بلح البحر منقي نحرك شوية ونزول ضرس الثوم ونضيف صلصة مطيشة وشوية من ماء بوزروك ونسد عليه 20دقيقة





    في هاد الوقت غنكونو غلينا طنجرة ماء نضيف ليها رشة ملح غليظ وشوية زيت عادي نزيد سباكيتي نزولها قبل متطيب بشي 3 دقائق نصفيها ونضيفها على الصلصة ونضيف بوزروك منقي وماء بوزروك اللي باقي عندنا ونخلط الكل ونضيف شوية ابزار وقليل من الملح ونخلي سباكيتي تكمل طيابها مع الصلصة







    مقادير التزيين:معدنوس مقطع _ بلح البحر _ جبن محكوك





    نقدمها مزينة بالمعدنوس مقطع وبلح البحر وطبعا حبيب الباسطة ههه جبن الgرانا وبالصحة والراحة








    في أمان الله غالياتي

    اترك تعليق:


  • oum ouaise
    رد
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    ليلازان بلخضر ولكفة

    سلام عليكم اخواتي
    كنحتاجو لباط 300غ فورص
    3بيضات
    ملح م/ك زيت ماءدة
    ونجمعوها وندلكوها مزيان ونخليوها ترتاح

















    لصوص نحتاجو ليها
    لكفة، خيزوا و كرعة محكوكين
    لصوص مطيشة م/ك مطشة حك
    ورقة سيدنا موسا ،ملح.ابزار.قزبر امعدنوس مكردين
    بصلة مكرضة رقيق و فص توم محكوك
    لصوص بشاميل منسم بابزار وكوزا شوووي و 2 فرماج
    اختياري و صور موضحة طريقة
















































    و بصحة و الراحة

    اترك تعليق:

يعمل...
X