ArabicEnglishFrenchSpanish

.

تجربتي مع المباريات

X
X
 
  • -
    • WhatsApp

    تجربتي مع المباريات

    يثبت من طرف بشرى الخيرات



    السلام عليكم و رحمة الله و بركاته اخواتي الغاليات في الله

    نزولا عند طلب الاخت nikisha اكتب لكن هذا الموضوع علكن تستفدن منه و لو قليلا
    اولا نعطيكم بعض المعلومات عليا انا كنت تخرجت سنة 2012 من احدى مدارس الهندسة و حصلت على دبلوم مهندس دولة كانت البداية ديالي في البحث منذ التخرج على عمل دفعت بزاااف القطاع الخاص بدون نتيجة و كذلك دفعت لمراكز الاتصال عدة مرات و دوزت اقلها اربعة مقابلات في مراكز مختلفة و عمرني متقبلت في شيحاجا قلصت مدة رجعت لدارنا و في 2013 تزوجت صراحة نقسات الهمة ديالي و مبقيتش كندفع او نقلب و كلست مدة دووت اول مباراة كانت ديال المديرية العامة للامن الوطني صراحة موجدت شي توجااد نيت مهم منجحتش فيها و من بعد تسعة اشهر زواج حملت و هنا خلاص مبقيتش كنقلب الا في القطاع العام و دوزت وانا عندي ثلاثة اشهر مباراة في وزارة المالية و مجابش الله و صراحة الامتحان كان صعيب و استعدادي ليه لم يكن بالمستوى المطلوب و قبل منو كنت دوزت مباراة اخرى و منجحتش كذلك و دائما كان عندي عدم ثقة في نفسي و في قدراتي و كيفاش ممكن نتهز من بين الالاف و ناهيك على عدم الاستعداد الجيد زائد البعد عن الله
    من بعد مولدت كثروا مشاكلي مع راجلي و بانت اشياء اخرى و تعقدت الحياة و استحالت العيشة احيانا و لله في ذلك حكمة كوني كنت انسانة مستهترة نوعا ما و موخداش الامور بجدية خاصة فيما يتعلق بالدراسة و النجاح في حياتي العملية و لولا الازمات لي مريت منها معمرني كنت ندير النفس و نجمع راسي و نحسن احوالي مع الله الحمد لله حمدا كثيرا و شكرا كثيرا
    عموما من بعد عام و زيادة ديال المحن و الهموم قررت نخرخ راسي من هاد البير الغامق و ميكنلي خيخرجني من غير الله ثم راسي اما الناس الى منفعوك غادي غير يضروك الا من رحم ربي كرهت نفسي و كرهت ديك الفتاة المهزومة لي راضية تعيش دور الضحية جمعت راسي توكلت على الله بديت كندفع تاني المباريات الدري كبر شوية يعني مبقاش عندي نشكيل كبير فيه مهم جات واحد المباراة دفعت ليها و توكلت على اللهو بديت كنوجد بعزيمة و اصرار و كنتقاتل مع ولدي لي مكيخليني نهز كتاباو نقرا في بيسي كنخليه تينعس بالنهار اوليل و نجلس نقرا الله يعملها واخة غير ساعة و لا ساعتين في النهار و كنت كنطلب الله يفرجها عليا مع ذلك كان ما زال يقيني ضعيف عموما سوفريت في الاستعداد للمباراة هاد المرة و ماشي كيف كاع المرات لي فاتوا و في هاد الفترة كنت مرة نستغفر و الف نسى و دوزت المباراة بداكشي لي قدرني عليه الله و خرخت مطمئنة نوعا ما و جلست من بعدها بقيت كندعي الله و كنترجاه يفرحها عليا و كنستغفر مرة مرة و في هاد الفترة مورا المباراة احتدت المشاكل الشخصية ديالي لدرجة اني حزيت و ولدي و حوايجي و خرجت من الدار و مشيت لدارنا على اساس نطلق حيت عييت مبقا عندي فين نزيد و في هاداك الشهر لي كلصت في دارنا كنت مكسورة بزاف و خايفة من المستقبل و كندعي الله يشوف من حالتي و كندعي بهاد الدعاء كنرتاح فيه بزاف : اللهم يا ودود يا ودود يا ذا العرش المجيد يا فعال لما تريد ايالك بنور وجهك الذي ملا اركان عرشك و اسالك بقدرتك التي قدرت بها على جميع خلقك و اسالك برحمتك التي وسعت كل شيء اللهم يا مغيث اغثني يا مغيث اغثني يا مغيث اغثني و اسال الله حاجتي
    من بعد راجلي رجعني لداري و تصلحت الامور و تحسنت على كيف كانت قبل نوعا ما و لله الحمد و المنة و في هاد الفترة تقريبا شي شهرين كنت ما زال كندعي الله و نستغفر مرة نياس مرة نعاود و كنحاول نقوي يقيني بالله وخا كانت كدوز عليا لحظات كئيبة و حزينة بزاف انما كنت كنحاول نتجاوزها و ملي خرجت النتيجة ديال الكتابي و نجحت هنا كانت نقطة تحول في حياتي حسيت انو ربي سامعني و استجاب ليا و صيفط ليا الرسالة و شديت الهمة كثر و وليت نصلي في الوقت اكثر و كنحاول نفيق واخا غير عشرة دقائق قبل الفحر و نصلي جوج ركعات ندعي الاه فيهم ينجحني و يفرحني و يفرح والديا و الاستغفار يوميا كنستغفر اقلها الف مرة في اليوم باش الاه يغفر الذنوي الكثيييرة لي حابسا عليا الرزق و ايضا شديت الهمة اكثر و مدة ما يقارب الشهر وانا كنوجد الشفوي و كنبحث و كنحفظ*وليت كاردة كلشي مزيان
    مهم جا نهار الشفوي دخلت دوزت خرجت مصدومة لاني بقا فيا الحال لي مسولونيش في ظاكشي لي قريت و مشا الحوار في اتجاه اخر حيث كل شفوي و كيف كيدوز وانا كنت باغا نجاوب مزيان و على كلشي هههه الشيء لي ماشي معقول طبعا حيث و لا بد انسان يعرف شي حوايج و ميعرفش اخرين
    مهم جيت مفعفعة و مصدومة و كنتذمر و نبكي علاش و علاش داز داك النهار نعلت الشيطان و استغفرت الله و حسيت براسي ربي بغا يختبرني ونا فشلت في الاختبار و دغيا ضعف يقيني و ثقتي في الله استغفرت ربي يسامحني و رجعت ثاني كنحاول نقوم الليل وخا غير جوج ركعات و الاستغفار اكيد يوميا و تعدبت واحد ثلاث اسابيع دازو عليا فحال ثلاث سنوات قتلني التخمام و القلق و في نهاية الله كبير مخيبس املي فيه و رجا والديا و دعواتهم ما اعظمك يا ربي لك الحمد و لك الشكر حتى ترضى و لك الحمد اذا رضيت
    خلاصة البنات ديرو جهدكم ضروووري تبذلو جهدكم كامل و ايضا ثيقوا في الله و تكثروا من الاستغفاااااااار و الله و الله عظيم اكيد الى جانب الصلاة و طاعة الله و الله و الله ربؤ ميخيبكم و ايضا كنت كنقول حتى دعاء سيدنا يونس يوميا تقريبا شي مئة مرة لا اله الا انت سبحانك اني كنت من الظالمين

    و هذه تجربتي نتمنى نكون فدتكم وخا غير شوية و عافاكم الا مدعيو معايا بشي تعيين مزيان اما الرباط و لا نواحي ديالها انا عارفة راسب طماعة ويني ربي كبيييبر و كرمو و عطاؤو ميتعد و لا يتحد راجلي كالي ميقدرش يرق ولو وانا منقدرش منشوفش ولدي مدة طويلة الا جاب الله كانت شي مدينة بعدة على الرباط

    الله يوفقكم كاملين البنات و الله يسر ليكم ما صعاب و يرزقكم مكتمناو
    بشرى الخيرات; 30-05-2016, 10:58.
    • WhatsApp

    #2
    رد: تجربتي مع المباريات

    الله يسهل عليك اختي وييسر ليك امورك
    الله يعطيك مانويتي
    ولي كتبها ليك الله فيها خير
    أنا حالياً أنتقد كثيرا من آرائي في الماضي وأراها خاطئة، وسوف أنتقد مستقبلاً كثيرا من الآراء التي أتبناها اليوم وسأضحك عليها، لا قدسية لآرائي :84:

      • WhatsApp

      #3
      رد: تجربتي مع المباريات

      السلام عليكم ، عقلت عليك ملي جينتي منهارة مورا الشفوي و شجعتك و دعيتك معاك تفكرتك غير البارح ...وفعلا ربي تدير غير للي فيها لخير، قوي راسك وباركة من الانهزامية ، الحمد لله على سلامتك فرحتيني

        • WhatsApp

        #4
        رد: تجربتي مع المباريات

        بارك الله فيكم البنات الله يجازيكميخير و يسر اموركم و يفرحكم كاملين يا رب

          • WhatsApp

          #5
          رد: تجربتي مع المباريات

          شكرااااااااااااا جزيلا أختي بارك الله فيك ، والله قريت ما بين السطور مشاعر مريت بيها ، تجربتك غادي تفيدني بزاف و ان شاء الله حتى انا ربي يفرحني يوما ما ، الله يعطيك ما تمنيتي وان شاء الله تعيني فمدينتك ،ولا شي مدينة قريبة ، و الى ماجابش الله عرفي باللي ربي اختارلك المدينة اللي فيها خير....ربي يعلم ونحن لا نعلم .

            • WhatsApp

            #6
            رد: تجربتي مع المباريات

            الله اسهل عليك فهاد الايام المباركة و نجحك او بشي تعيين ف الرباط وصلح بينك و بين راجلك و اصلح ليك اوليدك امين اوردي علينا لخبار

              • WhatsApp

              #7
              رد: تجربتي مع المباريات

              الله ايسر ليك فالرباط اختي تستاهلي كل خير باينة فيك انسانة طيبة. ودعي مع ختي حتى هي باغا الرباط ههههه
              وَعَجِلْتُ إِلَيْكَ رَبِّ لِتَرْضَى






                • WhatsApp

                #8
                رد: تجربتي مع المباريات

                ختي حلزونة راه ختي عيطو ليها وصيفطو ليها مايل فيه نهار الزيارة الطبية و الوثائق للي خاصها تجمع
                وَعَجِلْتُ إِلَيْكَ رَبِّ لِتَرْضَى






                  • WhatsApp

                  #9
                  رد: تجربتي مع المباريات

                  nikisha
                  شكرااااااااااااا جزيلا أختي بارك الله فيك ، والله قريت ما بين السطور مشاعر مريت بيها ، تجربتك غادي تفيدني بزاف و ان شاء الله حتى انا ربي يفرحني يوما ما ، الله يعطيك ما تمنيتي وان شاء الله تعيني فمدينتك ،ولا شي مدينة قريبة ، و الى ماجابش الله عرفي باللي ربي اختارلك المدينة اللي فيها خير....ربي يعلم ونحن لا نعلم .
                  الله اودي اختي لا شكر على واجب بالفرحات و السعدات و يااا ربي يا اختي يفرحك الله تنتي انا حاسة باي اخت مخدماش يا ربي يفرحك الله في هاد العواشر المباركة و يستجب الله دعواتك انا اربع سنوات شوماج و حمد لله ربي جاب الفرج غير ثقي في الله و عليك بالدعااء و الاستغفاار الله يفرحك و يفاجيها عليك يااا رب

                    • WhatsApp

                    #10
                    رد: تجربتي مع المباريات

                    dakach
                    الله اسهل عليك فهاد الايام المباركة و نجحك او بشي تعيين ف الرباط وصلح بينك و بين راجلك و اصلح ليك اوليدك امين اوردي علينا لخبار
                    اللهم امييين اختي ياا ربي شي تعيين في الرباط و لا قريب من الرباط ياا رب الله يفرحك تنتي اختي و يسر امورك و يخلي ليك ما عز عليك

                    ...
                    X