ArabicEnglishFrenchSpanish

إعـــــــلان

تقليص
لا يوجد إعلان حتى الآن.

التصويت على أحسن طبق باسطا بصلصة الطماطم

تقليص
هذا الموضوع مغلق.
X
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    التصويت على أحسن طبق باسطا بصلصة الطماطم




    الاسبوع الاول : اطباق الباسطا بصلصة الطماطم


    السلام عليكم اخواتي ،مرحبا بجميع المشاركات في هاد المسابقة ، ان شاء الله تنال اعجابكم ومستوى تطلعاتك ،هادي هي الصفحة الخاصة باطباق الاسبوع الاول وهنا فين تقدرو تنزلو جميع اطباقك الباسطا لي اساسها صلصة الطماطم


    الدعوة مفتوحة للجميع واخة ماتكونيش مغتربة ايطالية مرحبا بيك وبمشاركتك
    يالله على بركة الله نبداو
    المسابقة هي كالتالي:
    (المشاركة بطبق باسطا من اختيارك )



    -على كل انيقة تود المشاركة الالتزام بهاد الشروط :
    -1:يجب ان يكون الطبق جديد لم يطرح من قبل في المنتدى
    -2:ان يكون طبق اقتصادي غير مكلف وفي متناول الجميع
    -3: ان يكون الطبق مرفوق بالصور والمراحل ومقدم بطريقة جميلة



    المسابقة غادي تدوم مدة شهر كامل وغادي نخصصو كل اسبوع لنوع محدد من الباسطا
    الاسبوع الاول :
    خاص جميع اطباق الباسطا لي اساسها صلصة الطماطم
    السبوع الثاني :
    خاص بجميع اطباق الباسطا لي اساسها الكريمة
    الاسبوع الثالت:
    خاص بجميع اطباق الباسطا لي تدخل للفرن
    الاسبوع الرابع:
    غادي نخصصوه للتصويت على افضل طبق لكل مجموعة



    كيف كل مسابقة غاديين يكونو جوائز لهذ المسابقة بحيث غاديين يكونو عندنا 3 فائزات بالمراتب الاولى مع نقاط اضافة بمعدل :
    10.000 نقطةللفائزة الاولى
    8000 نقطة للفائزة الثانية
    و 4000 نقطة للفائزة الثالثة
    وايضا وسام ومشاركة للبقية


    ليبغات تشارك في المسابقة خاصها توضع هذ الشعار في توقيعها هكذا تبانو ليا مزيان هههه


    رابط موضوع الدردشة


    http://www.anaqamaghribia.com/vb/showthread.php?t=452665&p=12187698&viewfull=1#post12187698









    36

    هذا الاستطلاع منتهي



    فهرس وصفاتي هدية إلى جميع الأنيقات
    https://www.anaqamaghribia.com/vb/sh...d.php?t=422758
    فهرس مواضيعي
    https://www.anaqamaghribia.com/vb/sh...d.php?t=422969


    • WhatsApp

    #2
    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

    السلام عليكم ورحمة الله وبركاته

    باسطا بصلصلة الطماطم المنسمة بالاعشاب



    افتتح المسابقة بهاد الطريقة المعتمدة عندي في أي سباغيتي درتها بمطيشة يعني نفس المكونات تا تجي مع الصوسيس ولا الكفتة ولا الطون ولا غير بوحدها إلى بغيتي تا تجي لذيذة وهي المعتمدة عندي من فاش بديت نطيب والحمد لله ديمة تجيني بنينة
    إلى ما عندكش الفرماج، ديري الفرماج مثلثات يذوبو مع مطيشة

    مكوناتي بسيطة جداً ومضمونة

    صلصة طماطم مخففة بشوية الماء وتزيد عليها شوية الزيت إلى بغيتي، وورقة سيدنا موسى والزعتر والبزار والتحميرة والملح والثوم (السودانية إلى بغيتي الحار)
    زيدي قريصة ديال البيكاربونات إلى مطيشة حامضة







    إلى عندك المعدنوس ديريه ما عندكش بلاش
    الزيت ديريه في كلشي إلا الطون ديريه بالزيت ديالو
    تا طيبي المكونات عادي



    وتسلقي سباغيتي عادي مع الملح وورقة سيدنا موسى
    وتخلطي عادي
    وديري الفرماج عادي

    إلى درتي الطون زينيه بالموتزاريلا تا يجي أفضل





    غطيها بورق الطبخ ثم الألمنيوم باش يذوب الفرماج مع السخونية بلا فرن

    الزربة ما خلانيش كبور على خاطري تا يتجابد معايا على الطبسيل فيه الجوع خخخخ

    سمحو لي اطباقي متواضعة ما عنديش مع الكوزينة بزاف غير بغيت نشارك ضد في شي وحدين

    جات لذيذة مياممممممممم
    تجمع :) أتحداك أن تفكري في النوم بعد صلاة الصبح :)
    https://www.anaqamaghribia.com/vb/node/17876456

    تعليق

      • WhatsApp

      #3
      رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

      الباسطا بالفلفلة والطون :
      السلام عليم حبيباتي هادي مشاركتي الاولى طبق ايطالي بالباسطا والفلفلة بسيط فالمقادير ورائع فالمداق ان شاء الله ينال اعجابكم وتدرجوه ضمن قائمة اطباقكم المعتمدة هههه نتتاقلو الان للائحة المقادير والطريقة بالمراحل المصورة
      المقادير :

      فهاد الوصفة غادي نحتاجو لكمية من الباسطا اي نوع متوفر فالبيت ، بصلة وفلفلة وثومة ، علبة طون ، زيت العود الملح البزار صلصة الطماطم شوية الزعتر و(السودانية )اختياري

      اول شئ ناخدو مقلة ونشحرو فيها الثومة مع شوية زيت العود

      من بعد نضيف البصلة مشلضة ونخليها شوية عاد نزيد الفلفلة


      نزول الثومة من بعدما عطات المفعول ديالها

      عاد نزيد علبة الطون بالزيت ونخليها تنساجم مع جميع العناصر شي خمسة دقائق

      دابة نضيفو صلصة الطماطم ونخلي وشوية الزعتر والسودانية


      نخلي كولشي يطيب

      نضيف الباسطا لي سلقتها وصفيتها من قبل
      وهادا هو الطبق النهائي ديالنا واجد بالصحو والراحة


      فهرس وصفاتي هدية إلى جميع الأنيقات
      https://www.anaqamaghribia.com/vb/sh...d.php?t=422758
      فهرس مواضيعي
      https://www.anaqamaghribia.com/vb/sh...d.php?t=422969


      تعليق

        • WhatsApp

        #4
        رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

        سلام علييكم ورحمة الله تعالى و بركته
        الباسطا بالسبانخ والكروفيت

        هادي باسطا بالسبانخ ولكروفيت حبيت نشاركها معاكم حيت كاتعجب وليداتي وراجلي وسهلة داغيا توجديهاكنحتاجو باسطا سبانخبصلة مشلضة رقيقفص ثومملح ،ابزارطماطم سوغيز كروفيتكناخدو مقلة نديرو زيت لبدية فصص توم مقسوم نزيدو بصلة نشحروها نضيفو مطيشة وا سبانخ غير يغلا نزيدو عليهوم لكروفيت ونديرو باسطا طيب فلما وا لملح

        ونخليكوم مع صور نتمنى تقبلو عليا ههه بهاد لمشاركة لبسيطة







        وبصحة و راحة و كنشكر خادمة لفرقآن حيت هيا لي شجعاتني نشارك معكم
        [][/SIGPIC]

        تعليق

          • WhatsApp

          #5
          رد: مسابقة احسن طبق باسطا (اطباق الاسبوع الاول: الباسطا بصلصة الطماطم )






          اولا تحية خالصة وطيبة لصاحبة الفكرة الرائعة
          حبيبتي خادمة الفرقان لتجمع بين اطباقنا هنا على صفحات هذه المسابقة المباركة، اشكر لك صنيعك الجميل هذا جعله الله في ميزان حسناتك، ونسال الله تعالى ان يديم علينا نعمه التي لا تعد ولا تحصى وان يبارك لنا في موائدنا ويحفظها لنا من الزوال ، وعليه اتقدم بطبقي الخاص بهذه المسابقة الشيقة وكما هو مطلوب في الاسبوع الاول

          الباسطا بصلصة الطماطم

          سباكيتي بصلصة الطماطم والجلبانة

          المقادير جد بسيطة

          شوية الجلبانة
          3 مطيشات محكوكين
          معلقة كبيرة مطيشة الحك
          3 دروس الثوم
          شوية القزبر ومعدنوس مقطعين
          شوية زيت بلدية
          ورقة سيدنا موسى
          شوية البورو
          خرقوم بلدي ـ تحميرة حلوة ـ بزار ـ ملح
          حك ديال الطون






          الباسطا انا ختاريت السباكيتي سلقتها في ماء مغلي من قبل مع ورقة سيدنا موسى
          وشوية البورو ودرس الثوم وملح وقطيرات الزيت




          ملي تسلقات قطرتها من الماء ودرتها تحت الروبيني باش يزول منها لاميدو ديالها
          وتجي مفروزة ماشي ملصقة





          الصلصة:


          عملت كلشي في طنجرة من غير الطون طبعا وخليتهم يتقلاوا على نار هادئة وضفت قليل
          من الماء وخليتها تشحر





          ملي وجدات الصلصة عملت السباكيتي في طبق التقديم ودرت فوق منها الصلصة كما هو موضح بالصورة اسفله ثم درت الطون وزينت الطبق بالبورو والمعدنوس وهاهو طبقنا ديال الباسطا بصلصة مطيشة واجد



          طبق لذيذ وخفيف ظريف








          اتمنى ان يروق لكن طبقي وبالصحة والراحة



          في امان الله وحفظه







          تعليق

            • WhatsApp

            #6
            رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

            السلام عليكم كنشكرك حبيبتي خادمة الفرقان على المسابقة و الله يوفق الجميع
            باسطا بالدجاج و البيسطو
            المقادير
            دجاج و لاصوص طوماط و باسطا درت ديال الفرشات و الزيت البلديا و ربع بصلة و ضامة البنة فيها حتا البازليك و القشدة الطرية
            الطريقة
            كنشحر الدجاج مع بصلة مشلظة و الزيت البلدية و نخليها حتا تدبل مزيان و عاد نزيد لاصوص دماطيشة و ضامة البنة و الما و نخليهم يطيبو و فالاخير نزيد القشدة الطرية و نخليها تخلي شي ٢ دقايق و نطفي عليها
            نطيب الباسطا مع مليحة و ملي نصفيها زدت البيسطو و لاصوص ديالي و كنقدمها بالفرماج محكوك نتمنا تعجبكم وصفتي





            تعليق

              • WhatsApp

              #7
              رد: مسابقة احسن طبق باسطا (اطباق الاسبوع الاول: الباسطا بصلصة الطماطم )



              تحية كبيرة لجميع الاخوات لي ساهمو معانا بمشاركاتهم القيمة ومابخلوش علينا بوصفاتهم الرائعة وان شاء الله حنى مزال كنتسناو باقي الانيقات الحادكات ، دابة غادي نتقاسم مع حبيباتي هاد الطبق الايطالي اللذيد ، هو طبق الباسطا بصوص النقانق ،شهيوة معتبرة ومداقها لا يقاوم ان شاء الله تنال اعجابكم واستحسانكم
              طبق الباسطا بصوص النقانق
              هنا اليوم الباسطا غادي تكون صنع منزلي
              مقادير الباسطا بالبيض
              غادي نحتاجو 200غرام طحين وجوج حبات بيض ورشة ملح هاد المقادير كافية لاربعة اشخاص وممكن تضاعفي المقادير حسب عدد الاشخاص لي عندك

              غادي نديرو الدقيق فطاولة العمل نرشو الملح ونحاولو نديرو حفرة الوسط ونديرو فيها البض نجمعو بيدينا مزيان حتى تكون عدنا كرة من العجين نحاولو ندلكوها بالمدلك شوية ونقسموها الى جوج او تلات اطراف كل طرف نعاودو نورقوه مزيااان


              هنا بغيت نصاوب الباسطا على شكل فراشات ونتي تقدري ديري شكل لي عجبك قسمت العجين بالجرارة على شكل مربعات


              كل مربعة تنحاول نقرصها من الوسط باش تعطيني شكل فراشة وغادي نستامر على هاد الشكل حتى
              نسالي جميع كمية العجين لي عندي


              مقادير الصلصة
              غادي نحتاجو للنقانق بصلة واحدة صلصة طماطم جزرة واعشاب منسمة انا درت غير اليازير اوالروزمارينو ، شوية الزعتر ممكن تزيدي وريقات الحبق ، زيت العود الملح البزار


              نشحرو البصلة فزيت العود

              نحاولو نكرضو الجزر رقيييق انا ستاعنك بالكراضة الربيع

              ندير كولشي يتشحر

              نقطع النقانق حتى هما دوائر ونضيفهم اتشحرو
              وندوز نسلق الفراشات دياولي ونصفيهم ومن بعد نخلطهم فالمقلة مع الصلصة


              هاهو الطبق ديالي وجد مرحبا بالجميع وبصحتكم وراحتكم



              فهرس وصفاتي هدية إلى جميع الأنيقات
              https://www.anaqamaghribia.com/vb/sh...d.php?t=422758
              فهرس مواضيعي
              https://www.anaqamaghribia.com/vb/sh...d.php?t=422969


              تعليق

                • WhatsApp

                #8
                رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

                السلام عليكم ورحمة الله وبركاته

                اهلا حبيباتي
                وشكرا لكن على قبولي في المسابقة

                ساشارك بطبقي المتواضع

                اعشيشات اسباكيتي

                الاسبوع الاول يكون
                باسطا
                بصلصة الطماطم


                المقادير

                الزيت ومليحة
                في الطنجرة اللي غنديروا
                فيها اسباكيتي تسلق

                لما تسلق نكبها تستقطر

                ندير فيها
                معلقة زبيدة
                باش تبقى مفروقة











                وندوزوا دابا ل لاصوص
                نحتاجوا ل

                مطيشة
                خيزو و9ريعة
                التوابل اللي هما
                خرقوم _ ابزار _ سكين جبير _ توابل المروزية
                ورقة سيدنا موسى _ زعيترة
                الثومة
                كأس الماء























                الطريقة

                نقطعوا مطيشة على 4
                ونديروها في الكوكوت
                نزيدوا اعليها ال9ريعة وخيزو مقطعين
                و نزيدوا اعليها الماء والتوابل والثومة ونسدوا اعليها ربع ساعة











                ملي تطيب نطحنوها في الخلاط الكهربائي



                نردوها في كاسرونة ونزيدوا اعليها
                صوص طوماط زيت بلدية زعيترة و ثومة
                ونخلوها حتى تختر









                طريقة المونتاج
                ناخدوا مول الزاج
                وندهنوه بزويتة
                ونحطوا فيه اسباكيتي
                على شكل اعشيش
                ونحط لا صوص في الوسط
                وفوق منها الكفتة
                اللي سوطيتها في زبيدة
                وندير الفروماج المودزاريلا من الفوق
                وندخلها للفران غير يذوب الفروماج
                ونخرجوها ونقدموها كل اعشيش لوحده
                الصور توضح



















                نقدموها بالصحة والراحة




                اللهم ادمها نعمة واحفظها من الزوال
                والى اللقاء في طبق اخر بحول الله



















                تعليق

                  • WhatsApp

                  #9
                  رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

                  ليلازان بلخضر ولكفة

                  سلام عليكم اخواتي
                  كنحتاجو لباط 300غ فورص
                  3بيضات
                  ملح م/ك زيت ماءدة
                  ونجمعوها وندلكوها مزيان ونخليوها ترتاح

















                  لصوص نحتاجو ليها
                  لكفة، خيزوا و كرعة محكوكين
                  لصوص مطيشة م/ك مطشة حك
                  ورقة سيدنا موسا ،ملح.ابزار.قزبر امعدنوس مكردين
                  بصلة مكرضة رقيق و فص توم محكوك
                  لصوص بشاميل منسم بابزار وكوزا شوووي و 2 فرماج
                  اختياري و صور موضحة طريقة
















































                  و بصحة و الراحة
                  [][/SIGPIC]

                  تعليق

                    • WhatsApp

                    #10
                    رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

                    سباغيتي ببوزروك



                    تحية طيبة لكل الأنيقات عاشقات الباسطة
                    هذي مشاركتي المتواضعة لأطباق المعكرونة بصلصة الطماطم نخليكم مع المقادير والطريقة قبلو علي






                    المقادير:نصف كيلو سباكيتي _ كيلو بلح البحر _ زلافة صلصة الطماطم _ 2ضروس ثوم _ معدنوس مقطع _ زيت الزيتون إبزار _ملح







                    الطريقة:أولا في طنجرة ندير شوية زيت زيتون وضرس ثو ملي يسخن نزيد بوزروك ونسد عليه باش يتحل ونبقى نخض الطنجرة وهي مسدودة حتى يتحل من بعد نصفية ونعاود نصفي السائل اللي طلق بوزروك في صفاي رقيق ثم ننقي بوزروك ونخلي شي وحيدات للديكور




                    تحضير الصلصة :في مقلة ندير زيت العود ثم نضيف ضرس ثوم والمعدنوس مقطع يتشحر شوية نزيد حبات من بلح البحر منقي نحرك شوية ونزول ضرس الثوم ونضيف صلصة مطيشة وشوية من ماء بوزروك ونسد عليه 20دقيقة





                    في هاد الوقت غنكونو غلينا طنجرة ماء نضيف ليها رشة ملح غليظ وشوية زيت عادي نزيد سباكيتي نزولها قبل متطيب بشي 3 دقائق نصفيها ونضيفها على الصلصة ونضيف بوزروك منقي وماء بوزروك اللي باقي عندنا ونخلط الكل ونضيف شوية ابزار وقليل من الملح ونخلي سباكيتي تكمل طيابها مع الصلصة







                    مقادير التزيين:معدنوس مقطع _ بلح البحر _ جبن محكوك





                    نقدمها مزينة بالمعدنوس مقطع وبلح البحر وطبعا حبيب الباسطة ههه جبن الgرانا وبالصحة والراحة








                    في أمان الله غالياتي












                    تعليق

                    يعمل...
                    X